युहना 3:14 - चेपाङ

¹⁴ मान्‍ता याक्‌गार्‌सीःमालोहाङः मोसाइ उय्‍ह्‌ले सीङःहाङः रु गम्‌ती योकोःआकान् मान्‍ता स्‍याक्‌ताक्‌सा थेङालेः। ओउःलो लेखालेः ङाकायःमा च्‍युन्‌ती योकोःसा खेःतो।

युहना 3:14 ပူးပေါင်းရင်းမြစ်များ

मत्ती 26:54

इत हायःसा खाय्‌नाङःसु ओउः ल्‍होक्ओमयः वाङ्‌नै त खेःया ओउः उय्‍ह्‌लेकोः आखरःहाङः रय्‍ह्‌ती लेखओ कुरापाय् ताप्‌सा दोःल” त दाय्‍ह्‌ती येसुइ तोआकान्।

मत्ती 8:20

“लौ स्‍याल्‌खेकायः एनःसा ल्‍हाङ्‌मा मुनाः वाःखेकायः न्‍यास्‌सा छ्युत्‌मा मुनाः। ङा मान्‍ताकोः चोः त तोओखेकायः लयःकोः एनःसा कीम्‌पाय् दोह्‌मा नाःङल” त दाय्‍ह्‌ती येसु त्‍याङ्आ।

लुका 24:20

इ पेतो हायःओ येसुकायः ङीकोः ताङ्‌ह्ओ मान्‍तालम्‌मा पुरोहीत्‌लम्इमा रोमी सर्‌कार्‌कोः मान्‍तालम्‌कःताङ् दाक्‌ती ल्‍हाती ओउःकायः गाल्‌तुम्‌ती तोआक्‌तीको क्‍ल्‍याय्ओ सीङःहाङः योकोःती सात्‌ताक्आथै।

युहना 18:32

ओउःमयःखेइ येसुकायः क्‍ल्‍याय्ओ सीङःहाङः सात्‌सा बोङःआकानी येसुकोः ङ्‌हा तोओ कुरालो लेखालेः।

युहना 6:51

लौ ओउः लाङ्‌कासै वाङ्ओ जीङः दोःताक्‌सा जेःगा ङा लेःआः बा। सुसुइ इ जेःगा जेःचानी ओउःलेः गलमा द्युम्‌मालो जीङः दोःनै। इ जेःगा त तोसापाय् ङाकोः आङ् लेःआः। ओउःपाय् ङाइ सबै ल्‍हाव्‍ह्‌दैबाङ्‌हाङः मुओलम्‌कायः जीङः दोःताक्‌साकायः बयःनाङःसु बा” त दाय्‍ह्‌ती येसुइ स्‍यान्‌ती तोआथास।

युहना 8:28

ओहाङःसैको “लौ ङा मान्‍ताकोः चोःकायःपाय् नीङ्इ त्‍यावःअ च्‍युन्आक्‌तीको ङाकायःपाय् ‘ओउः लेःआः बा’ त तय्‍ह्‌तेःनाङ्‌स। ङाइ लयःझुङ्आले दोह्‌मा हायःङल। दोह्‌लो ङाकोः आपाइ स्‍यान्‌चाःताङः ओउःलेः ह ङाइ थोल्‍ह्‌ती तोनाङः।

खबरदुत 2:23

ओहाङःसैको ओउः येसुकायः नीङ्इ अरु परमेस्‍वर्‌कायः झाह्‌मालो मान्‍तालम्‌कःताङ् दाक्‌ती ओउःकायः क्‍ल्‍याय्ओ सीङःहाङः सात्‌तेःताक्‌तेःआकानी बा। इतलेः नीङ्इ हायःतेःनीतो दोङ्‌सीलेः इ येसुकायः सात्‌सा खेःओ कुरा परमेस्‍वर्‌इ ङ्‌हासै चीःतीमा रय्‍ह्‌ती गम्आकान्।