युहना 20:31 - चेपाङ

³¹ दोह् दोह् इहाङः लेखती मुनाः “येसुपाय् ओउः वाङ्‌सा खेःओ ख्रीस् लेःआः परमेस्‍वर्‌कोः चोः” त छ्यानःती नीङ्‌कायः ङ्‌हाम्‌ताक्‌साकायः लेखओ मुनाः। ओहाङःसैको ङ्‌हाम्आक्‌तीको रौ जीङःतेः दोःतेःनै।

युहना 20:31 ပူးပေါင်းရင်းမြစ်များ

मत्ती 16:16

“नाङ्‌पाय् परमेस्‍वर्‌इ तोती गम्ओ ख्रीस् लेःतेःआः ओउः दोङ् जीङः नाःओ परमेस्‍वर्‌कोः चोःलेः” त दाय्‍ह्‌ती पत्रुस् त्‍याङ्आ।

मत्ती 27:54

ओहाङःसैको ल्‍याङ् वाङ्‌तोक्‌हाङः ओउः सीपाहीलम्‌कोः हवल्‌दार्‌मा अरु ओउःकुस्इ येसुकायः योती मुओलम् इ ग्‍याङ्‌ह्‌सीःओ कुरा च्‍यवःती आन रैती “लौ इ मान्‍तापाय् दोङ्‌सीलेः परमेस्‍वर्‌कोः चोःलेः खेःतो रैस बा” त दाय्‍ह्‌ती दाय्‍ह्आकाय्।

मत्ती 4:3

ओउःत योङ्‌क्राय्‌तोक्‌हाङः ओउः सैतान् लान्‌पाय् थ्‍योन्‍ह्‌ती योलाङ् वाङ्‌ती “लौ नाङ् दोङ्‌सीलेः परमेस्‍वर्‌कोः चोःलेःतेः खेःतेःनाः त खेःया इ बाङ्‌कायः ‘लौ लाङ् थाङ्‌ती स्‍याव्अ’ त दाय्‍ह्‌ती तोउ दा” त दाय्‍ह्‌ती येसुकायः तोथातो

मर्‌कस् 16:16

सुसुखेइ इ कुरा ङ्‌हाम्‌ती बाप्‍तीस्‍मा त्‍याक्‌नानी ओउः मान्‍तालेः दल्‌तो स्‍याव्‌नै सुसुखेइ ङ्‌हाम्‌नीली ओउः मान्‍तालेः लोने न्‍युम्‍ह्‌नानी।

लुका 1:35

“लौ नाङ्‌कःताङ् परमेस्‍वर्‌कोः ग्‍वालामः ग्‍ल्‍युङ्‌ह्‌ती खुप्‌लाङ् वाङ्‌ती ओउःकोः ग्‍वम् दोःआक्‌तीको इ परमेस्‍वर्‌इ तोती गम्ओ कुरा स्‍याव्‌नाः। ओउःत झ्‍यान्‍ते नाङ्‌कोः लोने वाङ्‌सा खेःओ चोःपाय् छय्‍ङ्ओ लेःआः ओउःकायः ‘परमेस्‍वर्‌कोः चोः लेःआः’ त तोनाः।

लुका 1:4

इ ङाइ लेखओ कुरा पह्रआक्‌तीको नाङ्इ ओउः ङ्‌हा स्‍यान्ओ कुराकायःपाय् “गाव्‌खे दोङ् कुरा लेःआः गाव्‌खे दोङ्‌मालो कुरालेः” त नाङ्इ लयःकायः तय्‍ह्‌सा खाय्‌तेःनौ।

लुका 24:47

ओहाङःसैको यरुसालेम्‌हाङःमा लोने सबै देस्‌लम्‌हाङःमा ‘लौ रेव्ओ काम्‌लम् फेती ख्रीस्इ तोओ कुरा ङ्‌हाम्ओ त खेःया रेव्ओ काम् जाङ्‌ह्‌झ्‍याङ्‌कोः क्‍युम्‍ह्‌ती वाय्‌सालेः स्‍याव्‌नाः’ त दाय्‍ह्ओ सबैकायः तोसा खेःतो। इ कुरा परमेस्‍वर्‌कोः आखरःहाङः लेखती मुनाः।

युहना 1:49

“अहै गुरुय नाङ्‌पाय् परमेस्‍वर्‌कोः चोः लेःतेःआः बा इस्राएल्‌कोः राजालेः” त दाय्‍ह्‌ती नथानएल् दाय्‍ह्आ।

युहना 10:10

ओउः पेमालो स्‍योखे कुःलाङ् वाङ्‌नाः अरुकायः सात्‌ती ह्र्योङःचानाःथास। ङाखे अरुकायः रौ जीङः दोःताक्‌लाङ् वाङ्आलाङः माः न्‍हाङ्‌तोलेः दोःताक्‌लाङ् वाङ्आलाङः।

युहना 19:35

लौ इ कुरापाय् च्‍यवःओ मान्‍ताइलेः नीङ्‌कायः ङ्‌हाम्‌ताक्‌साकायः लेखती गम्ओआः ओउःइ ल्‍हाक्ओ कुरापाय् दोङ् कुरा लेःआः बा।

युहना 20:28

“लौ ङाकोः प्रभुय ङाकोः परमेस्‍वर्‌य” त दाय्‍ह्‌ती थोमा दाय्‍ह्आ।

युहना 3:18

ङ्‌हाम्ओलम्‌खेकायः गाल्‌तुम्‌ती नोःओ कुरा नाःल बा ङ्‌हाम्‌मालोलम्‌खेकायः ङ्‌हाहाङःसैलेः गाल्‌तुम्‌ती तोओ मुजेःनै दोह् हायःती दाय्‍ह्‌सा ओउःमयःइ परमेस्‍वर्‌कोः ल्‍हुङ् गोरे चोःकायः ङ्‌हाम्आक्‌नीली।

युहना 3:36

ओहाङःसैको परमेस्‍वर्‌कोः चोःकायः ङ्‌हाम्ओलम्‌खे गलमा वाय्‌मालो गलमा द्योक्‌मालो रौ जीङः दोःनै। सुसुइ ओउः चोःकायः ङ्‌हाम्‌नीली ओउःखे जीङः दोःबाय्इली ओउःकायः परमेस्‍वर्‌इ म्‍हर्‌ताक्‌माःत गलकायःमा न्‍युम्‍ह्‌ताक्‌नाःथास” त दाय्‍ह्‌ती तोआकान्।

युहना 5:24

दोङ्‌सी दाय्‍ह्‌भनाङ् सुसुइ ङाइ तोओ कुरा सायःती ङाकायः ल्‍होक्ओ आपाकायः पेतो ङ्‌हाम्‌नाःथै ओउःलेः गलमा द्योक्‌मालो जीङः दोःआनै बा। ओउःपाय् लयःकोः ङ्‌हा जाङ्‌ह्ओ रेव्ओ काम् जाङ्‌ह्‌झ्‍याङ्‌कायः न्‍युम्‍ह्‌माःत सीओहाङःसै उह्‌ती च्‍योक्आलेः स्‍याव्‌नै।

युहना 6:40

फेरी ङाकोः आपा झाक्ओमा इलेःआः। सुसुइलो परमेस्‍वर्‌कोः चोः च्‍यवःती ङ्‌हाम्‌नानी ओउःलेः रौ जीङः दोःती ओउः पुत्ओ दीन्‌हाङः उह्‌ती च्‍योक्‌तो स्‍याव्‌नै बा” त दाय्‍ह्‌ती दाय्‍ह्आ।

खबरदुत 10:43

‘सुसुलो येसुकोः कुरा ङ्‌हाम्‌चानी ओउः मान्‍ताकोः रेव्ओ काम्‌लम् परमेस्‍वर्‌इ येसुकोः मय्‍ङ्इलेः क्‍युम्‍ह्‌ताक्‌ती वाय्‌नौ’ त उय्‍ह्‌लेहाङःसै परमेस्‍वर्‌कोः कुरा छ्यानःओ मान्‍तालम्इ लेखआकानी बा” त दाय्‍ह्‌ती हुम्ओ मान्‍तालम्‌कायः पत्रुस्इ तोआथास।

खबरदुत 3:16

मेस्‌खा ङीइ ङ्‌हाम्ओ येसुकोः मय्‍ङ् पेह्‌ती इ क्‍ल्‍योय्‌बाङ् खेःओकायः सेलः स्‍याव्‌ताक्आलाङःसु। इ स्‍याक्‌ताक्ओ नीङ्इ च्‍यवःतेःआकानी। ङीइ येसुकोः कुरा ङ्‌हाम्‌ती झ्‍यान्‍ते एतलेः स्‍याक्‌ताक्‌सा खाय्‌नाङःसु।

खबरदुत 8:36

ओहाङःसैको एत स्‍यान्‌ती नोःतोक्‌हाङःपाय् ल्‍याम्‌हाङः आल्‌दा आल्‌दा तीःहाङः दाह्आकाच। तीःहाङः दाह्‌ती “लौ इहाङः तीः मुनाः। ङाकायः बाप्‍तीस्‍मा जाङ्‌ह्‌सा स्‍याव्‌नाः यादो” त दाय्‍ह्‌ती ओउः मन्‍तरी दाय्‍ह्आ।

खबरदुत 8:37

“नाङ् ल्‍हुङ्‌हाङः पेतो ङ्‌हाम्‌नौ त खेःया बाप्‍तीस्‍मा त्‍याक्‌सा स्‍याव्‌नाः” त दाय्‍ह्‌ती फीलीप् त्‍याङ्आ। “स्‍याव्आनाः येसु ख्रीस् त तोओ परमेस्‍वर्‌कोः चोः लेःआः एत ङ्‌हाम्‌नाङः बा” त दाय्‍ह्‌ती ओउः मन्‍तरी दाय्‍ह्आ।

खबरदुत 9:20

ओउःमयःकुस् मुतोक् बेलाहाङः सावुल्‌पाय् थनःओ कीम्‌लम्‌हाङः येसुकोः कुरा नोःलाङ् आल्आ। “येसु त तोओपाय् परमेस्‍वर्‌कोः गोय्‌चोःचोः लेःआः बा” त दाय्‍ह्‌ती नोःती मुओ खेःतो।

१ पत्रुस् 1:9

ओहाङःसैको नीङ् पेतो ङ्‌हाम्‌लेःनानी त खेःया नीङ्‌कोः ङ्‌हाम्‌झ्‍याङ्‌कोः रौ जीङः दोःतेःनै।

१ युहना 4:15

सुसुइ “लौ येसुपाय् परमेस्‍वर्‌कोः चोः लेःआः” त दाय्‍ह्‌ती तोनानी ओउःकुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

१ युहना 5:1

“येसुपाय् ओउः वाङ्‌सा खेःओ ख्रीस् लेःआः” त दाय्‍ह्‌ती ङ्‌हाम्ओलम् झुङ्आले परमेस्‍वर्‌कोः चोःलम् स्‍याव्‌नै। फेरी सुसुइ आपाकायः राप्‌नानी ओउःइलेः आपाकोः चोःलम्‌कायःमा राप्‌नाःथास।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।

२ युहना 1:9

सुसुखेइ येसुकोः स्‍यान्‌राय्‌कुस् अरु थे कुरा स्‍यान्‌ती तोचानी ओउःलेः परमेस्‍वर्‌कोः ल्‍हुङ्‌तुक् चीःनीली। ख्रीस्‌कोः स्‍यान्‌राय् झुङ्आले स्‍यान्ओमयःखेपाय् ओउःमयःइ परमेस्‍वर्‌ आपाकोः ल्‍हुङ्‌तुक्‌मा चीःनानी चोःकोः ल्‍हुङ्‌तुक्‌मा चीःनानी।

प्रकाश 2:18

थुयातीराहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘लौ ओउः म्‍हेःलो प्‍लीङ्‌ह्ओ मीक् नाःओ चाक्‌पाय् ओउः युओ पीताल्‌लो थोङ्ओ दोम् नाःओ परमेस्‍वर्‌कोः चोःपाय् ओउःइ तोओ कुरा इलेःआः।