युहना 20:29 - चेपाङ

²⁹ “लौ थोमा नाङ्‌खेइ च्‍यवःती झ्‍यान्‍ते ङ्‌हाम्‌तेःनाःची अरुखेइ ङाकायः च्‍यवःमाःत ङ्‌हाम्‌नानी ओउःमयःपाय् गुच्‍युक् पेओ लेःआः बा” त दाय्‍ह्‌ती येसु तोआथै।

युहना 20:29 ပူးပေါင်းရင်းမြစ်များ

मत्ती 13:16

नीङ्‌खेकायः परमेस्‍वर्‌इ आन पेतो हायःतेःआकाय् बा दोह् हायःती दाय्‍ह्‌सा नीङ्इ ओउःकोः कुरा च्‍यवःतीमा सायःतीमा चीःसा खाय्‌तेःनानी।

लुका 1:45

ओउः परमेस्‍वर्‌इ तोती गम्ओ कुरा ङ्‌हाम्‌ती झ्‍यान्‍ते नाङ्‌पाय् आन म्रोतोतेः स्‍याव्‌तेःनाः” त दाय्‍ह्‌ती इलीसबाइ सोतो नोःती मरीयम्‌कायः तोआथै।

युहना 20:28

“लौ ङाकोः प्रभुय ङाकोः परमेस्‍वर्‌य” त दाय्‍ह्‌ती थोमा दाय्‍ह्आ।

युहना 20:8

सीमोन् पोक्आक्‌तीको ओउः अरु मान्‍तामा पोक्‌ती पेतो योती “माः रैस येसुपाय् आल्ओआः” त ङ्‌हाम्आकान्।

युहना 4:48

“लौ नीङ् मान्‍ताइपाय् ग्‍याङ्‌ह्‌राय् आःताः च्‍यवःमाःत गलमातेः ङ्‌हाम्‌तेःनीली” त दाय्‍ह्‌ती येसु दाय्‍ह्आ।

२ कोरीन्‍थी 5:7

ओउःत झ्‍यान्‍ते ङी लाङ्‌काकोः कुरा च्‍यवःसा खाय्‌धाङ्‌माःखाहाङः ङ्‌हाम्‌तीलेः वाह्‌नाङी।

हेब्रैनी 11:1

ङी ङ्‌हाम्ओ मान्‍ताइ लोने वाङ्‌सा झाक्ओ कुरापाय् “ताप्आनाः बा” तमा दाय्‍ह्‌ती दाय्‍ह्‌लेःनाङी द्याह् च्‍यवःसा खाय्‌मालो कुरापाय् “मुलेःनाः बा” तमा चीःलेःतय्‍ह्‌नी।

हेब्रैनी 11:27

ओहाङःसैको परमेस्‍वर्‌कायः ङ्‌हाम्‌ती “लौ ङाकः राजा आन ल्‍हुङ् मल्‍ह्‌तो स्‍याव्‌चाः” त दाय्‍ह्‌ती ओउः राजाकः रैमाःत मोसापाय् मीस्रा देस्‌कायः फेआकान्। ओउः च्‍यवःसा खाय्‌मालो परमेस्‍वर्‌कायः च्‍यवःसा खाय्ओलो लेखालेः गुल्‍ह्‌ती ओउःपाय् गलमा द्यान्‍ह्‌ल।

हेब्रैनी 11:39

ओउःमयःपाय् इत ङ्‌हाम्‌तीलेः वाह्‌ती झ्‍यान्‍ते ङीकायः स्‍यान्‌नाःतय्‍ही। ङीकायःपाय् स्‍यान्‌सापाय् स्‍यान्‌तय्‍हीतो परमेस्‍वर्‌इ तोती गम्ओ कुरापाय् दोःधाङ्इली।

१ पत्रुस् 1:8

ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।