युहना 20:25 - चेपाङ

²⁵ ओहाङःसैको थोमा लोने अरुकःताङ् पाय्‍ह्‌ती क्रुस्आक्‌तीको “ङीकोः प्रभुकायः च्‍यवःआलाङःसु” त दाय्‍ह्‌ती ओउःमयःइ ल्‍हाक्‌ती तोथातो “ओउःकोः क्रुत्‌हाङः खील्‌कोः घाङ् च्‍यवःआताःमाःतो लयःकोः ब्रय्‍ह्इ ओउःकोः क्रुत्‌कोः घाङ्‌मा पाम्‌कोः घाङ्‌मा दीन्‍ह्आताःमाःतो ङाइ नीङ्‌कोः कुरा ङ्‌हाम्‌ङल” त दाय्‍ह्‌ती थोमाइ तोआथास।

युहना 20:25 ပူးပေါင်းရင်းမြစ်များ

मर्‌कस् 16:11

“लौ येसुपाय् उह्‌ती च्‍योक्‌तो मुओ त ङाइ मेस्‌खा च्‍यवःआलाङः बा” त दाय्‍ह्‌ती तोउतो एत तोओपाय् अरुलम्इ ङ्‌हाम्‌नीली।

मर्‌कस् 16:13

एत च्‍यवःआक्‌तीको ओउःनीस्इ पाय्‍ह्‌ती “येसुकायः च्‍यवःआलाङःचु” त दाय्‍ह्‌तीमा छ्यानःचुतो ओउःनीस्‌कायःमा अरुलम्इ ङ्‌हाम्‌थाचल।

मर्‌कस् 16:14

फेरी लोन्‍तेसै येसु ओउः एघारजन लयः छ्युङ्‌ह्ओमयःकःताङ् आम्‍ह् जेःओ बेलाहाङः थाआ। थातोक्‌हाङः ओउःमयः ङ्‌हाम्‌मालो चाक्ओ ल्‍हुङ् स्‍याव्‌ती झ्‍यान्‍ते ओउःइ जान्आथास।

लुका 24:25

ओउःत सायःआक्‌तीको “अ नीङ् चीःमालो मान्‍तातेःआः इ। परमेस्‍वर्‌कोः कुरा छ्यानःओमयःइ ङ्‌हा तोओ कुरापाय् दोह् हायःतीतेः इत पेतो ङ्‌हाम्‌तेःनीली।

युहना 1:41

येसुकुस् मुआक्‌तीको अन्‍द्रीयस् त तोओइ ङ्‌हा लयःकोः हौ बोङःलाङ् आल्आ। हौकायः बोङःती क्रुस्आक्‌तीको “लौ हौय नीचीइ ओउः वाङ्‌सा खेःओ मासी त तोओ च्‍यवःआलाङःचु” त दाय्‍ह्‌ती तोआथै। ओउः “मासी” त तोसापाय् ओउः वाङ्‌सा खेःओ ख्रीस् लेःआः। एत तोआक्‌तीको अन्‍द्रीयस्इ लयःकोः हौकायः येसुकःताङ् वानःआथै।

युहना 20:27

थोमाकायः ल्‍हेःती “लौ नाङ्‌कोः ब्रय्‍ह्इ इहाङः साम्‍ह्‌ती ङाकोः क्रुत्‌लम्‌मा योची दा। नाङ्‌कोः क्रुत् प्‍योती ङाकोः पाम्‌हाङः गम्‌ची ओहाङःसै पेतोलेः ङ्‌हाम्‌ची दा” त ओउःकायः दाय्‍ह्‌ती तोउतो

युहना 21:7

“लौ ओउःपाय् ङीकोः प्रभु लेःआः बा” त दाय्‍ह्‌ती येसुइ आन राप्ओ ओउःकुस् वाह्ओचाक् दाय्‍ह्ओ। दाय्‍ह्आक्‌तीको “ङीकोः प्रभु लेःआः” त सायःती सीमोन् पत्रुस्‌खे लयःकोः नाय् रोत्‌ती क्रमःआक्‌तीको तीःहाङः ज्‍योस्‌ती पोक्आ ओउःपाय् ङ्‌हा सोह् मुओ खेःतो।

युहना 6:30

“ओउःत खेःओ नाङ्‌कोः कुरा ङ्‌हाम्‌ताक्‌साकायः ङीकायः दोह् दोह् ग्‍याङ्‌ह्‌राय् जाङ्‌ह्‌तेःनाःताङी।

हेब्रैनी 3:12

लौ पुःचोङ् हौचोङ्‌य घीःती मुन दा उया यात्‌नीस्‌चाक्इ रेव्ओ ङ्‌हाम्‌मालो ल्‍हुङ् दोःती ओउः जीङः नाःओ परमेस्‍वर्‌कायः फेतेःचानी यादो।

हेब्रैनी 3:18

ओहाङःसै ओउः सायःसा ग्‍यामालोलम्‌कायः “लौ ओउःमयः ङाकुस् ङाकोः पेतो य्‍हाङःती मुसा राजीहाङः पोक्‌सा गलमा दोःइली” त दाय्‍ह्‌ती परमेस्‍वर्‌इ कीरीया जेःती तोती गम्आकान् खेःल तब आने।