युहना 20:17 - चेपाङ17 “ङाकायः चुम्लाम् त्यावःअ ङाकोः आपाकःताङ् आल्धाङ्ङल। लौ ङाकोः हौचोङ्पाय् इत ल्हाक्ती तोलाङ् आल्अ। ङा देङी त्यावःअ ङाकोः परमेस्वर् आपाकःताङ् आल्नाङः। ओउःपाय् नीङ्कोः परमेस्वर् आपामा लेःआः। लौ ओउः कुरापाय् ओउःमयःकायः ल्हाक्ती तोउसु दा” त दाय्ह्ती येसुइ तोआकान्। အခန်းကိုကြည့်ပါ။ |
युहना 20:17
48 ပူးပေါင်းရင်းမြစ်များ
फेरी सीआक्तीको उह्ती च्योक्ओ कुरापाय् परमेस्वर्कोः आखरःहाङः मुलेःनाः बा। मोसा त तोओ लेखओ कुरा नीङ्इ पह्रती चीःतेःनानी माःर। मोसापाय् झ्युर्राङ्हाङः ल्युङ्ह्ती मुतोक् बेलाहाङः परमेस्वर्इ ओउःकायः गोत्ती ‘लौ आब्राहाम् इसाक् याकुब्त तोओलम्कोः परमेस्वर्पाय् ङालेः मुनाङः’ त दाय्ह्ती तोआकान्। ओउःइ तोकानःलम्कोः परमेस्वर्लेः ‘खेःङोतो’ त तोउलु ओउःमयःकोः परमेस्वर् ‘मुलेःनाङः’ त तोआकान्।
ओउःमयः ओउः ङ्हाहाङः फेओ देस्खेताङ् पाय्ह्इली ओउःसै पेओ लाङ्का देस्खेताङ् द्याह् आल्सा झाक्इतो ती ओउःत झ्यान्ते ओउःमयःइ परमेस्वर्कायः “लौ ङीकोः परमेस्वर् लेःआः” त दाय्ह्ती तोतोक्हाङः ओउःमयःकः परमेस्वर् अह्र्ल। ओउःपाय् अह्र्ल ओउः एत ङ्हाम्ओ लयःकोः मान्तालम्कायः याक्सा सहर्लेः जाङ्ह्आथास।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
ग्ल्युङ्ह्ती वाङ्तोक्हाङः ओउः राजा च्युङःसा थाव्सै सोतो हाव्नयःमा सायःआलाङः “लौ द्याह्गोते परमेस्वर्पाय् मान्तालम्कुस् याक्लेःनाः। ओउःत याक्तोक्हाङः ओउःमयः परमेस्वर्कोः मान्तालम् स्याव्लेःनै। माः है परमेस्वर्पाय् लयःलेः मान्तालम्कुस् याक्ती ओउःमयःकोः परमेस्वर् स्याव्लेःनाः।
ကြော်ငြာတွေ