युहना 2:21 - चेपाङ

²¹ दोङ् बाङ्‌कोः मन्‍दीर्‌कायः येसुइ तोउलु लयःकोः आङ्‌कायः तोओ खेःतो बा।

युहना 2:21 ပူးပေါင်းရင်းမြစ်များ

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

युहना 2:22

ओहाङःसैको लोने येसुकोः आङ् वाय्आक्‌तीको ओउःपाय् सीओसै उह्‌ती च्‍योक्ओ बेलाहाङः इ कुरा ओउःकुस् वाह्ओमयःइ तय्‍ह्‌ती चीःआकानी। चीःआक्‌तीको आखरःहाङः लेखओ कुरामा येसुइ तोओ कुराकायःमा ङ्‌हाम्आकानी।

१ कोरीन्‍थी 3:16

नीङ्‌पाय् परमेस्‍वर्‌कोः मन्‍दीर्‌लो लेखालेः खेःतेःनै बा। नीङ्‌कोः ल्‍हुङ्‌हाङः परमेस्‍वर्‌कोः ग्‍वालामः याक्‌नाः ओउःत नीङ्इ चीःतेःनीली र।

१ कोरीन्‍थी 6:19

नीङ्‌कोः आङ्‌हाङःपाय् परमेस्‍वर्‌कोः ग्‍वालामःलेः मुनै। ओउःत झ्‍यान्‍ते नीङ् परमेस्‍वर्‌कोः मन्‍दीर्‌लो लेखा मुतेःनै एत नीङ्इ चीःतेःनानी माःर। फेरी नीङ्‌कोः आङ्‌लम्‌पाय् परमेस्‍वर्‌इ बयःतेःआकाय् नीङ्‌कोः लयःकोःलेः खेःबाय्‌ल।

२ कोरीन्‍थी 6:16

परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।

कोलसी 1:19

ख्रीस्‌कायःपाय् परमेस्‍वर्‌इ लयःकोः ग्‍वम्‌मा ल्‍हुङ्‌तुक्‌मा “सबै ओउःकुस् मुपाः” त झाक्‌ती म्रोतीलेः तोआथै।

कोलसी 2:9

ख्रीस्‌पाय् मान्‍ता स्‍याव्आक्‌तीको ओउःकोः ल्‍हुङ्‌तुक्‌मा ग्‍वम्‌मा परमेस्‍वर्‌कोः ल्‍हुङ्‌तुक् ग्‍वम्‌कुस् यातैज्‍योः लेःआः।

हेब्रैनी 8:2

फेरी ख्रीस्‌खेइपाय् अरु मान्‍ताखे पोक्‌सा दोःमालो मन्‍दीर्‌कोः दोङ् दुङ्‌हाङः पुरोहीत्‌कोः काम् जाङ्‌ह्‌लेःनौ। ओउः दोङ् मन्‍दीर्‌पाय् मान्‍ताइ जाङ्‌ह्ओ खेःल प्रभुइ जाङ्‌ह्ओ लेःआः बा।