युहना 2:20 - चेपाङ

²⁰ “खेःल इ मन्‍दीर्‌ ङ्‌हा जाङ्‌ह्‌साकायःपाय् छवालीस् बर्‌सच्‍युक् परओ खेःतो। गत हायःतीतेः नाङ् तीन् दीन्‌हाङः जाङ्‌ह्‌सा खाय्‌तेःचौ” त दाय्‍ह्‌ती ओउःमयः ग्‍याङ्‌ह्‌ती मुइतो

युहना 2:20 ပူးပေါင်းရင်းမြစ်များ

मत्ती 24:1

ओउःतलेः येसु दाय्‍ह्आ ओहाङःसैको दाय्‍ह्आक्‌तीको येसु मन्‍दीर्‌सै ग्‍ल्‍युङ्‌ह्‌ती आल्आ। ओहाङः ग्‍ल्‍युङ्‌ह्‌ती आल्‌तोक्‌हाङः ओउःकुस् वाह्ओमयः वाङ्‌ती “लौ इ मन्‍दीर्‌कोः दर्‌बाल्‌लम् योउ दै” त दाय्‍ह्‌ती तोथातो

लुका 21:5

ओहाङःसैको यात्‌नीस् मान्‍तालम्इ मन्‍दीर्‌कायः त्‍यास्‌ती योती “लौ इ दर्‌बाल्‌पाय् योसा गुच्‍युक् पेजेःनाः रैस। ओउःपाय् आन पेतो ङर्‌ओ बाङ्‌कोः देओ लेःआः बा” त दाय्‍ह्‌ती येसुकायः तोथातो

युहना 1:19

ओहाङःसैको यात्‌दीन्‌हाङः यहुदीलम्इ यरुसालेम्‌सै पुरोहीत्‌लम्‌मा लेवीत तोओ मन्‍दीर्‌हाङः काम् जाङ्‌ह्ओमयःमा ल्‍होक्आथास “इ युहना त तोओ ‘सुखेलो’ ” त लयः चीःताक्‌सा थेङा ओउःकःताङ् सायःती योसाकायः ल्‍होक्आथास। ओउः ल्‍होक्‌ती वाङ्ओलम्‌पाय् युहनाकःहाङः दाह्‌ती “लौ नाङ् सुलोतेः खेःतेःनाः” त व्‍हत्‌थातो

१ कोरीन्‍थी 15:4

ओहाङःसैको सीआक्‌तीको ओउःकोः म्‍हाङ् पाम्‍ह्आकानी। पाम्‍ह्आक्‌तीको सुम् दीन् स्‍याव्आक्‌तीको ओउःकायः परमेस्‍वर्‌इ उह्‌ती च्‍योक्‌ताक्आथै। ओउःत हायःओमा परमेस्‍वर्‌कोः आखरःहाङः लेखती मुनाः।