युहना 2:1 - चेपाङ

¹ ओहाङःसैको चीत्‌सैलोहाङः गालील अन्‍चल्‌कोः काना त तोओ गाव्‌हाङः बीहा जाङ्‌ह्आकानी। ओउः बीहा जाङ्‌ह्‌तोक्‌हाङः येसुकोः आमा मुओ खेःतो

युहना 2:1 ပူးပေါင်းရင်းမြစ်များ

मत्ती 12:46

ओहाङःसैको हुम्ओलम्‌कायः एत तोतोक्‌हाङः येसुकोः आमामा हौचोङ्‌लम्‌मा ओउःकुस् नोःलाङ् कीम् बाहीरहाङः दाह्‌ती वाङ्आकाय्।

युहना 1:29

ओहाङःसैको उनम्‌कोः स्‍याङ्‌ह्‌लोहाङः येसु वाङ्‌धै वाङ्ओलेः युहनाइ च्‍यवःआकान् “लौ इपाय् ल्‍हाव्‍ह्‌दैबाङ्‌कोः मान्‍ताकायः रेव्ओ काम् क्‍युम्‍ह्‌ताक्‌सा चाक् लेःआः। ओउःपाय् परमेस्‍वर्‌कायः ल्‍हाती सात्‌सा भेदाकोः चोःलो लेखा लेःआः।

युहना 1:35

ओहाङःसैको उनम्‍ह्‌कोः स्‍याङ्‌ह्‌लोहाङः युहनामा नीस्‌चाक् ओउःकुस् वाह्ओमयःमा ओहाङः चीङ्‌ती मुआकाय्।

युहना 1:43

ओहाङःसैको उनम्‍ह्‌कोः स्‍याङ्‌ह्‌लोहाङः येसुपाय् गालील त तोओ अन्‍चल्‌ताङ् आल्‌सा म्‍हर्‌आ। आल्‌ती ओहाङः दाह्आक्‌तीको फीलीप् त तोओकायः क्रुस्आकान्। क्रुस्आक्‌तीको “लौ ङाकुस् वाह्अ” त दाय्‍ह्‌ती येसुइ तोआकान्।

युहना 2:11

एत हायःतोक्‌हाङः येसुइ ङ्‌हाकोः ग्‍याङ्‌ह्‌राय् जाङ्‌ह्आकान् गालील अन्‍चल्‌कोः काना त तोओ गाव्‌हाङः। ओहाङः ओउःकोः आन ताङ्‌ह्ओ ग्‍वम् छ्यानःआथास। छ्यानःआक्‌तीको येसुकुस् वाह्ओमयःइ ओउःकायः पेतो ङ्‌हाम्आथै।

युहना 21:2

यात् दीन्‌हाङः सीमोन् पत्रुस्‌मा ओउः ग्रेङ्‌ह्ओ चोः त मय्‍ङ्ओ थोमामा कानाकोः नथानएल् जबदीकोः चोःनीस्‌मा अरु नीस्‌चाक् येसुकुस् वाह्ओमयःमा हुम्‌तो मुओ खेःतो।

युहना 4:46

ओहाङःसैको फेरीलेः काना त तोओ गाव्‌ताङ् दाह्आकाय्। ओहाङः येसुइ ङ्‌हासै घ्‍याम्‍पाहाङः मुओ तीःपाय् दोङ् पेओ धाक्‌सायःकोः तीः थाङ्‌ताक्ओ खेःतो। ओहाङःसैको ओहाङः दाह्‌ती वाङ्‌तोक् बेलाहाङः यात्‌चाक् दर्‌बाल् कीम्‌कोः ताङ्‌ह्ओ मान्‍ता वाङ्आ। ओउःकोः चोःपाय् कफर्‌नाहुम् त तोओ सहर्‌हाङः जीक्‌ती मुओ खेःतो।

हेब्रैनी 13:4

लौ “बीहा जाङ्‌ह्‌सा पेलेःनाः” त सबै चीःपानी। लयःकोः बुधा बुधीकुस् ह एनःसा स्‍याव्‌लेःनाः अरुकुस् एनःसा स्‍याव्‌ल। अरुकुस् एनःओलम्‌कायःमा ल्‍हास्‍या जाङ्‌ह्ओलम्‌कायःमा परमेस्‍वर्‌इ न्‍युम्‍ह्‌ताक्‌नाःथास।