युहना 19:41 - चेपाङ

⁴¹ ओहाङःसैको येसुकायः सात्ओ राङ् द्याङ्‌तोलेः फुल्‌बारीहाङः यात्‌ज्‍योः तेस्‌कोः घाङ् व्‍हात्‌ती जाङ्‌ह्ओ खेःतो। ओउःहाङःपाय् अरु म्‍हाङ् गलमा काधाङ्‌ल। ओउः तेस्‌हाङः येसुकोः म्‍हाङ् काती गम्आकाचु।

युहना 19:41 ပူးပေါင်းရင်းမြစ်များ

मत्ती 27:60

खुप्आक्‌तीको येसुकोः म्‍हाङ्‌पाय् युसेफ्इ लात्‌ती आलःती लयःकायः तोहा जाङ्‌ह्ओ चेनःबाङ्‌हाङः व्‍हह्र्ती द्यावःओ ल्‍युमःपुक् घाङ्‌हाङः काती गम्आकान्। काती गम्आक्‌तीको ल्‍होप्ओ बाङ् तुलुती ओउः घाङ् बोमःआकान्। बोमःआक्‌तीको युसेफ् पाय्‍ह्आ।

लुका 23:53

इत हायःसा पीलातस् ग्‍याआ त झ्‍यान्‍ते युसेफ्इ येसुकोः म्‍हाङ्‌पाय् ओउः क्‍ल्‍याय्ओ सीङःसै क्‍लाःती नाय्इ खुप्आकान्। खुप्आक्‌तीको येसुकोः म्‍हाङ्‌कायः युसेफ्इ लात्‌ती आलःती चेनःबाङ्‌हाङः व्‍हह्र्ती द्यावःओ ल्‍युमःपुक् घाङ्‌हाङः काती गम्आकान्। ओउः घाङ्‌हाङःपाय् अरु सीओ मान्‍ता सुमा पाम्‍ह्आक्‌ल।

युहना 19:42

ओनम् दीन्‌कोः स्‍याङ्‌ह्‌लोहाङः ओउःमयःकोः छ्यात्‌कोः दीन् स्‍याव्आ ओउःत झ्‍यान्‍ते द्याङ्‌तो मुओ तेस्‌हाङः गम्‌सा खेःतो।

युहना 20:15

येसुइमा “लौ हौद्याङ् दोह् हायःतीतेः र्‍याःतेःनाः सुकायःतेः बोङःतेःनौ” तमा दाय्‍ह्‌ती व्‍हत्‌थातो मरीयम्‌पाय् “ओउः मान्‍ता इहाङःकोः माली यादो” त म्‍हर्‌ती “अ पुःय ओउःकायः आलःतेःआकान् त खेःया गाःहाङः गम्‌तेःआकान् तोची दा। ओहाङःसै ङाइ ओउःकायः आलःनाङः” त दाय्‍ह्‌ती तोआकान्