युहना 19:20 - चेपाङ

²⁰ ओहाङःसैको ओउः येसुकायः सात्ओ राङ्‌पाय् यरुसालेम् द्याङ्‌तो मुती झ्‍यान्‍ते नाःतो यहुदीलम् वाङ्‌ती पीलातस्इ लेखओ कुरा योआकानी। ओउः कुरापाय् सुम् भासाहाङः लेखओ खेःतो हेब्रैनीकोः भासामा एलेनीकोः भासामा रोमीकोः भासाहाङःमा लेखओ खेःतो।

युहना 19:20 ပူးပေါင်းရင်းမြစ်များ

लुका 23:38

ओहाङःसैको येसुकोः थाराय्‌सै ओउः पोत्ओ सीङःहाङः “इपाय् यहुदीलम्‌कोः राजा लेःआः” त दाय्‍ह्ओ लेखती गम्आकानी।

युहना 19:13

एत गोःओ सायःआक्‌तीको पीलातस्इ येसुकायः बाहीरताङ् बाङ्इ न्‍हाप्ओ थाव्‌ताङ् वानःती लयःकोः आधीकारीकोः थतीहाङः च्‍युङःआ। ओउः थाव्‌पाय् हेब्रैनीकोः नोःओहाङः “गबाथा” त तोओ लेःआः। ओहाङःसै ओउः बेलाहाङः न्‍याम् तोकोतोय्‍ह् त स्‍याव्आ छ्यात्‌कोः सुक्रबार्‌ दीन्‌हाङः।

युहना 19:42

ओनम् दीन्‌कोः स्‍याङ्‌ह्‌लोहाङः ओउःमयःकोः छ्यात्‌कोः दीन् स्‍याव्आ ओउःत झ्‍यान्‍ते द्याङ्‌तो मुओ तेस्‌हाङः गम्‌सा खेःतो।

खबरदुत 21:37

ओहाङःसैको ओउः सीपाहीकोः चौकीहाङः दाक्‌खेःतोक्‌हाङः “अ हाकीम्‌य यात् कुरा ङाइ तोचेःनाङ् दा” त पावुल्इ एलेनी भासाहाङः नोःती तोआथै। ओउःत एलेनी भासाहाङः नोःओ सायःती ओउः हाकीम् ग्‍याङ्‌ह्‌ती सायःआकान् “अहै नाङ्इ एलेनी भासा नोःसा चीःतेःनौ रैस।

खबरदुत 21:40

ओउः हाकीम्इ “लौ उया” त दाय्‍ह्‌ती पावुल्‌कायः नोःसा ताक्आथै। ओहाङःसै ओउः चौकीकोः पीन्‍देहाङः चीङ्‌ती ओउः हुम्ओ मान्‍तालम्‌कायः “ङैमाःत मुन” त छ्यानःसाकायः पावुल्इ क्रुत् प्‍योआकास। ओउःत हायःओ च्‍यवःती ओउः हुम्ओलम् ङैमाःत मुआकाय्।

खबरदुत 22:2

पावुल्‌पाय् ओउःमयःकोः लयःकोः यहुदी भासा नोःओ सायःती ओउः हुम्ओ मान्‍तालम्इ न्‍हाङ्‌तोलेः चीङःचाङः त मुआकाय्।

खबरदुत 26:14

साःहाङः प्‍लाती मुतोक् बेलाहाङः यात्‌ज्‍योः हाव्‌नयः यहुदी भासा नोःओ सायःआलाङः ‘अ पावुल्‌य दोह् हायःतीतेः नाङ्इ इतलेः रेव्‌तोलेः जाङ्‌ह्‌सा बोङःतेःनाःची। इत हायःती नाङ् लयःकायः लयःलेःतेः जीक्‌ती न्‍युम्‍ह्‌ताक्‌तेःनाःस’ त दाय्‍ह्‌ती ओउः हाव्‌नयः दाय्‍ह्आ।

हेब्रैनी 13:12

ओउःतलेः येसुमा सहर्‌कोः धोका बाहीरहाङः आलःआक्‌तीको ओहाङः सात्ओ लेःआः। ओहाङःसैको ओउःकोः वयःइमा मान्‍तालम्‌कायः रेव्ओसै छय्‍ङ्‌ताक्‌सा खाय्‌नौ।

प्रकाश 16:16

ओहाङःसैको राजालम्‌कायः ओउः लान्‌लम्इ यातै थाव्‌हाङः हुम्‌ताक्‌नाःथास। ओउः थाव्‌पाय् हेब्रैनी भासाहाङः “हार्‌मेगीदो” त तोओ लेःआः।

प्रकाश 9:11

ओउःमयःकोः राजापाय् कामःअ नालाकोः ल्‍होक्ओमयःलेः। हेब्रैनी भासाहाङः ओउः राजापाय् “अबादोन्” एलेनी भासाहाङः “अपोलीयोन्” त तोओलेः ओउः मय्‍ङ्‌कोः मानेपाय् “ह्र्योङःती वाय्‌ताक्ओ लेःआः” त तोओलेः।