युहना 18:40 - चेपाङ

⁴⁰ ओउःत तोतोक्‌हाङः “खेःल ओउःखेकायः फेलाम् बरबाखेकायः फेताङी” त दाय्‍ह्‌ती गोःआकानी। ओउः बरबा त तोओ दाकु खेःतो।

युहना 18:40 ပူးပေါင်းရင်းမြစ်များ

मत्ती 26:55

ओहाङःसैको ओउःकायः पानःलाङ् वाङ्ओ मान्‍तालम्‌कःताङ् ल्‍हेःती “ङा चोर्‌लो लेखा नीङ्इ दङ्‌ग च्‍युपे लात्‌ती ङाकायः चुम्‌सा बोङःतेःनेःनानाङ्‌स। लौ दीन्‌का दीन्‌पाय् नीङ्‌कुस् मुती मन्‍दीर्‌हाङः स्‍यान्‌झुङ्‌ङोतो ओउःतोक्‌हाङः ङाकायः चुम्‌तेःनाङ्‌सल।

मत्ती 27:16

ओहाङःसैको ओउः साल्‌हाङः यात्‌चाक् सबैइ तय्‍ह्ओ मान्‍ता बरबा त तोओ झ्‍याल्‍खानहाङः थुनती गम्ओ खेःतो।

मत्ती 27:26

ओउःत त्‍याङ्ओ सायःती पीलातस्इ बरबाखेकायः फेन्आकान् येसुखेकायः लाइ स्राप्‌ती घान्आक्‌तीको ओउःकोः सीपाहीलम्‌कःताङ् सात्‌साकायः ल्‍हाआथै।

मर्‌कस् 15:15

ओउःत झ्‍यान्‍ते ओउःमयःकोः कुरा सायःसा ग्‍याती पीलातस्इ बरबाखेकायः फेन्आथै येसुखेकायः लाइ स्राप्‌ती घान्आक्‌ती सीपाहीलम्‌कःताङ् सात्‌साकायः ल्‍हाआथै।

मर्‌कस् 15:7

ओहाङःसैको ओउः साल्‌हाङः यात्‌चाक् बरबा त तोओ झ्‍याल्‍खानहाङः थुनओ खेःतो। ओउः बरबा त तोओइ सर्‌कार्‌लम्‌कुस् मीन्‍ह्‌काय्‌तोक्‌हाङः मान्‍ताकायः सात्आकान् ओउःत झ्‍यान्‍ते सर्‌कार्‌कोः मान्‍तालम्इ बरबामा ओउःकोः साथीलम्‌कायःमा चुम्‌ती झ्‍याल्‍खानहाङः काआथास।

लुका 23:25

ओउःतलेः पीलातस्इ ओउः मीन्‍ह्‌काय्‌ती मान्‍ताकायः सात्ओ बरबा त तोओखेकायः “ओउःकायः फेनु” त तोउतो येसुखेकायः “ओउःमयः सात्‌ताक्‌सा झाक्ओ मान्‍ताकायः सात्‌पाःथै” त दाय्‍ह्‌ती लयःकोः सीपाहीलम्‌कायः ताआकान्।