युहना 18:3 - चेपाङ3 “येसु ओउःताङ् आल्आकाय्” त चीःती यहुदस्इ सीपाहीलम्मा ताङ्ह्ओ पुरोहीत्कोः मान्तालम्मा फरीसीलम्कोः मान्तालम्मा गोत्ती चेर्कोः बत्तीमा च्युपेमा लात्ती येसुकःताङ् वाङ्आकाय्। အခန်းကိုကြည့်ပါ။ |
युहना 18:3
15 ပူးပေါင်းရင်းမြစ်များ
येसुकायः च्यवःआक्तीको “ओउःकायः क्ल्याय्ओ सीङःहाङः सात्उ क्ल्याय्ओ सीङःहाङः योकोःती सात्पाःथै” त दाय्ह्ती ओउः ताङ्ह्ओ पुरोहीत्मा ओउःकोः मान्तालम्इमा गोःआकानी “लौ उया ओउःकायः नीङ्इ क्ल्याय्ओ सीङःहाङः सात्लाङ् आलःउ। आल्सापाय् आलःउ दा ङाखेइ ‘ओउःइ दोह्मा रेव्तो जाङ्ह्ओ’ त सायःङल” त दाय्ह्ती पीलातस्इ तोथासतो
“लौ पुःचोङ् हौचोङ्य परमेस्वर्कोः ग्वालामःइ दावुद् राजाकायः ङ्हा छ्यानःओ कुरा ङीकोः आखरःहाङः लेखती मुनाः। ओउः आखरःहाङःपाय् येसुकायः दुस्मान्कःताङ् दाक्ओ यहुदस्कोः कुरालेः दावुद्इ आन ज्याङःतोहाङः लेखउतो द्याह् ओउः कुरा ताप्सा खेःतो। ‘लौ ओउःकोः याक्ओ बेलाङ् याक्गार्सीःमालो स्याव्पाः। ओहाङः मान्तालम् सुमा याक्लाम्’ त दाय्ह्ती दावुद्कोः कुरा लेखती मुनाः। ओउः यहुदस् त तोओलेः ङीलो लेखा येसुइ छ्युङ्ह्थातो ओउःकुस् काम् जाङ्ह्उतो लोन्ते ओउःइ येसुकायः दुस्मान्कःताङ् पानःताक्साकायः दाक्आथै। येसुकायः दाक्आक्तीको ओउःकोः दाक्झ्याङ्कोः पैसा बयःआकानी। एत पेमालो हायःझ्याङ्कोः पैसा त्याक्ती यहुदस्इ राङ् लेःआकान्। राङ् लेःआक्तीको यहुदस्पाय् ओहाङः आल्ती तोन्ती तुक् पक्ती सीआ। सीआक्तीको ‘ओउः राङ्हाङः येसु सात्लाङ् दाक्ओ मान्तापाय् तोन्ती सीओआः’ त सबै यरुसालेम् सहर्कोः मान्तालम्इ चीःती ओउः राङ्कायः ‘आकेल्दामा’ त मय्ङ्आकानी। आकेल्दामा त तोओकोः माने ‘वयःराङ्लेः’ ओउःलो लेखा राङ्कायः दावुद् राजाइ तोओ याक्गार्सीःमालो राङ् लेःआः बा। फेरी ‘ओउःकोः काम् अरुइ भेःत्याक्ती जाङ्ह्पौ’ तमा दावुद्इ लेखमाआकान्
ကြော်ငြာတွေ