युहना 17:7 - चेपाङ

⁷ ओहाङःसैको ङाकायः बयःओ कुरापाय् ‘सबैलेः आपाकःसै वाङ्ओआः’ त चीःनानी।

युहना 17:7 ပူးပေါင်းရင်းမြစ်များ

युहना 14:20

ओउः दीन्‌हाङः ङाकायः ‘आपाकुस् ब्राङ्‌तीलेः मुनाःच’ तमा चीःतेःनानी ‘ङी ओउःकुस् ब्राङ्‌नाःतय्‍ही’ तमा चीःतेःनानी।

युहना 16:15

दोह्‌लो ङाकोः आपाकोः मुनाः ओउःलेः ङाकोःमा मुनाः ओउःत झ्‍यान्‍ते ङाइ छ्यानःओ कुरापाय् ‘परमेस्‍वर्‌कोः ग्‍वालामःइ नीङ्‌कायः छ्यानःतेःनै’ त तोनेःआलाङ्‌स।

युहना 17:10

नाङ्इ बयःओलम् नाङ्‌कोः लेःआः ङाकोःपाय् जुदालेः नाङ्‌कोः लेःआः नाङ्‌कोःमा जुदालेः ङाकोःआः। फेरी ओउःमयःइ ङाकायः ताङ्‌ह्‌ताक्‌नाःताङः।

युहना 17:6

इमयःलेः नाङ्इ ल्‍हाव्‍ह्‌दैबाङ्‌हाङः मुओलम्‌कःसै छ्युङ्‌ह्‌ती बयःतेःआची। इ बयःओलम्‌कायःपाय् ङाइ नाङ्‌कोः कुरा छ्यान्‍ह्आलाङःसु। ओउःमयः ङ्‌हा नीङ्‌कोःलेः खेःइतो ओहाङःसैको ङाकायःतेः बयःतेःआची।

युहना 17:8

दोह् हायःती दाय्‍ह्‌सा नाङ्इ बयःओ कुरा ङाइ सबै तोआलाङःसु तोआक्‌तीको ओउःमयःइ ङ्‌हाम्‌ती सायःती झ्‍यान्‍ते ङाकायःपाय् ‘आपाकःसै ल्‍होक्ओआः’ तमा ‘ओउःकोः कुरा आपाकोः लेःआः’ तमा द्याह् पेतोलेः चीःनानी।

युहना 8:28

ओहाङःसैको “लौ ङा मान्‍ताकोः चोःकायःपाय् नीङ्इ त्‍यावःअ च्‍युन्आक्‌तीको ङाकायःपाय् ‘ओउः लेःआः बा’ त तय्‍ह्‌तेःनाङ्‌स। ङाइ लयःझुङ्आले दोह्‌मा हायःङल। दोह्‌लो ङाकोः आपाइ स्‍यान्‌चाःताङः ओउःलेः ह ङाइ थोल्‍ह्‌ती तोनाङः।