युहना 17:4 - चेपाङ

⁴ लौ नाङ्इ बयःओ काम् दप्‌तोलेः जाङ्‌ह्‌ती नाङ्‌कायःपाय् ल्‍हाव्‍ह्‌दैबाङ्‌हाङः ताङ्‌ह्‌ताक्‌नेःआलाङ्।

युहना 17:4 ပူးပေါင်းရင်းမြစ်များ

लुका 22:37

दोह् हायःती दाय्‍ह्‌सा ओउः उय्‍ह्‌लेकोः आखरःहाङः लेखओ ङाकायः तोओ कुरापाय् द्याह् ताप्‌तो स्‍याव्‌सा खेःनाः ‘ओउः मान्‍ताकायःपाय् पेमालो मान्‍तालम्‌लो लेखालेः न्‍युम्‍ह्‌ताक्‌नाःथै’ त दाय्‍ह्‌ती दाय्‍ह्ओ ङाकायः लेखती मुलेःनाः। ओउः कुरापाय् द्याह् ताप्‌तोलेः स्‍याव्‌नाः बा” त दाय्‍ह्‌ती येसु तोआथास।

युहना 12:28

लौ उया आपाय नाङ्‌कोः मय्‍ङ् ताङ्‌ह्‌तोलेः स्‍याव्‌पानाः” त दाय्‍ह्‌ती येसुइ परमेस्‍वर्‌कायः तोआकान् तोतोक्‌हाङः लाङ्‌कासै हाव्‌नयः वाङ्आ “लौ ङाकोः मय्‍ङ् ताङ्‌ह्‌तो स्‍याव्‌ताक्आलाङः बा। लोनेः फेरीलेः ताङ्‌ह्‌तो स्‍याव्‌ताक्‌नाङः” त दाय्‍ह्‌ती नोःओ।

युहना 14:13

फेरी दोह्‌लोकायः ङाकोः मय्‍ङ् पेह्‌ती नीङ्इ तेती तोतेःचानाङ्‌स ओउःलेः ङाइ जाङ्‌ह्‌नेःनाङ्‌स ओउःत हायःती ङाकोः आपाकायः ङाइ ताङ्‌ह्‌ताक्‌नाङः।

युहना 14:31

ङाइ आपाकायः राप्‌नाङः त सबै ल्‍हाव्‍ह्‌दैबाङ्‌हाङः मुओलम्‌कायः छ्यानःसा थेङा ङाइ ओउःकोः हुकुम् जाङ्‌ह्‌लेःनाङः बा। लौ द्याह् चीङ्‌ती इसै आल्इ” त दाय्‍ह्‌ती येसु दाय्‍ह्आ।

युहना 15:10

ङाइ तोओ कुरा जाङ्‌ह्‌तेःनानी त खेःया ङाइ राप्‌नेःनाङ्‌स। ओउःत झ्‍यान्‍ते ओउः कुरा जाङ्‌ह्‌नु दा। ङाकोः आपाइ तोओ कुरापाय् ङाइमा जाङ्‌ह्‌नाङः ओउःत झ्‍यान्‍ते ओउःइ ङाकायः राप्‌नाःताङः।

युहना 19:28

ओहाङःसैको लयःकोः काम् दप्‌खेःआ त चीःती येसुइ आखरःहाङः लेखओ कुरा ताप्‌ताक्‌ती “ङापाय् तीः अप्‌नाङः अ” त दाय्‍ह्‌ती नोःआ।

युहना 19:30

ओउः दोःआक्‌तीको येसु “लौ द्याह्‌पाय् दप्ओआः” त दाय्‍ह्‌ती कय्‍क् क्‍लय्‍ह्‌ती लयःकोः रुआङ्इ फेआथै।

युहना 4:34

ओउःमयः एत नोःकाय्‌तोक्‌हाङः “लौ ङाकायः ल्‍होक्ओ परमेस्‍वर्‌ आपाकोः काम् जाङ्‌ह्‌ती खाय्‌सा इत हायःसाकायः ल्‍हुङ् क्राय्आताङः।

युहना 5:36

ङाकायः पाःती तोओ कुराखे युहनाकोः कुरासै ताङ्‌ह्‌लेःनाः बा। ङाइ जाङ्‌ह्ओ काम्‌लम् दप्‌ताक्‌साकायः ङाकोः आपाइ बयःआताङः। ओउः काम्‌लम् च्‍यवःती ङाकायःपाय् ‘परमेस्‍वर्‌इ ल्‍होक्आथै’ त चीःसा खाय्‌तेःनानी।

युहना 9:3

“सुकोःमा रेव्‌झ्‍याङ्‌कोः खेःल। आमा आपाकोःमा खेःल लयःकोःमा खेःल। परमेस्‍वर्‌कोः ग्‍वम् छ्यानःसाकायःलेः इ मान्‍ता मीक् लोक्‌तो स्‍याव्ओआः बा।

खबरदुत 20:24

इच्‍युक् ह चीःआलाङः दोह्‌गार्‌ स्‍याव्‌पाः ङाइ लीह्‌ङल। सीचाङःया स्‍याक्‌चाङःया प्रभु येसुइ ङाकायः दोह् काम्‌लो बयःचाःताङः ओउः काम्‌लेः ङाइ दप्‌ती जाङ्‌ह्‌सा दोःपाङः इ ह ङा झाक्‌नाङः। ओउःइ बयःओ काम्‌पाय् इलेःआः मान्‍ता मान्‍तालम्‌कायः परमेस्‍वर्‌कोः पेओ समचार्‌ तोसा लेःआः।

२ तीमोथी 4:7

ङ्‌हाम्‌सापाय् ग्रमःत मुआलाङः ङाकोः काम् दप्‌ती खाय्आलाङः।