युहना 17:22 - चेपाङ

²² ओहाङःसैको गतलो नाङ्इ ङाकायः ताङ्‌ह्‌ताक्‌तेःआची ओउःतलेः ङाइ ओउःमयःकायःमा ताङ्‌ह्‌ताक्‌नाङःसु। नीचीपाय् ब्राङ्‌तोलेः मुनाःतय्‍ह्‌च ओउःतलेः ओउःमयःमा ब्राङ्‌तोलेः मुपै।

युहना 17:22 ပူးပေါင်းရင်းမြစ်များ

मर्‌कस् 6:7

ओहाङःसैको येसुइ ओउःकोः बारजन छ्युङ्‌ह्ओमयःकायः गोत्‌ती नीस् नीस्‌चाक्‌कायः अरु अरु थाव्‌ताङ् ल्‍होक्आथास। ल्‍होक्‌तोक् बेलाहाङः ओउःइ लान् ल्‍हेस्‌ताक्‌सा ग्‍वम् बयःआथास।

लुका 22:30

ओहाङःसैको नीङ्‌पाय् ओहाङः ङाकुस् जेःती तुङ्‌ती मुसालेः दोःतेःनै। राजाकोः थाव्‌लम्‌हाङः च्‍युङःती नीङ्इ इस्राएल्‌कोः बार थर्‌लम्‌कायः नीङ्इ राजालो लेखालेः ओउःमयःकोः कुरा सायःती तात्‌सामा दोःतेःनै” त दाय्‍ह्‌ती येसुइ ओउःकुस् जेःती मुओलम्‌कायः तोआथास।

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

युहना 1:16

ङीकायः योनःती योती ओउः नोःराय् त तोओकोः ग्‍वम् आन मुती झ्‍यान्‍ते ङी सबैकायः नाःतोलेः उह्‌ताक्‌ती बयःआतय्‍ही।

युहना 14:20

ओउः दीन्‌हाङः ङाकायः ‘आपाकुस् ब्राङ्‌तीलेः मुनाःच’ तमा चीःतेःनानी ‘ङी ओउःकुस् ब्राङ्‌नाःतय्‍ही’ तमा चीःतेःनानी।

युहना 17:24

लौ आपाय ङाकायः बयःओ मान्‍तालम्‌पाय् ‘ङाकुस् मुपै’ त ङा झाक्‌ती तेनाङः ओहाङःसै नाङ्इ ङाकायः ताङ्‌ह्‌ताक्ओहाङः ओउःमयःइ च्‍यवःसा खाय्‌नानी। ल्‍हाव्‍ह्‌दैबाङ्‌कोः जाङ्‌ह्‌धाङ्‌माःखाहाङःसै नाङ्इ राप्‌तेःआची ओउःत हायःतीतेः ङाकायः ताङ्‌ह्‌तेःताक्‌नाःची।

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

रोमी 8:30

फेरी ओउः छ्युङ्‌ह्‌ती गम्ओलम्‌कायः परमेस्‍वर्‌इ गोत्आथास। ओउःमयःकायः गोत्आक्‌तीको लयःकोः मीक्‌हाङःलेः पेतो स्‍याव्‌ताक्आथास। पेतो स्‍याव्‌ताक्आक्‌तीको ओउःमयःकायः परमेस्‍वर्‌इ लयःकुस् लयःलो लेखालेः ताङ्‌ह्‌ताक्‌नाःथास।

२ कोरीन्‍थी 3:18

ङी सबै खेन् खुप्‌माःत प्रभुकोः आन पेओ थोङ्ओ योती ओउःकोः थोङ्ओ बल दोःनाःतय्‍ही। एत दोःतोक्‌हाङः परमेस्‍वर्‌कोः ग्‍वालामःइ ङीकायः प्रभुलो लेखा न्‍हाङ्‌तोलेः पेओ स्‍याव्‌ताक्‌नाःतय्‍ही।

२ कोरीन्‍थी 5:20

ङीपाय् ख्रीस्‌कोः ल्‍होक्ओमयः खेःनाङी ओउःत झ्‍यान्‍ते “लौ परमेस्‍वर्‌कःताङ् द्यान्‍ह्‌ती ओउःकुस् ब्राङ्‌काय्‌ती मुन दा” त दाय्‍ह्‌ती ख्रीस्‌कोः कुरा तेतीलेः तोनाङःसु।

२ कोरीन्‍थी 6:1

ङी परमेस्‍वर्‌कुस् काम् जाङ्‌ह्ओलम्इ दोह्‌त तोनेःनाङ्‌स दाय्‍ह्‌सा “लौ परमेस्‍वर्‌इ योनःतीलेः बयःओ दल्‌ताक्‌सा काम् नीङ्इ त्‍याक्‌तेःआकानी द्याह् ओउःइ बयःओपाय् वाय्‌लाम्” त तेती तोनेःनाङ्‌स

एफेसस् 2:20

नीङ्‌पाय् ङीकुस्‌लेः परमेस्‍वर्‌इ लयःकोः मन्‍दीर्‌ कीम्‌लो लेखा जाङ्‌ह्‌नौ। ओउः कीम्‌कोः तोस्‌बाङ्‌पाय् येसुइ छ्युङ्‌ह्‌ती ल्‍होक्ओमयःमा ओउःकोः कुरा छ्यानःती तोओलम्‌मा स्‍याव्‌नै। कीम्‌कोः मुल्‌बाङ्‌पाय् येसु ख्रीस् लेःआः।

फीलीपी 1:29

नीङ्‌पाय् दोह् हायःती ग्रमःत मुसा खेःतो दाय्‍ह्‌सा नीङ्‌कायःपाय् ङ्‌हाम्‌साकायः झुङ्आले खेःल ख्रीस्‌कायः नीङ्इ लीह्‌सीःओ गोरःसाकायःमा छ्युङ्‌ह्‌तेःइतो।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

१ युहना 1:3

ओउःत खेःओ ङीइ च्‍यवःओमा सायःओमा नीङ्‌कायः ल्‍हाक्‌ती तोनेःनाङ्‌स ओहाङःसै ङीकुस् ब्राङ्‌तो मुसा खाय्‌तेःनै। दोङ्‌सीलेः ङी परमेस्‍वर्‌ आपाकुस्‌मा ओउःकोः चोः येसु ख्रीस्‌कुस्‌मा ब्राङ्‌नाःतय्‍ही।

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

१ युहना 4:17

इतलेः ङीकोः ल्‍हुङ्‌पाय् पेतो राप्ओ ल्‍हुङ् स्‍याव्‌नाः पेतो स्‍याव्आक्‌तीको ओउः वाङ्‌सा खेःओ तय्‌छनःती योसा दीन्‌हाङः ङी ख्रीस्‌लो लेखा स्‍याव्‌ती झ्‍यान्‍ते रैसा परतय्‍हीली।

प्रकाश 21:14

ओहाङःसैको ओउः बार्‌लम्‌कोःपाय् बारगोता तोस्‌बाङ् खेःतो। बाङ् बाङ्‌हाङः यातैज्‍योः ओउः भेदाकोः चोःकोः बारचाक् छ्युङ्‌ह्‌ती ल्‍होक्ओमयःकोः मय्‍ङ् लेखओ खेःतो।