युहना 17:20 - चेपाङ

²⁰ फेरी इहाङः मुओलम्‌कायः ह ङा तेङल लोने इमयःकोः थोल्‍ह्‌ती तोओ कुरा सायःआक्‌तीको अरुइ ङाकायः ङ्‌हाम्‌नाःताङः ओउःमयः लोने ङ्‌हाम्ओलम्‌कायःमा तेती तोनेःनाङ्।

युहना 17:20 ပူးပေါင်းရင်းမြစ်များ

युहना 10:16

ओहाङःसै ङाकोःपाय् अरु मान्‍ता मुनै इ ङाकुस् मुओलम् झुङ्आले खेःल ओउः अरु मान्‍तालम्‌कायःमा ङा वानःसा खेःनाङः। ओउःमयःइ ङाकोः हाव्‌नयः सायःती वाङ्‌ती इमयःकुस् ल्‍याव्‍ह्‌ती यातैज्‍योः स्‍याव्‌नै। ङाझुङ् ह सबैकोः ह्रामःओ चाक्‌लेः स्‍याव्‌नाङः।

युहना 17:19

ओउःमयःइ नाङ्‌कोः दोङ् कुरा चीःती ‘नाङ्‌कोः छय्‍ङ्‌तो मान्‍तालम् स्‍याव्‌साकायः पेङ्‌कलःती गम्‌पाःथास’ त दाय्‍ह्‌ती ङामा पेङ्‌कलःती मुनाङः।

युहना 17:21

इतलेः तेनाङः बा आपाय नीची ल्‍हुङ् ब्राङ्‌नाःतय्‍ह्‌च ओउःतलेः ओउःमयः सबै यातैज्‍योः ल्‍हुङ्‌तुक् स्‍याव्‌ती नीचीकुस् ब्राङ्‌पै। ओहाङःसै एत च्‍यवःती अरु ल्‍हाव्‍ह्‌दैबाङ्‌कोः मान्‍तालम्इ ङाकायःपाय् ‘परमेस्‍वर्‌कःसै ल्‍होक्ओआः’ त ङ्‌हाम्‌नाःताङः।

खबरदुत 2:41

एत तोआक्‌तीको सुसुइ पत्रुस्इ तोओ कुरा ङ्‌हाम्‌ती सायःनीतो ती ओउःमयःकायः बाप्‍तीस्‍मा बयःआकानी। ओउः दीन्‌हाङः सुम् हजार्‌च्‍युक् मान्‍तालम् येसुकोः ङ्‌हाम्ओ मान्‍तालम्‌कःहाङः पाःआकाय्।

खबरदुत 4:4

ओहाङःसैको ओउः पत्रुस्इ नोःओ सायःओलम्‌हाङः नाःतो मान्‍तालम्इ ओउःकोः कुरा ङ्‌हाम्‌ती सायःआकानी गोय्‌चोःलम्‌पाय् पास् हजार्‌च्‍युक् मान्‍तालम्इ ङ्‌हाम्‌ती सायःआकानी।

रोमी 16:26

द्याह्‌पाय् परमेस्‍वर्‌कोः कुरा छ्यानःओलम्इ लेखती झ्‍यान्‍ते ओउः ङ्‌हा छ्यानःआक्‌मालो दोङ् कुरापाय् सबैकायः छ्यानःओ लेःआः। फेरी ओउः गलमा वाय्‌मालो परमेस्‍वर्‌इ तोती झ्‍यान्‍ते ओउः कुरापाय् सबै जात्‌कोः मान्‍तालम्‌कायः थोल्‍ह्‌ती तोओ लेःआः ओउःत खेःओ सबैइ ग्‍याती ङ्‌हाम्‌सा खाय्‌नानी।

एफेसस् 4:11

ओहाङःसैको ख्रीस्इलेः यात्‌नीस्‌चाक्‌कायः लयःकोः ल्‍होक्‌सा मान्‍तालम् स्‍याव्‌साकायः छ्युङ्‌ह्‌ती ग्‍वम् बयःआथास। अरुकायः लयःकोः कुरा छ्यानःती नोःसाकायः ग्‍वम् बयःआथास। अरुकायः ओउःकोः पेओ समचार्‌ थोल्‍ह्‌ती तोसा ग्‍वम् बयःआथास अरुकायः ङ्‌हाम्ओलम्‌कायः स्‍यास्‌सामा स्‍यान्‌सा ग्‍वम्‌मा बयःआथास।