युहना 17:13 - चेपाङ13 लौ नाङ्कःताङ् द्याह् वाङ्नाङः। नाङ्इ बयःओलम् ङालो लेखा जुगाङ् ल्हुङ् चोङाय्ती स्याव्साकायः ङाइ ल्हाव्ह्दैबाङ्हाङः मुधाङ्तोक्हाङः इ कुरा तोनाङःसु। အခန်းကိုကြည့်ပါ။ |
युहना 17:13
17 ပူးပေါင်းရင်းမြစ်များ
लौ बीहा जाङ्ह्तोक्हाङः दुलही मोमःचोः वानःओ साथीलम्इ ओउः मोमःचोः भाव्कायः बयःनानी। ओहाङःसैको मोमःचोः भाव्कः पाय्ह्ओ बेलाहाङः ओउःकोः साथीलम् घ्युम्तो खेःइली चोङाय्तीलेः मुनै। ओउःलो लेखालेः तेन्छ्याङ् मान्तालम् ङाखेकःसै छीङ्तोलेः येसुखेकःताङ् न्हाङ्तोलेः वाङ्नै ङामा घ्युम्माःतो जुगाङ् चोङाय्तीलेः मुनाङः।
दोह् हायःती दाय्ह्सा परमेस्वर्कोः राजीहाङः दोह् दोह् जेःसा दोह् दोह् तुङ्सा त दाय्ह्ती जवओ कुरालेः नाःल। ओउःकोः राजीहाङः दोह् दोह् कुरापाय् ताङ्ह्लेःनाः दाय्ह्सा पेतो छय्ङ्तो मुओलेःमा ल्हुङ् धोमाय्ओमा ल्हुङ् चोङाय्ओमा इ सबै कुरा परमेस्वर्कोः ग्वालामःइ बयःओ लेःआः ओउःकोः राजीहाङः ताङ्ह्ओ लेःआः।
ओउःपाय् ल्हुङ्खेकोः रेव्ओ कुराखे लेःआः। परमेस्वर्कोः ग्वालामःखेकोः पेओ कुराखे इलेःआः। राप्ओ ल्हुङ्मा चोङाय्ओ धोमाय्ओ ल्हुङ्मा लीह्सीःओ गोरःओ पेओ योनःती योओ ल्हुङ्मा ङ्हाम्सीःओ काङ्ओ रेव्तो जाङ्ह्सा ग्यामालो ल्हुङ्मा लयःकायः मीतो योओमा ओउः सबैलेः परमेस्वर्कोः ग्वालामःइ बयःओ कुरालेः ऐन्इ ताक्मालो कुरा खेःल।
ङीकायः स्यालःओ येसुकायः जुःतीलेः योनी। ङीइ ङ्हाम्ओकायः येसुइ स्यालःमानाःतय्ही ताप्माताक्नाःतय्ही। ओउःपाय् “लोने पेओ चोङाय्ओ बेला वाङ्नाः” त म्हर्ती ओउः क्ल्याय्ओ सीङःहाङः आन लीह्सीःओ गोरःती लयःकायः दोह्तमा म्हर्माःत अरुकोः मीक्हाङः “मीतो स्याव्पाङः” त म्हर्ती सीलेःआ। द्याह् ओउःपाय् परमेस्वर्कोः गुल्ह्दाङ् स्याव्ती ओउःकोः ङोय्दोसै राजा च्युङःसा थाव्हाङः मुलेःनाः।
ကြော်ငြာတွေ