युहना 17:12 - चेपाङ

¹² ओउःमयःकुस् मुतोक्‌हाङः ङाइ नाङ्‌कोः मय्‍ङ्‌कोः ग्‍वम्इ ओम्‌पायःती गम्‌ङुसुतो ओउःमयःकोः सुमा वाय्इली ओउः वाय्‌सा खेःओ चाक् ह वाय्ओआः बा। आखरःहाङः लेखओ कुरा ताप्‌तो स्‍याव्‌साकायः ओउः मान्‍ता वाय्‌तोलेः स्‍याव्आ।

युहना 17:12 ပူးပေါင်းရင်းမြစ်များ

युहना 13:18

नीङ् सबैकायः तोनेःनाङ्‌सल नीङ्‌कःहाङः सुसुकायः ङाइ छ्युङ्‌ह्‌लेःनेःनाङ्‌स ओउःमयःकायःलेः ङाइ तय्‍ह्‌नेःनाङ्‌स बा। ‘यात्‌चाक् ङाकुस् जेःओ मान्‍ताइ ङाकायः पेमालो हायःसा बोङःनौ’ त परमेस्‍वर्‌कोः आखरःहाङः लेखती मुनाः। ओउः कुरा द्याह् ताप्‌सा खेःतो।

युहना 17:6

इमयःलेः नाङ्इ ल्‍हाव्‍ह्‌दैबाङ्‌हाङः मुओलम्‌कःसै छ्युङ्‌ह्‌ती बयःतेःआची। इ बयःओलम्‌कायःपाय् ङाइ नाङ्‌कोः कुरा छ्यान्‍ह्आलाङःसु। ओउःमयः ङ्‌हा नीङ्‌कोःलेः खेःइतो ओहाङःसैको ङाकायःतेः बयःतेःआची।

युहना 18:9

ओउःइ ङ्‌हालेः आपाकायः तोओ “ङाकायः बयःओलम्‌कोः सुमा वाय्इली” त दाय्‍ह्ओ ताप्‌साकायः ओउःतलेः तोआथास।

युहना 6:37

सुसु ङाकोः आपाइ बयःनाःताङः ओउःलेः ङाकःताङ् वाङ्‌नै। वाङ्आक्‌तीको ओउःकायःलेः ङाइ गल खेःयामा रुनःङुसुलु।

खबरदुत 1:25

ङ्‌हासै छ्युङ्‌ह्ओ यहुदस्इ रेव्‌तो जाङ्‌ह्आक्‌तीको द्याह् सीती ज्‍याल्आ। ओउःत झ्‍यान्‍ते यहुदस्‌कोः भेःत्‍याक्‌साकायः इ नीस्‌चाक्‌हाङः सुखेलो नाङ्इ झाक्‌ती छ्युङ्‌ह्‌तेःआकान् ओउःलेः ङीकायः छीङ्‌ह्‌ती दोक्‌ती छ्यानःताङी दा” त दाय्‍ह्‌ती ओउःमयः परमेस्‍वर्‌कायः तोआकानी।

फीलीपी 2:9

ओउःत झ्‍यान्‍ते परमेस्‍वर्‌इ ओउःकायः आन ताङ्‌ह्‌ताक्आथै ओउःकोः मय्‍ङ् “सबैसै पेलेःनाः” त तोआथै।

२ थेसलोनिकि 2:3

ओउःपाय् खेःल बा। ओउःत माःती तोओ कुरातेः सायःतेःचानी। परमेस्‍वर्‌कोः बीरोत्‌लम् ओउःकः काय्‌काय्‌लाङ् चीङ्‌धाङ्‌माःच्‍युक्‌हाङःमा ओउः लोने वाय्‌तो स्‍याव्‌सा जुगाङ् रेव्ओचाक् छ्यानःधाङ्‌माःच्‍युक्‌हाङःमा ङीकोः प्रभु वाङ्‌सा दीन्‌पाय् पुत्‌तो स्‍याव्‌धाङ्‌ल।

हेब्रैनी 2:13

फेरी “परमेस्‍वर्‌कायः ङाइ जुगाङ् ङ्‌हाम्‌लेःनाङः” तमा ओउःपाय् दाय्‍ह्आ “लौ परमेस्‍वर्‌इ ङाकायः ल्‍हाओ हौलम्‌कुस् ङापाय् इहाङः मुलेःनाङः” तमा दाय्‍ह्‌ती दाय्‍ह्आ।

१ युहना 2:19

ओउः बीरोत्‌लम्‌पाय् ङीकःसै वेङ्इसीतो ङीकुस् दोङ् ब्राङ्ओमयः खेःइली ङीकुस् ब्राङ्ओमयः खेःइतो त खेःया ओउःमयः ङीकःसै वेङ्आक्इली। ङीकःसै वेङ्‌ती आल्आकाय् त झ्‍यान्‍ते ओउःमयः ङीकुस् ब्राङ्‌मालोलेः त छ्यानःआकानी।

प्रकाश 19:12

ओउःकोः मीक्‌पाय् ल्‍युङ्‌ह्ओ म्‍हेःलो लेखा प्‍लीङ्‌ह्आ तालाङ्‌हाङः नाःतो मुकुत् ल्‍हुप्ओ खेःतो। ओउःकोः आङ्‌हाङः अरुइ चीःसा खाय्‌मालो मय्‍ङ् लेखओ खेःतो ओउः मय्‍ङ्‌पाय् ओउःइ ह चीःलेःनौ।