युहना 17:11 - चेपाङ11 द्याह् ङाखे नाङ्कःताङ् वाङ्ती ल्हाव्ह्दैबाङ्हाङः ज्याङःतो मुङल ओउःमयःखे ल्हाव्ह्दैबाङ्हाङः मुधाङ्नै। लौ छय्ङ्तो आपाय ओउःमयःकायः नाङ्कोः ग्वम्इ पेतो ओम्पायःती गम्उसु दा। ओहाङःसै नीचीलो लेखा ओउःमयः ल्हुङ् ब्राङ्तो मुनै। အခန်းကိုကြည့်ပါ။ |
युहना 17:11
48 ပူးပေါင်းရင်းမြစ်များ
ङा ओउःमयःकुस् ब्राङ्तीमा मुनाङी नाङ् ङाकुस् ब्राङ्तीमा मुनाःतय्ह्च ओउःत झ्यान्ते ओउःमयः जुगाङ् यातै ल्हुङ् स्याव्पै। ओहाङःसैको एत च्यवःती ङाकायःपाय् ‘परमेस्वर्इ ल्होक्ओआः’ त ल्हाव्ह्दैबाङ्कोः मान्तालम्इ चीःनानी। फेरी नाङ्इ ङाकायः राप्ओलो लेखालेः ‘ओउःमयःकायः परमेस्वर्इ राप्नाःथास’ तमा चीःनानी।
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
लौ ङाकोः पुःचोङ् हौचोङ्य नीङ्कायः “यातैज्याङ् ल्हुङ्तुक् मुइली” त दाय्ह्ती क्लोएकोः कीम्कोः मान्तालम्इ ल्हाक्ती तोआताङः। ओउःत झ्यान्ते ङाइ येसु ख्रीस्इ बयःओ हुकुम्पाय् द्याह् तोनेःनाङ्स “लयःमयःकुस् काय्काय्माःत ल्हुङ् ब्राङ्तो स्याव्ती यातैज्याङ् ल्हुङ्तुक्हाङः नोःती वाह्न दा”
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ओउःमयःपाय् छगोता पाप् नाःओलेः खेःइतो आङ्गन् नाःतो मीक् खेःतो बाहीरमा भीत्रमा मीक् खेःइतो। न्हीदीङ्मा याह्दीङ्मा गलकायःमा ओउःमयः परमेस्वर्कायः मनःती मुइतो “लौ सबैसै ग्वम् नाःओ प्रभु परमेस्वर्पाय् छय्ङ्ओलेः छय्ङ्ओलेः छय्ङ्ओ लेःआः बा। ओउःपाय् ङ्हालेः खेःतो द्याह्मा मुलेःनाः लोनेःमा वाङ्सा खेःलेःनाः” त दाय्ह्ती मेधै मुनै।
ကြော်ငြာတွေ