31 “लौ नीङ्इ द्याह् ङ्हाम्तेःनेःनाङ्स र।
“ङाकायः सीसा ग्याताङःतेःनाः र। दोङ्सीलेः दाय्ह्भनाङ् वाः गोःधाङ्माखाहाङः ङाकायः सुम् पेन्ह्कायः ‘लौ ओउःकायः तय्ह्बाय्ङल’ त नाङ्इ तोतेःनौ बा” त दाय्ह्ती येसुइ तोआथै।
‘नाङ्इ मान्ताकोः ल्हुङ्कोः कुरामा सबै कुरामा चीःती झ्यान्ते सुइमा नाङ्कायः व्हत्सा परइली’ त ङीइ द्याह् चीःनाङःसु ओउःत हायःती नाङ्पाय् ‘दोङ्सीलेः परमेस्वर्कःसै वाङ्ओतेःआः’ त ङीइ ङ्हाम्नाङःसु” त दाय्ह्ती येसुकुस् वाह्ओमयःइ तोआथै।
देङी नीङ् रुनःधती क्रव्सा बेलाहाङः दाह्खेःआ माः रैस दाह्ओआः बा। ओउः बेलाहाङः नीङ् सबै ङाकायः फेती लःलयःकोः कीम्ताङ् पाय्ह्तेःनै। ङाकायःपाय् नीङ्खेइ फेतेःनेःनाङ्स फेआक्तीको ङा लयःझुङ्आले मुङल ङाकुस् ङाकोः परमेस्वर् आपाखे मुनाङःच।
