युहना 16:27 - चेपाङ

²⁷ दोह् हायःती दाय्‍ह्‌सा ङाकोः आपाइमा नीङ्‌कायः राप्‌तेःनै। ङाकायः राप्‌ती ‘लौ ओउःपाय् परमेस्‍वर्‌कःसै वाङ्ओआः’ ततेः ङ्‌हाम्‌तेःनेःनाङ्‌स ओउःत झ्‍यान्‍ते ङाकोः परमेस्‍वर्‌ आपाइ राप्‌तेःनै।

युहना 16:27 ပူးပေါင်းရင်းမြစ်များ

मत्ती 10:37

सुसुखे ङाकायःसै लयःकोः आमा आपाकायः राप्‌नानी ओउःलेः ङाकुस् ब्राङ्इली। फेरी सुसुखे ङाकायःसै लयःकोः चोःकायः राप्‌चनौ ओउःमा ङाकुस् ब्राङ्इली।

युहना 14:21

लौ ङाइ तोओ कुरा ग्‍याती जाङ्‌ह्ओलम्इ ङाकायः राप्‌नाःताङः। फेरी ङाकायः राप्ओलम्इ ङाकोः आपाइ राप्‌नाःथास ङाइमा राप्‌नाङःसु। ओउःमयःकःहाङः ङा लयः छ्यानःती थालाङ् दाह्‌नाङः” त दाय्‍ह्‌ती येसुइ ओउःकुस् वाह्ओमयःकायः तोआकान्।

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

युहना 16:30

‘नाङ्इ मान्‍ताकोः ल्‍हुङ्‌कोः कुरामा सबै कुरामा चीःती झ्‍यान्‍ते सुइमा नाङ्‌कायः व्‍हत्‌सा परइली’ त ङीइ द्याह् चीःनाङःसु ओउःत हायःती नाङ्‌पाय् ‘दोङ्‌सीलेः परमेस्‍वर्‌कःसै वाङ्ओतेःआः’ त ङीइ ङ्‌हाम्‌नाङःसु” त दाय्‍ह्‌ती येसुकुस् वाह्ओमयःइ तोआथै।

युहना 17:23

ङा ओउःमयःकुस् ब्राङ्‌तीमा मुनाङी नाङ् ङाकुस् ब्राङ्‌तीमा मुनाःतय्‍ह्‌च ओउःत झ्‍यान्‍ते ओउःमयः जुगाङ् यातै ल्‍हुङ् स्‍याव्‌पै। ओहाङःसैको एत च्‍यवःती ङाकायःपाय् ‘परमेस्‍वर्‌इ ल्‍होक्ओआः’ त ल्‍हाव्‍ह्‌दैबाङ्‌कोः मान्‍तालम्इ चीःनानी। फेरी नाङ्इ ङाकायः राप्ओलो लेखालेः ‘ओउःमयःकायः परमेस्‍वर्‌इ राप्‌नाःथास’ तमा चीःनानी।

युहना 2:11

एत हायःतोक्‌हाङः येसुइ ङ्‌हाकोः ग्‍याङ्‌ह्‌राय् जाङ्‌ह्आकान् गालील अन्‍चल्‌कोः काना त तोओ गाव्‌हाङः। ओहाङः ओउःकोः आन ताङ्‌ह्ओ ग्‍वम् छ्यानःआथास। छ्यानःआक्‌तीको येसुकुस् वाह्ओमयःइ ओउःकायः पेतो ङ्‌हाम्आथै।

युहना 3:13

ङा ओउः मान्‍ताकोः चोः त तोओ झुङ्आले लाङ्‌कासै ग्‍ल्‍युङ्‌ह्आक्‌तीको फेरी लाङ्‌काताङ् लन्‍ह्‌ती पाय्‍ह्‌ती मुनाङः। अरुपाय् लाङ्‌काताङ् सुमा लन्‍ह्इली।

युहना 7:29

ङाखेपाय् ओउःकःसै वाङ्‌ती झ्‍यान्‍ते ओउःकायः तय्‍ह्‌ती चीःलेःनाङः” त दाय्‍ह्‌ती येसु मन्‍दीर्‌हाङः सबैकायः थोल्‍ह्‌ती तोआथास।

युहना 8:42

“लौ नीङ्‌कोः आपा दोङ्‌सी परमेस्‍वर्‌ लेःआः त खेःया नीङ्इ ङाकायःतेः राप्‌तेःचानानाङ्‌स खेःतेःइतो दोह् हायःती दाय्‍ह्‌सा ङाखे परमेस्‍वर्‌कःसै दाह्‌ती वाङ्ओआः ङ। ङा लयः झाक्‌राय्‌कोः वाङ्ओ खेःङल ङाकायः परमेस्‍वर्‌इलेः ल्‍होक्आताङः बा।

रोमी 8:3

ङी रेव्ओ ल्‍हुङ् नाःओ मान्‍तालम्‌कायःपाय् ओउः आय् ऐन्‌खेइ दल्‌ताक्‌सा खाय्उलु ओउःत झ्‍यान्‍ते परमेस्‍वर्‌इ लयःकोः चोःपाय् मान्‍तालो लेखा स्‍याव्‌साकायः ल्‍होक्आकान्। ङी रेव्‌तो हायःओ मान्‍तालो स्‍याव्आक्‌तीको परमेस्‍वर्‌कोः चोःइ रेव्ओ काम्‌लम् क्‍युम्‍ह्‌ती वाय्‌ताक्‌साकायः लयःकोः आङ् ल्‍हाआकास। एतलेः परमेस्‍वर्‌इ मान्‍ताकोः रेव्ओ काम् न्‍युम्‍ह्‌ताक्‌माआकान्

१ कोरीन्‍थी 15:47

ओउः ङ्‌हा थाओ मान्‍ताखे ल्‍हाव्‍ह्‌दैबाङ्‌सै वाङ्ओ साःसै जाङ्‌ह्ओ खेःतो ओउः लोनेसै वाङ्ओचाक्‌खे लाङ्‌कासैआः।

१ कोरीन्‍थी 16:22

सुसुइ प्रभुकायः राप्‌नीली ओउःकायः पेमालो स्‍याव्‌पै। मरनाथा त तोसा “प्रभुय वाङ्अ दै”

२ कोरीन्‍थी 5:14

ख्रीस्इलेः ङीकायः आन राप्‌नाःताङी त चीःती ङीइ ओउःकोः काम् जाङ्‌ह्‌सा खेःनाङी। यात्‌चाक्‌पाय् सबै दल्‌ताक्‌साकायः ल्‍हाङःतीलेः सीआ ओउःत झ्‍यान्‍ते ओउः सील त खेःया सबै सीचाः खेःतो।

गालाती 4:4

ओउःतलेः जाङ्‌ह्‌तय्‍ह्‌नीतो क्रोःओ दीन् पुत्आक्‌तीको परमेस्‍वर्‌इ लयःकोः चोः ल्‍होक्आथै। ओउःकोः चोःपाय् मोमःचोःसै दोःओआः ऐन्‌कोः कुरा जाङ्‌ह्‌सा खेःओ मान्‍ता खेःतो।

एफेसस् 6:24

फेरी ङीकोः प्रभु येसुकायः दोङ् दीःमामाःत राप्ओलम्‌कायः परमेस्‍वर्‌इ योनःती योपाःथास।

१ तीमोथी 1:15

लौ इलेः दोङ् ङ्‌हाम्‌सीःओ कुरा लेःआः इपाय् पेतो सायःउ दा। रेव्ओ काम् जाङ्‌ह्ओलम्‌कायः दल्‌ताक्‌सा थेङा येसु ख्रीस्‌पाय् ल्‍हाव्‍ह्‌दैबाङ्‌ताङ् वाङ्ओआः फेरी रेव्‌तो जाङ्‌ह्ओलम्‌कोः ङापाय् सबैसै रेव्‌तो लेःआः ङ।

हेब्रैनी 12:6

दोह् हायःती दाय्‍ह्‌सा ओउःइ लयः राप्ओ मान्‍ताकायः प्रभुइ स्‍यान्‌साकायः जान्‌नाःथास। सुसुकायः ओउःइ लयःकोः चोःलो लेखा स्‍याव्‌ताक्‌नौ ओउःकायःपाय् प्रभुइ पेमालो हायःओसै दल्‌ताक्‌साकायः न्‍युम्‍ह्‌ताक्‌नाःथास” त दाय्‍ह्‌ती परमेस्‍वर्‌इ ओउःकोः चोःलो लेखा स्‍याव्ओलम्‌कायः लव्‍ह्‌सा तोनाःथास।

१ पत्रुस् 1:8

ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।

१ युहना 4:19

ङीकायःपाय् परमेस्‍वर्‌इ ङ्‌हासै राप्आतय्‍ही ओउःत झ्‍यान्‍ते ङीइमा द्याह् ओउःकायःमा अरुकायःमा राप्‌नाःतय्‍ह्‌नी।

प्रकाश 3:19

ङाइ राप्ओलम्‌कायः स्‍यान्‌सा थेङा जान्‌मालेःनाङः न्‍युम्‍ह्‌ताक्‌मालेःनाङः ओउःत झ्‍यान्‍ते ल्‍हुङ् द्यान्‍ह्‌ती ङाकोः काम् जुगाङ् म्‍ह्याङ्‌तोलेः जाङ्‌ह्उ।

प्रकाश 3:9

यात्‌नीस् मान्‍तालम्इ “ङीपाय् यहुदीलम् खेःनाङी” त लयःकायः माःती तोनाःइसी। ओउःत तोओलम्‌पाय् सैतान्इ थनःताक्आथास। ओउःमयःकायः नाङ्‌कःताङ् घोती स्‍यवलाङ् वाङ्‌ताक्‌लेःनाङःसु। नाङ्‌कायःपाय् “ओउः छय्‍ङ्ओचाक्इ राप्ओ मान्‍ता लेःतेःआः बा” त ओउःमयः लोनेः चीःती घोलेःनै।