Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




युहना 16:22 - चेपाङ

22 ओउःलो लेखा नीङ्‌मा द्याह् लीह्‌तेःनानी लोने ङा फेरी क्रुस्‌नेःनाङ्‌स ओहाङःसैको नीङ् आन चोङाय्‌तेःनै सुइमा नीङ्‌कायः लीह्‌ताक्‌तेःइली।

အခန်းကိုကြည့်ပါ။ ကော်ပီ




युहना 16:22
40 ပူးပေါင်းရင်းမြစ်များ  

एत तोओ सायःआक्‌तीको ओउः मोमःचोःलम् रैतीमा चोङाय्‌तीमा तेस्‌घाङ्‌सै ग्‍ल्‍युङ्‌ह्‌ती येसुकुस् वाह्ओमयःकायः इ कुरा ल्‍हाक्‌ती छ्यानःलाङ् तन्‌ती पाय्‍ह्आकाय्।


नाङ् नाःतो काम्‌कायः ल्‍हुङ् रुःतेःतो यात्‌ज्‍याङ् काम् ह जाङ्‌ह्‌सालेः खेःतो। इ जाङ्‌ह्‌सा खेःओ काम्‌पाय् नाङ्‌कोः मरीयम् हौद्याङ् द्याह् जाङ्‌ह्‌धैलेः मुनाः। ओउः पेतो काम् जाङ्‌ह्‌साकायः मरीयम्‌कायः फेताक्‌ङल” त दाय्‍ह्‌ती प्रभु येसुइ मार्‌थाकायः तोआकान्।


‘लौ चोः नाङ्‌खेपाय् ल्‍हाव्‍ह्‌दैबाङ्‌हाङः मुतोक्‌हाङः पेपेओ थोक्‌लम् दोःतेःआ ओउःतोक् बेलाहाङः इ लाजरुस्‌खेपाय् रेव्‌तो थोक्‌लम् ह दोःआ इत नाङ्इ चीःतेःनौ। द्याह्‌पाय् ओउःखे पेतोलेः स्‍याव्‌नाः नाङ्‌खेपाय् लीह्‌सीःओ च्‍यवःतेःनौ।


‘दोङ्‌सीलेः सुसु नाःओलेः मुलेःनाः ओउःपाय् न्‍हाङ्‌तोलेः दोःलेःनाः बा। सुसु नाःमालो मुलेःनाः ओउःकोः दोह् मुनाः ओउःमा लाती आलःसाआः।


ओउःकोः आङ् छ्यानःतोक्‌हाङः ओउःमयः ग्‍याङ्‌ह्‌गार्‌ ग्‍याङ्‌ह्‌गार्‌ चोङाय्‌तीलेः “इपाय् गत स्‍याव्‌चाः” त ल्‍हुङ्‌हाङः पेतो ङ्‌हाम्‌माःत म्‍हर्‌आकाय्। ओउःमयः इत म्‍हर्‌तोक्‌हाङः “लौ ङाकायः जेःगा गम्‌तेःनेःनानाङ्‌सया” त दाय्‍ह्‌ती येसुइ तेती तोआथास।


“लौ ताःताः ल्‍हुङ् र्‍याङःताःनल। परमेस्‍वर्‌कायः ङ्‌हाम्‌तेःनानी ङाकायःमा ङ्‌हाम्‌नाङ्‌स दा।


अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।


लौ ङा आल्‌तोक्‌हाङः नीङ्‌कायः स्‍याङ्ओ ल्‍हुङ् बयःनेःनाङ्‌स। ङाइ बयःओ स्‍याङ्ओ ल्‍हुङ्‌पाय् अरु ल्‍हाव्‍ह्‌दैबाङ्‌कोः मुओलम्इ बयःसा खाय्‌नीली। लौ ल्‍हुङ् र्‍याङःमामाःत रैमामाःत मुन दा।


लौ देङी ङा आपाकःताङ् आल्‌नाङः ओउःत झ्‍यान्‍ते यात् चीच्‍योक्‌कायः च्‍यवःतेःनाङ्‌सल ओहाङःसै ङाकायः फेरी च्‍यवःतेःनानाङ्‌स” त दाय्‍ह्‌ती लयःकुस् वाह्ओमयःकायः तोआकान्।


लौ दोङ्‌सी दाय्‍ह्‌भनाङ् ङा आल्‌ती झ्‍यान्‍ते नीङ् र्‍याःती क्रेस्‌तीलेः मुतेःनै। नीङ्‌खे र्‍याःती क्रेस्‌ती मुतोक्‌हाङः अरु ल्‍हाव्‍ह्‌दैबाङ्‌कोः मान्‍तालम्‌खे चोङाय्‌तोलेः मुनै। ओउः बेलाहाङःपाय् नीङ् लीह्‌तो मुतेःनै लोने चोङाय्‌तेःनै।


ओउः कुरा तोआक्‌तीको नीङ् ल्‍हुङ्‌हाङः लीह्‌तेःनानी।


“लौ ओउःपाय् ङीकोः प्रभु लेःआः बा” त दाय्‍ह्‌ती येसुइ आन राप्ओ ओउःकुस् वाह्ओचाक् दाय्‍ह्ओ। दाय्‍ह्आक्‌तीको “ङीकोः प्रभु लेःआः” त सायःती सीमोन् पत्रुस्‌खे लयःकोः नाय् रोत्‌ती क्रमःआक्‌तीको तीःहाङः ज्‍योस्‌ती पोक्आ ओउःपाय् ङ्‌हा सोह् मुओ खेःतो।


सुसुइ ङाइ बयःसा तीः तुङ्‌नौ ओउःखे गलमा द्योक्‌मालो रौ जीङः दोःती अरु तुङ्‌सा परल। इ रौ जीङः दोःताक्‌सा तीःपाय् ङाकःसै गलमा लय्‍ङ्‌तीलेः वाङ्‌नाः” त दाय्‍ह्‌ती येसु त्‍याङ्आ।


ओउः बेलाहाङः ओउः अन्‍तीयोक्‌हाङः मुओ येसुकायः ङ्‌हाम्ओलम् परमेस्‍वर्‌कोः ग्‍वालामः दोःती आन चोङाय्ओ खेःतो।


झ्‍याल्‍खानहाङः काती गम्ओहाङः दोङ् याह्‌दीङ्‌हाङः ओउःनीस्‌पाय् परमेस्‍वर्‌कोः गीत् मेतीमा परमेस्‍वर्‌कायः तोतीमा मुचतो अरु झ्‍याल्‍खानहाङः राक्‌ती गम्ओ मान्‍तालम्इ ओउः नीस्‌कायः सायःती मुआकाय्। ओउःमयःइ सायःती मुतोक्‌हाङः


ओहाङःसैको दीन्‌का दीन् ओउःमयः ब्राङ्‌ती परमेस्‍वर्‌कोः मन्‍दीर्‌ताङ् आल्इतो लःलयःकोः कीम्‌लम्‌हाङः हुम्‌ती लाङ् फन्‍ह्‌ती म्रोती जेःनीतो परमेस्‍वर्‌कायः लुङ्‌ती तोती मुओ खेःइतो। ओउःमयःइ तोओ कुरा नाःतो मान्‍तालम्इ म्रोती सायःनीतो दीन्‌का दीन् प्रभुइ अरु ङ्‌हाम्ओ मान्‍तालम् दल्‌ताक्‌ती ओउःमयःकःताङ् पाःती त्‍योम्‌ताक्आकान्।


फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।


लीह्‌सीःओ बेलाहाङःलम्‌मा गलकायःमा चोङाय्‌तीलेः मुनाङी। ङीपाय् ह्र्यात् मान्‍तालो लेखा खेःङीतो बुरु नाःतो मान्‍ताकायः बयःसा खाय्‌नाङःसु। ङीकोःपाय् दोह्‌मा नाःल सबैलेः ङीकोः मुलेःनाः।


ङीकोः परमेस्‍वर्‌ आपाइ लयःइलेः ङीकायः राप्‌ती गलकायःमा ल्‍हुङ् धोमाय्‌ताक्‌तोमा पेतो आसतोमा स्‍याव्‌ताक्आतय्‍ही।


झ्‍याल्‍खानहाङः थुनती काओलम्‌कायःमा नीङ्इ लव्‍ह्‌तेःआकानी। नीङ्‌कोः माल्‌ताल्‌लम् लाती आलःओ बेलाहाङः नीङ् चोङाय्‌तोलेः मुधाङ्‌तेःइतो दोह् हायःती दाय्‍ह्‌सा ओउःसै न्‍हाङ्‌तोलेः पेओमा गलमा वाय्‌मालो खाल् “ङीकायः गम्ओलेः मुनाः” त चीःतेःआकानी।


एतलेः तोतीमा कीरीया जेःतीमा परमेस्‍वर्‌इ नीस्‌ज्‍योः जुगाङ् क्‍लोय्‍क्‌सा खाय्‌मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्‍यान्‍ते “ङी परमेस्‍वर्‌कःताङ् दल्‌साकायः वाङ्ओलम् ओउःकोः तोती गम्ओ कुरा दोःनाःतय्‍ही” त दाय्‍ह्‌ती चीःती ल्‍हुङ् धोमाय्‌तो स्‍याव्‌नाःतय्‍ही।


ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ