युहना 16:17 - चेपाङ

¹⁷ ओउःत तोआक्‌तीको “लौ दोह् हायःती ओउःइ ‘यात् चीच्‍योक्‌कायः च्‍यवःतेःनाङ्‌सल ओहाङःसै फेरी च्‍यवःतेःनानाङ्‌स’ त दाय्‍ह्‌तीमा फेरी ‘ङा आपाकःताङ् आल्‌नाङः’ तमा दाय्‍ह्‌ती तोआताङी” त दाय्‍ह्‌ती ओउःमयः नोःकाय्आकाय्

युहना 16:17 ပူးပေါင်းရင်းမြစ်များ

मर्‌कस् 9:10

ओउःत तोओ सायःआक्‌तीको ओउः सुम्‌चाक्इ अरुकायः छ्यान्‍ह्‌माःत लयःमयःकुस् ह “लौ इ ‘सीआक्‌तीको च्‍योक्‌नाङः’ त येसुइ दाय्‍ह्ओ दोह् दोह् कुरालेः” त दाय्‍ह्‌ती ग्‍याङ्‌ह्‌ती नोःकाय्आकाय्।

मर्‌कस् 9:32

ओउःकुस् वाह्ओमयःइ ओउःकोः स्‍यान्‌राय्‌कोः माने पेतो तय्‍ह्आक्‌नीली फेरी “इ कुराकोः माने दोह्‌लो। ङीकायः दोह् स्‍याव्‌चाः” त रैती म्‍हर्‌ती येसुकायः ओउः स्‍यान्‌राय्‌कोः माने “दोह्‌लो” त व्‍हत्‌सा ग्‍याइली।

लुका 18:34

ओउःइ तोओ कुरापाय् ओउः बारजनइ तय्‍ह्‌सा खाय्‌नीली। ओउः कुराकोः माने ओउःमयःकायः दोःताक्‌थासल ओउःत झ्‍यान्‍ते चीःसा खाय्‌नीली।

लुका 9:45

ओउःइ स्‍यान्ओ कुराकोः माने पेतो तय्‍ह्आक्‌नीली ओउः कुराकोः मानेपाय् चीःताक्‌मासा थेङा ओउःमयःकायः छ्यान्‍ह्‌ल। ओउःमयःकायः छ्यान्‍ह्‌मालो खेःतो ओउःमयःइ “इ कुराकोः माने दोह्‌लो” त दाय्‍ह्ओ ओउःकुस् वाह्ओमयःइ रैती झ्‍यान्‍ते व्‍हत्‌सामा ग्‍याइली।

युहना 12:16

ओउः बेलाहाङः येसुकुस् वाह्ओमयःइ “इ आखरःकोः कुरा द्याह् ताप्‌नाः” त चीःआक्‌नीली लोनेः येसु च्‍योक्आक्‌तीको ताङ्‌ह्‌तो स्‍याव्ओ बेलाहाङः ओउःमयःइ ओउः आखरःहाङः लेखओ कुरापाय् “दोह्‌कायः तोओलेः” त पेतो चीःआकानी।

युहना 14:22

“लौ प्रभुय नाङ् अरुखेइ च्‍यवःमाःत गत हायःती ङीखेकःहाङः थातेःचाःताङी” त दाय्‍ह्‌ती यहुदस्इ व्‍हत्आथै। ओउःपाय् इस्‍करीयोत्‌कोः यहुदस् खेःल अरु येसुकुस् वाह्ओ यहुदस्‌त तोओ लेःआः।

युहना 14:5

“अ प्रभुय नाङ् आल्‌सा खेःओहाङः ङीइ तय्‍ह्‌ङुसुलु गत हायःती ओहाङःकोः ल्‍याम् तय्‍ह्‌सा खाय्‌चाङःसु र” त दाय्‍ह्‌ती थोमा दाय्‍ह्आ।

युहना 16:1

“इ कुरा नीङ् क्रम्‌माःत ग्रमःत मुसाकायः तोनेःनाङ्‌स।

युहना 16:16

लौ देङी ङा आपाकःताङ् आल्‌नाङः ओउःत झ्‍यान्‍ते यात् चीच्‍योक्‌कायः च्‍यवःतेःनाङ्‌सल ओहाङःसै ङाकायः फेरी च्‍यवःतेःनानाङ्‌स” त दाय्‍ह्‌ती लयःकुस् वाह्ओमयःकायः तोआकान्।

युहना 16:18

“इ यात् चीच्‍योक्‌कायः च्‍यवःमालो दोह् कुरा त चीःतय्‍ह्‌नीली” तमा नोःकाय्‌ती मुइतो

युहना 16:19

ओउःमयः व्‍हत्‌सा कुरा येसुइ चीःती “लौ ओउः ङाइ मेस् तोओ ‘यात् चीच्‍योक्‌कायः च्‍यवःतेःनाङ्‌सल लोने फेरी च्‍यवःतेःनानाङ्‌स’ दोह् कुरालो त नोःकाय्‌तेःनै माःर।

युहना 16:5

द्याह् ङाकायः ल्‍होक्ओ आपाकःताङ् पाय्‍ह्‌ती आल्‌नाङः। ‘आल्‌सापाय् आल्‌नाङः’ त ङाइ तोनेःनाङ्‌सतो ङाकायःपाय् ‘लौ गाःताङ्‌तेः आल्‌तेःनाः’ त सुइमा व्‍हत्‌तेःनाङ्‌सल।