युहना 16:15 - चेपाङ

¹⁵ दोह्‌लो ङाकोः आपाकोः मुनाः ओउःलेः ङाकोःमा मुनाः ओउःत झ्‍यान्‍ते ङाइ छ्यानःओ कुरापाय् ‘परमेस्‍वर्‌कोः ग्‍वालामःइ नीङ्‌कायः छ्यानःतेःनै’ त तोनेःआलाङ्‌स।

युहना 16:15 ပူးပေါင်းရင်းမြစ်များ

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

लुका 10:22

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायः आपाइ ह तय्‍ह्‌नाःथै ओउः चोःइ ह परमेस्‍वर्‌ आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली। सुसुखेकायः ओउः चोःइ लयः झाक्‌ती छ्यानःनाःथास ओउः मान्‍तालम्इ ह परमेस्‍वर्‌ आपाकायः तय्‍ह्‌नानी” त दाय्‍ह्‌ती येसु दाय्‍ह्आ।

युहना 13:3

येसुखेइ “लौ ङाकायःपाय् ङाकोः आपाइ सबै ग्‍वम् बयःओआः बा। ङा ओउःकःसै वाङ्ओ लेःआः ङ ओउःकःताङ् पाय्‍ह्‌सा” त चीःआकास।

युहना 14:21

लौ ङाइ तोओ कुरा ग्‍याती जाङ्‌ह्ओलम्इ ङाकायः राप्‌नाःताङः। फेरी ङाकायः राप्ओलम्इ ङाकोः आपाइ राप्‌नाःथास ङाइमा राप्‌नाङःसु। ओउःमयःकःहाङः ङा लयः छ्यानःती थालाङ् दाह्‌नाङः” त दाय्‍ह्‌ती येसुइ ओउःकुस् वाह्ओमयःकायः तोआकान्।

युहना 17:10

नाङ्इ बयःओलम् नाङ्‌कोः लेःआः ङाकोःपाय् जुदालेः नाङ्‌कोः लेःआः नाङ्‌कोःमा जुदालेः ङाकोःआः। फेरी ओउःमयःइ ङाकायः ताङ्‌ह्‌ताक्‌नाःताङः।

युहना 17:2

नाङ्‌कोः चोःकायःपाय् सबै मान्‍तालम् रौ जीङः दोःताक्‌सा ग्‍वम् बयःतेःआकान्। ओहाङःसै सुसु चोःकायः बयःतेःआकान् ओउःकायःलेः ओउःइ रौ जीङः दोःताक्‌नाःथास।

युहना 3:35

परमेस्‍वर्‌ आपाइ लयःकोः चोः राप्‌ती झ्‍यान्‍ते ओउःकायः जाङ्‌ह्‌सा ग्‍वम्‌मा दोह्‌मा सबै बयःआकान्।

कोलसी 1:19

ख्रीस्‌कायःपाय् परमेस्‍वर्‌इ लयःकोः ग्‍वम्‌मा ल्‍हुङ्‌तुक्‌मा “सबै ओउःकुस् मुपाः” त झाक्‌ती म्रोतीलेः तोआथै।

कोलसी 2:3

ख्रीस्‌पाय् सबै व्‍हाय्‌तो चीःओ दोःताक्‌सा चाक् लेःआः।

कोलसी 2:9

ख्रीस्‌पाय् मान्‍ता स्‍याव्आक्‌तीको ओउःकोः ल्‍हुङ्‌तुक्‌मा ग्‍वम्‌मा परमेस्‍वर्‌कोः ल्‍हुङ्‌तुक् ग्‍वम्‌कुस् यातैज्‍योः लेःआः।