युहना 15:25 - चेपाङ

²⁵ इतलेः ओउःमयःकोः आखरःहाङः लेखती मुनाः ‘ङाइ दोह्‌मा हायःमाःत ङाकः ओउःमयः अह्र्नै’ त दाय्‍ह्‌ती लेखओ ओउः कुरा द्याह् ताप्‌तो स्‍याव्ओ लेःआः

युहना 15:25 ပူးပေါင်းရင်းမြစ်များ

मत्ती 10:8

जीक्ओलम्‌कायः स्‍याक्‌ताक्‌नु। कोह्र्इ ङायःओलम्‌कायः सेलः स्‍याव्‌ताक्‌नु सीओकायः उह्‌ती च्‍योक्‌ताक्‌नु लान्‌लम्‌कायः ल्‍हेस्‌ताक्‌नु दा। नीङ्‌पाय् नाःतोतेः सोह्‌लेः दोःतेःआकाय् ओउःत झ्‍यान्‍ते सोह्‌लेः बयःनु।

लुका 24:44

ङाः जेःआक्‌तीको “ङा नीङ्‌कुस् ङ्‌हा मुतोक्‌हाङः ‘लौ मोसाइमा परमेस्‍वर्‌कोः कुरा छ्यानःओमयःइमा भजन्‌हाङःमा ङाकायः लेखती तोओ कुरा सबै ताप्‌तो स्‍याव्‌सा खेःतो’ त ङाइ दाय्‍ह्‌ती स्‍यान्‌नेःआलाङ्‌स” त दाय्‍ह्‌ती

युहना 10:34

“लौ नाङ्‌कोः आखरःहाङःपाय् ‘लौ नीङ्‌पाय् देवालम् लेःतेःइ’ त दाय्‍ह्‌ती परमेस्‍वर्‌इ तय्‌छनःती योसा मान्‍ताकायः तोआथास।

युहना 13:18

नीङ् सबैकायः तोनेःनाङ्‌सल नीङ्‌कःहाङः सुसुकायः ङाइ छ्युङ्‌ह्‌लेःनेःनाङ्‌स ओउःमयःकायःलेः ङाइ तय्‍ह्‌नेःनाङ्‌स बा। ‘यात्‌चाक् ङाकुस् जेःओ मान्‍ताइ ङाकायः पेमालो हायःसा बोङःनौ’ त परमेस्‍वर्‌कोः आखरःहाङः लेखती मुनाः। ओउः कुरा द्याह् ताप्‌सा खेःतो।

युहना 19:36

फेरी आखरःहाङः लेखओ कुरामा ताप्‌ताक्आकान्। आखरःहाङः “ओउःकायः यातैज्‍योः ह्रुस्‌मा क्‍लय्‍ह्‌नीली” तमा लेखती मुनाः

रोमी 3:19

ओहाङःसैको ओउः आखरःहाङः लेखओ ऐन्‌कोः कुरापाय् सबै ऐन् सायःओ मान्‍तालम्‌कायः स्‍याव्‌लेःनाः एत चीःनाःतय्‍ह्‌नी। माः रैस ऐन्‌कोः कुरा चीःती झ्‍यान्‍ते द्याह्‌हाङःसै सुइमा “लौ ङाइ रेव्ओ काम्‌पाय् दोह्‌मा हायःङल” त तोसा खाय्‌नीली सबै ल्‍हाव्‍ह्‌दैबाङ्‌कोः मान्‍तालम्‌कायः परमेस्‍वर्‌इ गाल्‌तुम्‌ती तोसा खाय्‌नौ।

रोमी 3:24

मान्‍तालम् लयःइलेः पेतो स्‍याव्‌सा खाय्‌नीली ओउःमयःकायः योनःती योती परमेस्‍वर्‌इलेः लयः झाक्‌ती झ्‍यान्‍ते लयःकोः मीक्‌हाङः जुगाङ् पेतो योनाःथास ओउःत हायःसाकायः येसु ख्रीस्इ लयःकोः आङ् बयःती मान्‍तालम्‌कायः ल्‍हाङ्‌ती रेव्ओसै दल्‌ताक्आथास।

२ कोरीन्‍थी 11:7

ख्रीस्‌कोः पेओ समचार्‌ नीङ्‌कःहाङः थोल्‍ह्‌ती तोओहाङः नीङ्‌कःसै ङाइ दोह्‌मा त्‍याक्‌ङल। एतलेः नीङ्‌कायः ताङ्‌ह्‌ताक्‌साकायः ङाइ लयःकायः मीताक्आलाङःस ओउःत हायःओपाय् पेमालो खेःल र।

गालाती 2:21

परमेस्‍वर्‌इ ङीकायः योनःती बयःओ कुरापाय् त्‍याक्‌माःत मुसा ङा गलकायःमा ग्‍याङल। ऐन्‌कोः कुरा जाङ्‌ह्‌धार्‌नालेः ङी पेतो स्‍याव्‌नाःतय्‍ही त खेःया लौ ख्रीस्‌पाय् आह्रेलेः सीओआः बा।

२ थेसलोनिकि 3:8

सुकोःमा जेःगा तुङ्‌गा सोह्‌लेः जेःङुसुलु। नीङ्‌कायः दुख बयःसा ग्‍यामाःत झ्‍यान्‍ते ङीइ न्‍हीदीङ् याह्‌दीङ्‌हाङः लयःकायः केलःती काम् जाङ्‌ह्आलाङःइसी।

प्रकाश 21:6

“लौ इपाय् स्‍याव्‌जेःआ बा। ङापाय् सबैसै ङ्‌हामा लेःआः ङ सबैसै लोनेःमा लेःआः ङ सबै कुराकोः तुङःमा सबै कुराकोः च्‍योःमा ङा लेःआः ङ। सुसु अप्‌लेःनै ओउःकायःलेः ङाइ ओउः जीङः नाःओ तीः सीगाङ्‌सै पैसा आःताः त्‍याक्‌माःत सोह्‌लेः तुङ्‌सा दोःताक्‌नाङःसु।

प्रकाश 22:17

ओहाङःसैको परमेस्‍वर्‌कोः ग्‍वालामःमा ओउः भेदाकोः चोःकोः कमामा “लौ वाङ्अ दा” त दाय्‍ह्‌ती तोनाःचु। ओउः कुरा सायःओलम्‌मा “माः है वाङ्‌चाक्अ दै” तमा सबैइ तोपानी। ओहाङःसै सुसुमा अप्‌लेःनै ओउःपाय् ग्‍यातीलेः वाङ्‌ती ओउः पैसा आःताः त्‍याक्‌माःत सोह् बयःओ जीङः बयःसा तीः त्‍याक्‌पानी।