युहना 15:2 - चेपाङ2 जुदा ङाकोः सायःमालो केङ्कालम्खे ओउःइ ह्राह्ती वाय्नौ सायःओलम्खे ओउःइ न्हाङ्तो सायःताक्साकायः त्यङ्ह्नौ। အခန်းကိုကြည့်ပါ။ |
युहना 15:2
42 ပူးပေါင်းရင်းမြစ်များ
आल्ती वाह्तोक्हाङः येसु योङ्क्राय्ती ल्याम्कोः छेव्हाङः मुओ तुरःओ न्याम्सी सीङः च्यवःती सायः बोङःलाङ् वाङ्तो ओहाङः सायःपाय् दोह्मा नाःल मात् ह खेःतो। एत च्यवःआक्तीको “लौ उया द्याह्गोते नाङ् गलमा सायः सायःलाम्” त दाय्ह्ती येसुइ तोआकान्। ओहाङःसैको तोआक्तीको ओउः सीङः रेन्ह्तोलेः झ्योम्ह्ती सीआ।
एतलेः सुक्ओ जैथुन् सीङःकोः यात्नीस् पेमालो दालालम् क्लय्ह्ती वाय्आक्तीको बन्सै अरु दालालम् वानःती ओउः ङ्हाकोः सीङःहाङः च्योतोती गम्ओआः। यहुदीलम्खेपाय् ओउः सुक्ओ सीङःलो लेखालेः मुनै नीङ् यहुदी खेःमालोलम्खे ओउः बन्सै वानःआ दालालम्लो लेखालेः ङ्हा सुक्ओ सीङःकःताङ् च्योतोती मुतेःनै ओहाङःसै द्याह् ओउः तुङःसै पेओ जीङःतेः दोःनै।
परमेस्वर्पाय् यात्नीस्कायः गुच्युक् काङ्ओ लेःआः अरुकायः आन खह्र्ओ लेःआः त नीङ्इ चीःसा खेःतो। ओउः ङ्हाम्मालो वाय्ओलम्खेकः परमेस्वर् खह्र्ओ लेःआः। योनःती योतोक्हाङःपाय् नीङ्खेकः परमेस्वर् आन काङ्ओलेः मुनाः। ओउःकोः काङ्ती हायःओ नीङ् अह्र्तेःचनै। अह्र्तेःनै त खेःया झाक्तेःइली त खेःया ओउःइ काङ्तो हायःओ फेती नीङ्कायःमा वाय्तोलेः स्याव्ताक्तेःनै।
ကြော်ငြာတွေ