युहना 15:13 - चेपाङ

¹³ यात्‌चाक्इ लयःकोः क्‍वालम्‌कायः सीबत्‌नाःथै त खेःया ओउःइ आन राप्ओ काम् जाङ्‌ह्‌नौ बा। इसै अरु न्‍हाङ्‌तोलेः राप्ओ काम्‌पाय् दोह्‌मा नाःबाय्‌ल।

युहना 15:13 ပူးပေါင်းရင်းမြစ်များ

लुका 12:4

लौ साथीलम् नीङ्‌कोः आङ्‌कायः ह ह्र्योङःती वाय्‌सा खाय्ओ मान्‍तालम्‌कः रैतेःचनै ओउःमयःखेइ नीङ्‌कोः रुआङ्‌कायः ह्र्योङःती वाय्‌सा खाय्‌नीली।

युहना 10:11

फेरी ङालेः पेओ गोथालालो लेखा खेःनाङः। पेओ ह्रामःओ गोथालाखे लयःकोः भेदालम् दल्‌ताक्‌साकायः लयः सीसा ग्‍यालेःनाः

युहना 17:19

ओउःमयःइ नाङ्‌कोः दोङ् कुरा चीःती ‘नाङ्‌कोः छय्‍ङ्‌तो मान्‍तालम् स्‍याव्‌साकायः पेङ्‌कलःती गम्‌पाःथास’ त दाय्‍ह्‌ती ङामा पेङ्‌कलःती मुनाङः।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

१ युहना 3:16

येसु ख्रीस्इलेः ङीकायः दल्‌ताक्‌साकायः लयः सीसा ग्‍याओ खेःतो ओउःत हायःती झ्‍यान्‍ते “ओउःइ दोङ् पेतोलेः राप्‌नाःतय्‍ही” त चीःनाःतय्‍ह्‌नी। ङीमा लयःकोः पुःचोङ् हौचोङ्‌कायः सीसा ग्‍यासा खेःनाःतय्‍ही।