युहना 15:10 - चेपाङ

¹⁰ ङाइ तोओ कुरा जाङ्‌ह्‌तेःनानी त खेःया ङाइ राप्‌नेःनाङ्‌स। ओउःत झ्‍यान्‍ते ओउः कुरा जाङ्‌ह्‌नु दा। ङाकोः आपाइ तोओ कुरापाय् ङाइमा जाङ्‌ह्‌नाङः ओउःत झ्‍यान्‍ते ओउःइ ङाकायः राप्‌नाःताङः।

युहना 15:10 ပူးပေါင်းရင်းမြစ်များ

युहना 10:18

सुखेइमा ङाकायः सीताक्‌सा खाय्‌ताङःल ङा लयः झाक्ओ सीतोलेः स्‍याव्‌नाङः ह ङा लयः झाक्‌ती च्‍योक्‌नाङः। इत हायःसाकोः ग्‍वम्‌पाय् ङाकोः आपाइ तोती बयःआताङः बा” त दाय्‍ह्‌ती येसुइ तोआथास।

युहना 12:49

ङा लयः नोःओ खेःङल। ङाइ नोःओ कुरा ङ्‌हाहाङःलेः ङाकायः ल्‍होक्ओ आपाइ स्‍यान्‌ती बयःआताङः।

युहना 14:15

नीङ्इ ङाकायः राप्‌तेःनानाङ्‌स त खेःया ङाइ तोओ कुरा ग्‍याती जाङ्‌ह्‌नु दा।

युहना 14:21

लौ ङाइ तोओ कुरा ग्‍याती जाङ्‌ह्ओलम्इ ङाकायः राप्‌नाःताङः। फेरी ङाकायः राप्ओलम्इ ङाकोः आपाइ राप्‌नाःथास ङाइमा राप्‌नाङःसु। ओउःमयःकःहाङः ङा लयः छ्यानःती थालाङ् दाह्‌नाङः” त दाय्‍ह्‌ती येसुइ ओउःकुस् वाह्ओमयःकायः तोआकान्।

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

युहना 14:31

ङाइ आपाकायः राप्‌नाङः त सबै ल्‍हाव्‍ह्‌दैबाङ्‌हाङः मुओलम्‌कायः छ्यानःसा थेङा ङाइ ओउःकोः हुकुम् जाङ्‌ह्‌लेःनाङः बा। लौ द्याह् चीङ्‌ती इसै आल्इ” त दाय्‍ह्‌ती येसु दाय्‍ह्आ।

युहना 17:4

लौ नाङ्इ बयःओ काम् दप्‌तोलेः जाङ्‌ह्‌ती नाङ्‌कायःपाय् ल्‍हाव्‍ह्‌दैबाङ्‌हाङः ताङ्‌ह्‌ताक्‌नेःआलाङ्।

युहना 4:34

ओउःमयः एत नोःकाय्‌तोक्‌हाङः “लौ ङाकायः ल्‍होक्ओ परमेस्‍वर्‌ आपाकोः काम् जाङ्‌ह्‌ती खाय्‌सा इत हायःसाकायः ल्‍हुङ् क्राय्आताङः।

युहना 8:29

फेरी ङाकायः ल्‍होक्ओ आपाइ ङाकुस् काम् जाङ्‌ह्‌नाङःचु ङा लयः झुङ्आले जाङ्‌ह्‌सा खेःङल दोह् हायःती दाय्‍ह्‌सा ङाकोः आपा झाक्ओ कुरा ङाइ गलमा जाङ्‌ह्‌नाङः” त दाय्‍ह्‌ती येसुइ स्‍यान्आथास।

युहना 8:55

खेःल ओउःकायः नीङ्‌खेइ गलकायःमा तय्‍ह्‌तेःनीली ङाखेइ तय्‍ह्‌नाङः। ओउःकायः ‘ङाइ तय्‍ह्‌ङल’ त ङाइ तोचेःनाङ्‌सतो त खेःया ङापाय् नीङ्‌लो लेखा माःरेव् स्‍याव्‌चाङः खेःतो। ओउःकायः ङाइ तय्‍ह्‌मानाङः ओउःकोः कुरा ग्‍यातीलेः सायःमानाङः।

१ कोरीन्‍थी 7:19

दोह् हायःती दाय्‍ह्‌सा ओउः पुन् तात्ओ मुनाः त खेःयामा मुल त खेःयामा दोह्‌मा दयःल। परमेस्‍वर्‌इ तोओ कुरा ग्‍याती जाङ्‌ह्‌सापाय् ओउःपाय् दोङ् ताङ्‌ह्ओ कुरालेः ओउःत हायःसा परलेःनाः।

१ थेसलोनिकि 4:1

लौ उया पुःचोङ् हौचोङ्‌य परमेस्‍वर्‌कायः म्रोताक्‌ती वाह्‌सा कुरा स्‍यान्‌नेःआलाङ्‌स आने दोङ्‌सीलेः नीङ् ओउःतलेः वाह्‌तेःनै बा। द्याह् प्रभु येसुकायः ङ्‌हाम्‌तेःनानी त झ्‍यान्‍ते “ओउःत न्‍हाङ्‌तोलेः पेतोलेः हायःनु दा” त नीङ्‌कायः ङीइ आन तेती तोनेःनाङ्‌स।

हेब्रैनी 7:26

ओउःत प्रधान् पुरोहीत्‌पाय् ङीकायः जुगाङ् स्‍याव्ओ लेःआः बा। ओउःपाय् जुगाङ् छय्‍ङ्‌ती केह्ओ रेव्‌मालो पुरोहीत् खेःतो। रेव्‌तो जाङ्‌ह्ओलम्‌कःसै पेङ्‌कलःतो स्‍याव्‌ती सबै त्‍यावःअ लाङ्‌काहाङः लनःओलेः मुलेःनाः।

२ पत्रुस् 2:21

परमेस्‍वर्‌इ तोओ कुरामा ओउःकोः काम् पेतो जाङ्‌ह्‌सामा चीःआक्‌तीको ओउःत हायःओ फेसाकायः न्‍हाङ्‌तोलेः स्‍याव्‌ल। ओउःत हायःओसै ओउःमयःइ ओउः पेओ कुरा गलमा चीःमाःत मुओ पेचाः खेःतो।

१ युहना 2:3

इतलेः “परमेस्‍वर्‌कायः तय्‍ह्आतय्‍ही” त चीःसा खाय्‌नाङःसु ङीइपाय् ओउःइ तोओ कुरा ग्‍याती जाङ्‌ह्‌नाःतय्‍ह्‌नी त खेःया ङीइ परमेस्‍वर्‌कायः पेतो तय्‍ह्‌नाःतय्‍ह्‌नी।

१ युहना 2:5

सुसुखेइ ओउःइ तोओ कुरा ग्‍याती जाङ्‌ह्‌नाःतय्‍ह्‌नी दोङ्‌सीलेः ओउःइ परमेस्‍वर्‌कायः पेतो राप्ओलेः मुनाः ओहाङःसै “परमेस्‍वर्‌कुस् ब्राङ्‌ती वाह्‌नाःतय्‍ही” त चीःनौ।

१ युहना 2:6

फेरी “ङा परमेस्‍वर्‌कुस् ब्राङ्‌ती वाह्‌नाङःच” त दाय्‍ह्‌ती दाय्‍ह्ओ मान्‍ता ओउःपाय् ख्रीस्‌लो लेखा पेतो वाह्‌सा खेःतो।

१ युहना 5:3

ङीइ परमेस्‍वर्‌इ तोओ कुरा सायःती जाङ्‌ह्‌धार्‌नालेः ओउःकायः राप्‌नाःतय्‍ह्‌नी। फेरी ओउःइ तोओ कुरा जाङ्‌ह्‌सापाय् चाक्‌तो खेःल

प्रकाश 22:14

सुसुइ लयःकोः क्रमःनाय्‌लम् धावःती भाम्‌ताक्‌नानी ओउःमयःपाय् चोङाय्‌तोलेः मुनै ओउःमयः ओउः जीङः बयःसा सीङःसै काव्‍ह्‌सामा दोःनै ओउः सहर्‌कोः धोकालम्‌हाङः पोक्‌सामा दोःलेःनै।