युहना 14:4 - चेपाङ

⁴ ङा आल्‌सा खेःओ ल्‍याम् नीङ्इ तय्‍ह्‌तेःनानी बा” त दाय्‍ह्‌ती येसु तोआथास।

युहना 14:4 ပူးပေါင်းရင်းမြစ်များ

लुका 24:26

ओउः मान्‍तालम्इ परमेस्‍वर्‌कोः आखरःहाङःपाय् परमेस्‍वर्‌इ ङ्‌हा तोती गम्ओ कुरा ख्रीस्‌कायः तोती ‘ओउःपाय् आन लीह्‌सीःओ गोरःती सीआक्‌तीको परमेस्‍वर्‌कुस् अङ्‌ग थङ्‌ग त आन पेतो स्‍याव्‌सा खेःनाः’ त दाय्‍ह्‌ती लेखती मुनाः माः र” त दाय्‍ह्‌ती येसुइ ओउः नीस्‌चाक्‌कायः तोआथाच।

युहना 10:9

ङापाय् भेदाकोः गोत्‌कोः दोङ् धोका लेःआः ङ। सुसु ङाकःताङ् वाङ्‌ती पोक्‌चै ओउःलेः दल्‌तो स्‍याव्‌नै। ओउःमयःपाय् पेओ थाव्‌हाङःमा आल्‌सा दोःनै।

युहना 12:26

सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

युहना 13:3

येसुखेइ “लौ ङाकायःपाय् ङाकोः आपाइ सबै ग्‍वम् बयःओआः बा। ङा ओउःकःसै वाङ्ओ लेःआः ङ ओउःकःताङ् पाय्‍ह्‌सा” त चीःआकास।

युहना 14:2

ङाकोः आपाकोः कीम्‌हाङः नाःतो याक्‌सा थाव्‌लम् दोःलेःनाः। नीङ्‌कायःपाय् थाव् नाःल त खेःया ङाइ तोचेःनाङ्‌स खेःतो बा।

युहना 14:28

ङाधाङ् आल्‌धाङ्‌चाङः फेरी द्यान्‍ह्‌तीलेः वाङ्‌नाङः त ङाइ तोओ सायःतेःआकानी। ङाकायः राप्‌तेःनानाङ्‌स त खेःया ‘ओउःपाय् आपाकःताङ् आल्‌नाः’ त सायःआक्‌तीको नीङ् चोङाय्‌तो स्‍याव्‌तेःनै दोह् हायःती दाय्‍ह्‌सा ङाकोः आपा ङासै ताङ्‌ह्‌लेःनाः।

युहना 14:3

लौ नीङ्‌कायः थेङा ङाइ थाव् जाङ्‌ह्‌ती गम्‌लाङ् आल्‌नाङः। आल्आक्‌तीको ङा नीङ्‌कायः रोम्‌लाङ् फेरी द्यान्‍ह्‌ती वाङ्‌नाङः। रोम्आक्‌तीको ङा गाःताङ् मुचाङः नीङ्‌मा ओहाङः मुसा दोःतेःनै।

युहना 14:5

“अ प्रभुय नाङ् आल्‌सा खेःओहाङः ङीइ तय्‍ह्‌ङुसुलु गत हायःती ओहाङःकोः ल्‍याम् तय्‍ह्‌सा खाय्‌चाङःसु र” त दाय्‍ह्‌ती थोमा दाय्‍ह्आ।

युहना 16:28

ङा आपाकःसै आल्‌ती ल्‍हाव्‍ह्‌दैबाङ्‌ताङ् दाह्आलाङः। द्याह् इ ल्‍हाव्‍ह्‌दैबाङ् फेती आपाकःताङ् पाय्‍ह्‌नाङः” त दाय्‍ह्‌ती येसुइ तोआथास।

युहना 3:36

ओहाङःसैको परमेस्‍वर्‌कोः चोःकायः ङ्‌हाम्ओलम्‌खे गलमा वाय्‌मालो गलमा द्योक्‌मालो रौ जीङः दोःनै। सुसुइ ओउः चोःकायः ङ्‌हाम्‌नीली ओउःखे जीङः दोःबाय्इली ओउःकायः परमेस्‍वर्‌इ म्‍हर्‌ताक्‌माःत गलकायःमा न्‍युम्‍ह्‌ताक्‌नाःथास” त दाय्‍ह्‌ती तोआकान्।

युहना 6:40

फेरी ङाकोः आपा झाक्ओमा इलेःआः। सुसुइलो परमेस्‍वर्‌कोः चोः च्‍यवःती ङ्‌हाम्‌नानी ओउःलेः रौ जीङः दोःती ओउः पुत्ओ दीन्‌हाङः उह्‌ती च्‍योक्‌तो स्‍याव्‌नै बा” त दाय्‍ह्‌ती दाय्‍ह्आ।