युहना 14:30 - चेपाङ

³⁰ द्याह्‌हाङःसै ङा नीङ्‌कः नाःतो नोःसा नोःङल इ ल्‍हाव्‍ह्‌दैबाङ्‌कोः सैतान् राजा त तोओ वाङ्‌खेःनाः। वाङ्‌सापाय् वाङ्‌लेःनाः ङा झाक्‌माःत ओउःइ ङाकायः दोह्‌मा हायःसा खाय्‌ताङःल वाय्‌सामा खाय्‌ताङःल।

युहना 14:30 ပူးပေါင်းရင်းမြစ်များ

लुका 1:35

“लौ नाङ्‌कःताङ् परमेस्‍वर्‌कोः ग्‍वालामः ग्‍ल्‍युङ्‌ह्‌ती खुप्‌लाङ् वाङ्‌ती ओउःकोः ग्‍वम् दोःआक्‌तीको इ परमेस्‍वर्‌इ तोती गम्ओ कुरा स्‍याव्‌नाः। ओउःत झ्‍यान्‍ते नाङ्‌कोः लोने वाङ्‌सा खेःओ चोःपाय् छय्‍ङ्ओ लेःआः ओउःकायः ‘परमेस्‍वर्‌कोः चोः लेःआः’ त तोनाः।

लुका 22:53

दीन्‌का दीन्‌पाय् नीङ्‌कुस् मन्‍दीर्‌हाङः मुझुङ्‌ङोतो ओउःतोक्‌खेहाङः ङाकायः चुम्‌तेःनाङ्‌सल इ नीङ्इ छ्युङ्‌ह्ओ च्‍याक्ओ बेलाखेहाङः वाङ्‌सातेः झाक्‌तेःनै द्याह् च्‍याक्ओहाङः वाह्ओलम्इ क्‍लीमःनानी” त दाय्‍ह्‌ती येसु दाय्‍ह्आ।

युहना 12:31

लौ इ ल्‍हाव्‍ह्‌दैबाङ्‌कोः मान्‍तालम्‌कायः तय्‌छनःती योसा बेला वाङ्आ। ओउःमयःकोः सैतान् राजाखे द्याह् क्‍लाःती ल्‍होक्‌नाःथै।

२ कोरीन्‍थी 4:4

दोह् हायःती दाय्‍ह्‌सा ओउःमयःइ ल्‍हुङ्‌हाङः चीःती ङ्‌हाम्‌साकायः इ ल्‍हाव्‍ह्‌दैबाङ्‌कोः सैतान् राजाइ ताक्‌थासल। ओउःत खेःओ ओउः परमेस्‍वर्‌लो लेखा ताङ्‌ह्ओ ख्रीस्‌कोः पेओ समचार्‌पाय् ओउः मान्‍तालम्इमा चीःसा खाय्‌नीली ओउः पेओ कुराइमा ओउःमयःकोः ल्‍हुङ्‌हाङः थोङ्‌ताक्‌सा दोःल।

२ कोरीन्‍थी 5:21

ख्रीस्इपाय् दोह्‌मा रेव्‌तो जाङ्‌ह्उलु ओउःकोः मीक्‌हाङः ङीकायः ख्रीस्‌कुस् पेतो स्‍याव्‌ताक्‌साकायः परमेस्‍वर्‌इ ख्रीस्‌कायः रेव्‌तो मान्‍ताकोः रेव्‌झ्‍याङ्‌कोः बयःआथै।

एफेसस् 2:2

ओउः बेलाहाङः नीङ् ल्‍हाव्‍ह्‌दैबाङ्‌कोः मान्‍तालम्‌लो लेखा पेमाःतो वाह्‌ती ओउः लान्‌कोः राजाकोः कुरा ङ्‌हाम्‌तेःआकानी। ओउः लान्‌कोः राजापाय् तेन्‌छ्याङ्‌कोः परमेस्‍वर्‌कायः ङ्‌हाम्‌मालो मान्‍तालम्‌कोः हुकुम् बयःसा राजा लेःआः।

एफेसस् 6:12

ङी मान्‍ताकुस् ह कायःकाय्‌सा खेःङीली सबै लाङ्‌काहाङःसै वाङ्ओ पेमालो हुकुम् बयःओलम्‌कुस्‌मा इ ल्‍हाव्‍ह्‌दैबाङ्‌कोः पेमालो ताङ्‌ह्ओ ग्‍वम्‌लम्‌कुस्‌मा कायःकाय्‌सा खेःनाङी बा।

कोलसी 1:13

ङीकायःपाय् परमेस्‍वर्‌इ पेमालो च्‍याक्ओ राजीहाङःसै दल्‌ताक्‌ती लयःकोः ल्‍हुङ् गोरे चोःकोः राजीहाङः वानःती पोक्‌ताक्आतय्‍ही।

हेब्रैनी 4:15

ङीकोः प्रधान् पुरोहीत् येसुकायःपाय् गतलो ङीकायः ल्‍हुङ्‌तुक् थ्‍योन्‍ह्‌ती योओ खेःतो ओउःतलेः थ्‍योन्‍ह्ओ खेःतो ओउःइपाय् रेव्ओ काम् दोह्‌मा जाङ्‌ह्उलु। ओउःइ ङीकायः लयः धेःती झ्‍यान्‍ते ङीकायः थ्‍योन्‍ह्ओ चीःती आन योनःतीलेः योसा खाय्‌नाःतय्‍ही।

हेब्रैनी 7:26

ओउःत प्रधान् पुरोहीत्‌पाय् ङीकायः जुगाङ् स्‍याव्ओ लेःआः बा। ओउःपाय् जुगाङ् छय्‍ङ्‌ती केह्ओ रेव्‌मालो पुरोहीत् खेःतो। रेव्‌तो जाङ्‌ह्ओलम्‌कःसै पेङ्‌कलःतो स्‍याव्‌ती सबै त्‍यावःअ लाङ्‌काहाङः लनःओलेः मुलेःनाः।

१ पत्रुस् 2:22

ख्रीस्इपाय् रेव्ओ कुरा दोह्‌मा हायःउलु माःओ कुरामा गलमा नोःउलु।

१ युहना 4:4

लौ हौचोङ्‌य नीङ्‌पाय् परमेस्‍वर्‌कोः मुती झ्‍यान्‍ते ओउः माःती तोओमयःकायःतेः क्‍लीमःतेःआकानी। नीङ्इ दोःओ परमेस्‍वर्‌कोः ग्‍वालामःपाय् ल्‍हाव्‍ह्‌दैबाङ्‌हाङः मुओ ख्रीस्‌कोः बीरोत्‌सै न्‍हाङ्‌तोलेः व्‍हाय्‌तो लेःआः।

१ युहना 5:18

परमेस्‍वर्‌कःसै रौ जीङः दोःओ मान्‍ताइ रेव्ओ काम् जाङ्‌ह्‌धै जाङ्‌ह्उलु दोह् हायःती दाय्‍ह्‌सा परमेस्‍वर्‌कोः चोःइ ओउःकायः ओम्‌पायःती सैतान् वाङ्‌सा ताक्उलु।

१ युहना 5:19

ङीखे परमेस्‍वर्‌कोः लेःआः तय्‍ही अरु ल्‍हाव्‍ह्‌दैबाङ्‌कोः मान्‍तालम्‌खे सैतान्‌कोः काम् जाङ्‌ह्‌तीलेः वाह्‌धै मुनै ओउःतलेः चीःनाःतय्‍ह्‌नी।

प्रकाश 12:9

ओउः ताङ्‌ह्ओ रुपाय् लान्‌कोः राजा सैतान् त तोओलेः ओउःपाय् सबै ल्‍हाव्‍ह्‌दैबाङ्‌हाङः मुओलम्‌कायः माःती थ्‍योन्‍ह्ओ काम् जाङ्‌ह्आकान्। क्‍लीमःतोक्‌हाङः ओउःकायःमा सबै ओउःकुस् वाह्ओ ल्‍होक्ओमयःकायःमा ल्‍हाव्‍ह्‌दैबाङ्‌ताङ् क्‍लाःओ खेःइतो।