युहना 14:3 - चेपाङ

³ लौ नीङ्‌कायः थेङा ङाइ थाव् जाङ्‌ह्‌ती गम्‌लाङ् आल्‌नाङः। आल्आक्‌तीको ङा नीङ्‌कायः रोम्‌लाङ् फेरी द्यान्‍ह्‌ती वाङ्‌नाङः। रोम्आक्‌तीको ङा गाःताङ् मुचाङः नीङ्‌मा ओहाङः मुसा दोःतेःनै।

युहना 14:3 ပူးပေါင်းရင်းမြစ်များ

युहना 12:26

सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

युहना 14:28

ङाधाङ् आल्‌धाङ्‌चाङः फेरी द्यान्‍ह्‌तीलेः वाङ्‌नाङः त ङाइ तोओ सायःतेःआकानी। ङाकायः राप्‌तेःनानाङ्‌स त खेःया ‘ओउःपाय् आपाकःताङ् आल्‌नाः’ त सायःआक्‌तीको नीङ् चोङाय्‌तो स्‍याव्‌तेःनै दोह् हायःती दाय्‍ह्‌सा ङाकोः आपा ङासै ताङ्‌ह्‌लेःनाः।

युहना 14:4

ङा आल्‌सा खेःओ ल्‍याम् नीङ्इ तय्‍ह्‌तेःनानी बा” त दाय्‍ह्‌ती येसु तोआथास।

युहना 17:24

लौ आपाय ङाकायः बयःओ मान्‍तालम्‌पाय् ‘ङाकुस् मुपै’ त ङा झाक्‌ती तेनाङः ओहाङःसै नाङ्इ ङाकायः ताङ्‌ह्‌ताक्ओहाङः ओउःमयःइ च्‍यवःसा खाय्‌नानी। ल्‍हाव्‍ह्‌दैबाङ्‌कोः जाङ्‌ह्‌धाङ्‌माःखाहाङःसै नाङ्इ राप्‌तेःआची ओउःत हायःतीतेः ङाकायः ताङ्‌ह्‌तेःताक्‌नाःची।

खबरदुत 1:11

थाआक्‌तीको “लौ नीङ् गालील देस्‌सै वाङ्ओमयः दोह् हायःतीतेः इतलेः त्‍यावःताङ् योती मुतेःनै। ओउः नाङ्‌कःसै मेस् लाङ्‌काताङ् ज्‍याल्ओ येसुपाय् एत ताङ्‌ह्‌तो हायःतीलेः लोन्‍ह्‌ते फेरी द्यान्‍ह्‌ती वाङ्आनाः” त दाय्‍ह्‌ती ओउः नीस्‌चाक् नोःआकाच।

रोमी 8:17

फेरी ङीपाय् परमेस्‍वर्‌कोः चोःलम् खेःनाःतय्‍ही त खेःया ङी चोःलम्‌लो लेखालेः परमेस्‍वर्‌ आपासै पेओ दान् दोःनाःतय्‍ही। दोह् दोह् पेओलम् परमेस्‍वर्‌इ ख्रीस्‌कायः सेती गम्‌लेःआकान् ओउःलेः येसु ख्रीस्‌कुस्इ थाःतोलेः त्‍याक्‌मातय्‍ह्‌नी। ङीइ ख्रीस्‌कुस् लीह्‌सीःओ गोरःमानाःतय्‍ह्‌नी त खेःया ओउःकुस् ब्राङ्‌ती ताङ्‌ह्‌तोलेः स्‍याव्‌मानाःतय्‍ही।

फीलीपी 1:23

सीसाया स्‍याक्‌साया गाव् पेनाः त चीःङल। इ ल्‍हाव्‍ह्‌दैबाङ् फेती ख्रीस्‌कुस् मुसा आन झाक्‌नाङः ओउःत हायःओपाय् न्‍हाङ्‌तोलेः पेनाः।

२ थेसलोनिकि 1:12

ओहाङःसै ङीकोः प्रभु येसुकोः मय्‍ङ्‌मा नीङ्इ ताङ्‌ह्‌ताक्‌तेःनानी नीङ्‌मा येसु ख्रीस्‌कुस् ताङ्‌ह्‌तोलेः स्‍याव्‌तेःनै। ङीकोः परमेस्‍वर्‌मा प्रभु येसु ख्रीस्इमा नीङ्‌कायः योनःती योती ओउःतलेः स्‍याव्‌ताक्‌पाःचु।

२ तीमोथी 2:12

ङीइ लीह्‌सीःओ गोरःनाःतय्‍ही त खेःया ओउःकुस्‌लेः हुकुम् बयःसा मान्‍ता स्‍याव्‌नाःतय्‍ही। ओउःकायः ङी “ओउःकोः मान्‍तापाय् खेःतय्‍हीली” त दाय्‍ह्‌ती क्‍लेत्‌ती तोनाःतय्‍ही त खेःया ओउःइलेः ङीकायःमा क्‍लेत्‌नाःतय्‍ही।

हेब्रैनी 9:28

ओउःतलेः ख्रीस्‌मा नाःतोलम्‌कोः रेव्ओ काम् क्‍युम्‍ह्‌ती वाय्‌साकायः यातै पेन्‍ह्‌हाङः लयःकोः आङ्‌लेः ल्‍हाती सीआ। ओहाङःसैको यातै पेन्‍ह्‌कायः लयः ल्‍हाती सीआक्‌तीको ख्रीस्‌पाय् फेरीलेः वाङ्‌नाः। रेव्ओ काम् वाय्‌साकायः खेःल ओउःकायः ल्‍युङ्‌ह्‌ती मुओलम्‌कायः दल्‌ताक्‌सा थेङा वाङ्‌लेःनाः।

प्रकाश 3:21

सुसुइ रेव्ओकायः क्‍लीमःनानी ओउःकायः ङाकुस् राजा च्‍युङःसा थाव्‌हाङः मुसा दोःताक्‌नाङः। ओउःतलेः ङाइमा रेव्ओकायः क्‍लीमःआक्‌तीको ङाकोः आपाकोः राजा च्‍युङःसा थाव्‌हाङः ओउःकुस् मुसा दोःआलाङः’