युहना 14:2 - चेपाङ

² ङाकोः आपाकोः कीम्‌हाङः नाःतो याक्‌सा थाव्‌लम् दोःलेःनाः। नीङ्‌कायःपाय् थाव् नाःल त खेःया ङाइ तोचेःनाङ्‌स खेःतो बा।

युहना 14:2 ပူးပေါင်းရင်းမြစ်များ

लुका 14:22

ओहाङःसैको ओउःकोः मालीक्इ तोओ कुरा सायःती ओउः नोकरीपाय् आल्आ। आल्आक्‌तीको पाय्‍ह्‌ती वाङ्आक्‌तीको ‘लौ नाङ्इ तोओलो लेखालेः ङाइ जाङ्‌ह्‌लेःआलाङः। जाङ्‌ह्‌सापाय् जाङ्‌ह्‌लेःङोतो भोस् जेःसा मान्‍तालम्‌पाय् पुत्‌धाङ्इली’ त दाय्‍ह्‌ती मालीक्‌कायः छ्यानःआथै।

युहना 13:33

लौ ङाकोः हौलम्‌य नीङ्‌कुस्इ ङा द्याह् ज्‍याङःतो मुङल। आल्आक्‌तीको ङाकायःतेः बोङःतेःनाङ्‌सतो ङा आल्ओहाङः नीङ्‌खे आल्‌सा दोःतेःइली। ओउःतलेः ङाइ यहुदीलम्‌कायःमा तोआलाङः।

युहना 13:36

ओहाङःसैको “लौ प्रभुय गाःताङ्‌तेः आल्‌तेःनाः” त दाय्‍ह्‌ती पत्रुस्इ व्‍हत्आथै “लौ ङा आलःओहाङः नाङ् गुल्‍ह्‌ती वाङ्‌सातेः दोःधाङ्‌तेःल लोने गुल्‍ह्‌सा दोःतेःनाः” त दाय्‍ह्‌ती येसु त्‍याङ्‌ती

युहना 14:28

ङाधाङ् आल्‌धाङ्‌चाङः फेरी द्यान्‍ह्‌तीलेः वाङ्‌नाङः त ङाइ तोओ सायःतेःआकानी। ङाकायः राप्‌तेःनानाङ्‌स त खेःया ‘ओउःपाय् आपाकःताङ् आल्‌नाः’ त सायःआक्‌तीको नीङ् चोङाय्‌तो स्‍याव्‌तेःनै दोह् हायःती दाय्‍ह्‌सा ङाकोः आपा ङासै ताङ्‌ह्‌लेःनाः।

युहना 16:4

ओहाङःसैको ओउः पेमालो हायःतोक्‌हाङः ‘लौ एतलेः तोआतय्‍ही बा’ त नीङ्इ गीलसा थेङा ङाइ द्याह् तोनेःनाङ्‌स। ङ्‌हासै ङा नीङ्‌कुस् मुधाङ्ओ बेलाहाङः ओउः कुरा तोआक्‌नाङ्‌सल।

युहना 17:24

लौ आपाय ङाकायः बयःओ मान्‍तालम्‌पाय् ‘ङाकुस् मुपै’ त ङा झाक्‌ती तेनाङः ओहाङःसै नाङ्इ ङाकायः ताङ्‌ह्‌ताक्ओहाङः ओउःमयःइ च्‍यवःसा खाय्‌नानी। ल्‍हाव्‍ह्‌दैबाङ्‌कोः जाङ्‌ह्‌धाङ्‌माःखाहाङःसै नाङ्इ राप्‌तेःआची ओउःत हायःतीतेः ङाकायः ताङ्‌ह्‌तेःताक्‌नाःची।

खबरदुत 9:16

ङाकोः काम् जाङ्‌ह्‌साकायः ओउःइ आन लीह्‌सीःओ च्‍यवःसा खेःनाः इत ङाइ ओउःकायः चीःताक्‌लेःनाङः” त दाय्‍ह्‌ती प्रभु येसुइ हननायाकायः तोआथै।

२ कोरीन्‍थी 5:1

ङीकोः ल्‍हाव्‍ह्‌दैबाङ्‌हाङः मुओ वाय्‌सा खेःओ आङ्‌पाय् आय् कीम्‌लो लेखा ह्र्योङःती वाय्‌नाः ओउःत झ्‍यान्‍ते परमेस्‍वर्‌इ लयः जाङ्‌ह्ओ रौ आङ् ओउःकःसै दोःनाःतय्‍ही त चीःनाङःइसी। ओउः आङ्‌पाय् ल्‍हाव्‍ह्‌दैबाङ्‌कोः खाल् खेःल लाङ्‌काहाङः मुओ गलमा ह्र्योङःती वाय्‌मालो खाल् लेःआः बा।

१ थेसलोनिकि 5:9

ङीकायः न्‍युम्‍ह्‌ताक्‌साकायः परमेस्‍वर्‌इ छ्युङ्‌ह्आतय्‍ही खेःल। ओउः न्‍युम्‍ह्ओसै ङीकोः प्रभु येसुइ दल्‌ताक्‌नाःतय्‍ही ओउःत स्‍याव्‌साकायः परमेस्‍वर्‌इ छ्युङ्‌ह्आतय्‍ही।

हेब्रैनी 11:10

ओउः देस्‌हाङःपाय् ओउः वाङ्‌सा खेःओ परमेस्‍वर्‌इ जाङ्‌ह्ओ गलमा ह्र्योङःमालो सहर्‌कायः आब्राहाम् ल्‍युङ्‌ह्‌ती मुओ खेःतो।

हेब्रैनी 13:14

दोह् हायःती दाय्‍ह्‌सा ल्‍हाव्‍ह्‌दैबाङ्‌हाङः ङीकायः गलमा मुसा दोःओ सहर्‌पाय् दोह्‌मा नाःल। ङीइ लोनेः वाङ्‌सा खेःओ सहर्‌कायः बोङःधै मुनाःतय्‍ही।

हेब्रैनी 6:20

द्याह् ङीकोः होन्‍त येसुलेः ङीकायः स्‍यालःती ओउःहाङः पोक्‌ती मुओआः। मेल्‌कीसेदेक् त तोओकोः खाल्‌कोः पुरोहीत्‌लो लेखालेः ओउःपाय् गलकायःमा मुओ प्रधान् पुरोहीत् स्‍याव्ओआः।

हेब्रैनी 9:8

इतलेः ओउः ङ्‌हाकोः नीङ्ओ थाव्‌हाङः मुधाङ्‌तोक्‌हाङः ओउः अरु जुगाङ् नीङ्ओ थाव्‌ताङ् अरु सुइमा पोक्‌सा दोःइली त परमेस्‍वर्‌कोः ग्‍वालामःइ छ्यानःनाःतय्‍ही।

प्रकाश 1:5

ओउः ङ्‌हाम्‌सीःओ परमेस्‍वर्‌कोः कुरा छ्यानःओचाक् येसु ख्रीस्इमा नीङ्‌कायः योनःती योती ल्‍हुङ् धोमाय्‌ताक्‌तेःपै। ओउः परमेस्‍वर्‌कोः चोः येसुपाय् अरुसै ङ्‌हालेः सीओसै उह्‌ती च्‍योक्‌माआ ओउःपाय् ल्‍हाव्‍ह्‌दैबाङ्‌कोः राजालम्‌सै पुःमानाः। येसु ख्रीस्इपाय् ङीकायः राप्‌लेःनाःतय्‍ही ओउःकोः वयः बयःती ङीकोः रेव्‌झ्‍याङ्‌कोः क्‍युम्‍ह्‌ताक्आतय्‍ही।

प्रकाश 21:2

ओहाङःसैको ओउः पेओ छय्‍ङ्ओ नया यरुसालेम् त तोओ सहर्‌ लाङ्‌काहाङः मुओ परमेस्‍वर्‌सै ग्‍ल्‍युङ्‌ह्‌ती वाङ्ओमा च्‍यवःआलाङः। ओउः सहर्‌पाय् देङीलो भाव्इ वानःसा खेःओ आन पेओ नाय्‌लम् लावओ सायःलम् लीक्ओ कमालो लेखालेः खेःतो।

प्रकाश 3:12

सुसुइ रेव्ओकायः क्‍लीमःनानी ओउःकायः ङाकोः परमेस्‍वर्‌कोः मन्‍दीर्‌हाङः मुल्‌धुरीलो लेखा जाङ्‌ह्‌नाङःसु ओउः मन्‍दीर्‌सै ओउःपाय् गलमा ग्‍ल्‍युङ्‌ह्इली। फेरी ओउः मान्‍ताकःहाङः ङाकोः परमेस्‍वर्‌कोः मय्‍ङ्‌मा लेखनाङः ङाकोः परमेस्‍वर्‌कोः सहर्‌कोः मय्‍ङ्‌मा लेखनाङः। ओउः सहर्‌पाय् ङाकोः परमेस्‍वर्‌कःहाङःसै लाङ्‌कासै ग्‍ल्‍युङ्‌ह्‌लेःनाः ओउःपाय् “नया यरुसालेम्” त तोओ लेःआः। ओहाङःसै ओउः मान्‍ताकःहाङः ङाकोः नया मय्‍ङ्‌मा लेखलेःनाङः’

प्रकाश 3:21

सुसुइ रेव्ओकायः क्‍लीमःनानी ओउःकायः ङाकुस् राजा च्‍युङःसा थाव्‌हाङः मुसा दोःताक्‌नाङः। ओउःतलेः ङाइमा रेव्ओकायः क्‍लीमःआक्‌तीको ङाकोः आपाकोः राजा च्‍युङःसा थाव्‌हाङः ओउःकुस् मुसा दोःआलाङः’