युहना 14:18 - चेपाङ

¹⁸ नीङ्‌कायः ङाइ जुगाङ् फेनेःनाङ्‌सल ङा लोने द्यान्‍ह्‌ती वाङ्‌नाङः।

युहना 14:18 ပူးပေါင်းရင်းမြစ်များ

मत्ती 18:20

गाःहाङः गाःहाङः यात्‌नीस् ङाकायः ङ्‌हाम्ओ मान्‍ता हुम्‌ती वाङ्‌ती ङाकोः मय्‍ङ् पेह्‌ती मुनै ओहाङः ङामा ओउःमयःकुस् मुलेःनाङः” त दाय्‍ह्‌ती येसुइ स्‍यान्‌ती तोआथास।

मत्ती 28:20

ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

युहना 14:16

ओहाङःसै ङाइ आपाकः तेती तोनाङः ओउःइ नीङ्‌कायः अरु लव्‍ह्‌ती जाङ्‌ह्‌सा साथी बयःतेःनै।

युहना 14:3

लौ नीङ्‌कायः थेङा ङाइ थाव् जाङ्‌ह्‌ती गम्‌लाङ् आल्‌नाङः। आल्आक्‌तीको ङा नीङ्‌कायः रोम्‌लाङ् फेरी द्यान्‍ह्‌ती वाङ्‌नाङः। रोम्आक्‌तीको ङा गाःताङ् मुचाङः नीङ्‌मा ओहाङः मुसा दोःतेःनै।

युहना 16:16

लौ देङी ङा आपाकःताङ् आल्‌नाङः ओउःत झ्‍यान्‍ते यात् चीच्‍योक्‌कायः च्‍यवःतेःनाङ्‌सल ओहाङःसै ङाकायः फेरी च्‍यवःतेःनानाङ्‌स” त दाय्‍ह्‌ती लयःकुस् वाह्ओमयःकायः तोआकान्।

युहना 16:33

नीङ् ल्‍हुङ् र्‍याङःमाःतोलेः धोमाय्‌तो मुसाकायः इ कुरा तोनेःनाङ्‌स। ल्‍हाव्‍ह्‌दैबाङ्‌हाङः मुतोक्‌हाङः आन लीह्‌सीःओ च्‍यवःतेःनानी। ओउःततेः च्‍यवःतेःनानी ग्रमःत मुन दा ङाइ ल्‍हाव्‍ह्‌दैबाङ्‌कोः मुओलम्‌कायः क्‍लीमःआलाङः” त दाय्‍ह्‌ती येसु दाय्‍ह्आ।

२ थेसलोनिकि 2:16

ङीकोः परमेस्‍वर्‌ आपाइ लयःइलेः ङीकायः राप्‌ती गलकायःमा ल्‍हुङ् धोमाय्‌ताक्‌तोमा पेतो आसतोमा स्‍याव्‌ताक्आतय्‍ही।

हेब्रैनी 2:18

ओउःकायः ल्‍हुङ्‌तुक् वेलःती योतोक्‌हाङः येसुइ लीह्‌सीःओ गोरःओआः द्याह् अरु मान्‍तालम्‌कोः ल्‍हुङ्‌तुक् वेलःती योसाकायः लीह्‌सीःओ गोरःओ बेलाहाङः ओउःमयःकायः येसुइ लव्‍ह्‌सा खाय्‌नौ।