युहना 14:1 - चेपाङ

¹ “लौ ताःताः ल्‍हुङ् र्‍याङःताःनल। परमेस्‍वर्‌कायः ङ्‌हाम्‌तेःनानी ङाकायःमा ङ्‌हाम्‌नाङ्‌स दा।

युहना 14:1 ပူးပေါင်းရင်းမြစ်များ

युहना 11:33

येसुइ मरीयम्‌मा ओउःकोः साथीलम्‌मा र्‍याःओ च्‍यवःती ल्‍हुङ्‌हाङः आन लीह्आकान्।

युहना 12:27

“लौ ङापाय् द्याह् ल्‍हुङ् र्‍याङःआलाङः। द्याह् दोह्‌त तेती तोचाङः र। इ ङाइ लीह्‌सीःओ च्‍यवःसा बेलाहाङः ‘वाङ्‌ताक्‌लाम् आपाय’ त तेती तोचाङःया। खेःल इत लीह्‌सीःओ गोरःलाङ्‌पाय् वाङ्आलाङः बा।

युहना 12:44

ओहाङःसैको “लौ सुसुइ ङाकायः ङ्‌हाम्‌चानानी ओउःइ ङाकायः ल्‍होक्ओ आपाकायःमा ङ्‌हाम्‌नानी।

युहना 13:19

लौ इ लोने स्‍याव्‌सा कुरापाय् ताप्‌तो स्‍याव्‌धाङ्‌माखाहाङः ङाइ छ्यान्‍ह्‌नेःनाङ्‌स ओहाङःसैको ओउः कुरा ताप्‌तो स्‍याव्आक्‌तीको ‘लौ ओउःपाय् दोङ्‌सीःओ चाक् लेःआः बा’ त चीःती ङाकायः ङ्‌हाम्‌तेःनानाङ्‌स।

युहना 16:24

द्याह्‌च्‍युक्‌हाङः ङाकोः मय्‍ङ् पेह्‌ती तेतेःधाङ्‌तेःइली द्याह्‌हाङःसै ङाकोः मय्‍ङ् पेह्‌ती तेन दा ओहाङःसै नीङ् दोःती झ्‍यान्‍ते जुगाङ् चोङाय्‌तोलेः मुतेःनै।

युहना 16:3

दोह् हायःती दाय्‍ह्‌सा ओउःमयःइ ङाकायःमा ङाकोः आपाकायःमा तय्‍ह्‌ताङःचल।

युहना 16:6

ओउः कुरा तोआक्‌तीको नीङ् ल्‍हुङ्‌हाङः लीह्‌तेःनानी।

युहना 5:23

बयःआक्‌तीको आपालो लेखा एङःतो चोःकायःमा एङःतोलेः स्‍याव्‌नाः। सुसुइ चोःकायः एङःथाल ओउःइलेः चोः ल्‍होक्ओ आपाकायःमा एङःथाल।

युहना 6:40

फेरी ङाकोः आपा झाक्ओमा इलेःआः। सुसुइलो परमेस्‍वर्‌कोः चोः च्‍यवःती ङ्‌हाम्‌नानी ओउःलेः रौ जीङः दोःती ओउः पुत्ओ दीन्‌हाङः उह्‌ती च्‍योक्‌तो स्‍याव्‌नै बा” त दाय्‍ह्‌ती दाय्‍ह्आ।

२ कोरीन्‍थी 2:7

द्याह् ओउःइ नीङ्‌कायः जाङ्‌ह्ओ रेव्ओ काम् म्‍हेःती ओउःकायः लुङ्‌ती तोनु उया ओउःपाय् न्‍हाङ्‌तोलेः लीह्‌ती वाय्‌तो स्‍याव्‌चाः।

एफेसस् 1:15

फेरी नीङ्‌कायःपाय् “येसु ख्रीस्‌कायः ङ्‌हाम्‌माताङःनानी अरु ङ्‌हाम्ओलम्‌कायः राप्‌माताङःनानी” त दाय्‍ह्ओ ल्‍हाक्‌ती तोओ कुरा सायःआलाङः।

२ थेसलोनिकि 2:2

प्रभु वाङ्‌सा खेःओ दीन् “द्याह्‌पाय् दाह्ओ लेःआः” त तोओ सायःतेःआकानी त खेःया “लौ ल्‍हुङ् रुःमामाःत ब्रःमामाःत ल्‍हुङ् धोमाय्‌तो मुन” त तेती तोनेःनाङ्‌स। “ओउः कुरापाय् पावुल्इ परमेस्‍वर्‌कोः ग्‍वालामःसै दोःती स्‍यान्आताङी चेतीहाङः लेखआताङी” त दाय्‍ह्‌ती यात्‌नीस्‌चाक्इ माःती तोनानी यादो।

१ पत्रुस् 1:21

येसु ख्रीस् वाङ्‌ती झ्‍यान्‍ते ओउःकायः सीओसै उह्‌ती च्‍योक्‌ताक्ओमा ताङ्‌ह्‌ताक्ओ परमेस्‍वर्‌कायःलेः ङ्‌हाम्‌तेःनानी। ओउःत खेःओ नीङ् परमेस्‍वर्‌कायः ङ्‌हाम्‌ती चोङाय्‌तीलेः ल्‍युङ्‌ह्‌ती मुतेःनै।