युहना 13:34 - चेपाङ

³⁴ द्याह् ङाइ नया हुकुम् बयःनेःनाङ्‌स। लःलयःकायः राप्‌काय्‌ती मुन गतलो ङाइ नीङ्‌कायः राप्‌नेःआलाङ् ओउःतलेः लःलयःकायः राप्‌काय्‌नाःइसी।

युहना 13:34 ပူးပေါင်းရင်းမြစ်များ

मत्ती 5:44

‘लौ नाङ्‌कायः पेमालो हायःओलम्‌कायःमा राप्‌नु’ त ङाइ द्याह् तोनेःनाङ्‌स। सुसुइ नीङ्‌कायः लीह्‌सीःओ बयःतेःचनै ओउःकायः ‘लौ इकायःपाय् पेतो स्‍याव्‌ताक्उ दा’ त दाय्‍ह्‌ती परमेस्‍वर्‌कः तेती तोनु दा।

युहना 15:17

इतलेः ङाइ तोनेःनाङ्‌स लःलयःमयः राप्‌काय्‌नीङ्‌सी।

युहना 17:21

इतलेः तेनाङः बा आपाय नीची ल्‍हुङ् ब्राङ्‌नाःतय्‍ह्‌च ओउःतलेः ओउःमयः सबै यातैज्‍योः ल्‍हुङ्‌तुक् स्‍याव्‌ती नीचीकुस् ब्राङ्‌पै। ओहाङःसै एत च्‍यवःती अरु ल्‍हाव्‍ह्‌दैबाङ्‌कोः मान्‍तालम्इ ङाकायःपाय् ‘परमेस्‍वर्‌कःसै ल्‍होक्ओआः’ त ङ्‌हाम्‌नाःताङः।

रोमी 12:10

अरु ङ्‌हाम्ओलम्‌कायः लयःकोः पुःचोङ् हौचोङ्‌लो लेखालेः जुगाङ् राप्‌ती मीओ ल्‍हुङ् स्‍याव्‌ती अरुलम्‌कायः “ओउःपाय् ङासै ताङ्‌ह्‌लेःनाः” त म्‍हर्‌न।

रोमी 13:10

सुसुइ लयःकः ब्रेङःकाय्‌ती याक्ओ मान्‍ताकायः राप्‌नौ ओउः मान्‍ताइपाय् अरुकायः पेमालो हायःउलु। ओउःत झ्‍यान्‍ते अरुकायः राप्ओ मान्‍ताइ ऐन्‌कोः हुकुम्‌लम् जुदालेः जाङ्‌ह्‌नौ।

रोमी 13:8

अरु मान्‍ताकः पाय्‍क्‌सा खेःओ रीन् मुलाम् अरुकायः बुरु राप्ओ ह बयःसा खेःतो। सुखेइ अरुकायः राप्‌नानी ओउःइपाय् परमेस्‍वर्‌कोः ऐन्‌कोः हुकुम्‌मा जाङ्‌ह्‌नानी।

गालाती 5:22

ओउःपाय् ल्‍हुङ्‌खेकोः रेव्ओ कुराखे लेःआः। परमेस्‍वर्‌कोः ग्‍वालामःखेकोः पेओ कुराखे इलेःआः। राप्ओ ल्‍हुङ्‌मा चोङाय्ओ धोमाय्ओ ल्‍हुङ्‌मा लीह्‌सीःओ गोरःओ पेओ योनःती योओ ल्‍हुङ्‌मा ङ्‌हाम्‌सीःओ काङ्ओ रेव्‌तो जाङ्‌ह्‌सा ग्‍यामालो ल्‍हुङ्‌मा लयःकायः मीतो योओमा ओउः सबैलेः परमेस्‍वर्‌कोः ग्‍वालामःइ बयःओ कुरालेः ऐन्इ ताक्‌मालो कुरा खेःल।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

गालाती 6:10

ओउःत खेःओ ङी पेतो हायःसा दोःनाःतय्‍ही त खेःया सबै मान्‍तालम्‌कायः पेतोलेः हायःनी ङीकोः ङ्‌हाम्ओ पुःचोङ् हौचोङ्‌लम्‌कायः न्‍हाङ्‌तोलेः पेतो जाङ्‌ह्‌सा बोङःनु दा।

गालाती 6:2

अरुइ लीह्‌सीःओ गोरःओ बेलाहाङः ओउःमयःकायः लव्‍ह्‌नु दा ओउःत हायःती नीङ्इ ख्रीस्‌कोः ऐन् जाङ्‌ह्‌तेःनानी।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

कोलसी 1:4

दोह् हायःती दाय्‍ह्‌सा “येसु ख्रीस्‌कायः गुच्‍युक् पेतो ङ्‌हाम्‌मानानी ओउःकोः मान्‍तालम्‌कायः गुच्‍युक् पेतो राप्‌मानानी” त दाय्‍ह्‌ती नीङ्‌कायः नोःओ सायःआलाङःसु।

१ थेसलोनिकि 3:12

ङीइ नीङ्‌कायः राप्ओलो लेखा लयःमयःकायःमा सबैकायःमा प्रभुइ न्‍हाङ्‌तोलेः राप्‌तेःताक्‌तेःपै।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

हेब्रैनी 13:1

अरु ङ्‌हाम्ओलम्‌पाय् लयःकोः पुःचोङ् हौचोङ्‌लो लेखा राप्‌काय्‌ती मुन।

याकुब् 2:8

परमेस्‍वर्‌कोः राजीकोः नीयम् आखरःहाङः इलेः लेखती मुनाः “नाङ्‌कोः लयःकोः वेङ्‌ह्‌ग चेङ्‌ह्‌गकोः मान्‍तालम्‌कायः लयःकायः धेःती राप्‌ती स्‍यास्‌सा खेःतो” त दाय्‍ह्ओ मुलेःनाः। ओउः नीयम् नीङ्इ जाङ्‌ह्‌तेःनानी त खेःया ओउःखे पेलेःनाः।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

२ पत्रुस् 1:7

परमेस्‍वर्‌कायः म्रोताक्ओ कुरा जाङ्‌ह्ओकुस् ब्रक्‌त ङ्‌हाम्ओ पुःचोङ् हौचोङ्‌कायः राप्‌नु ओउःमयःकायः राप्ओकुस् ब्रक्‌त सबैकायः राप्‌नु दा।

१ युहना 3:11

नीङ्इ ङ्‌हाहाङःसै सायःओ कुरा इ लेःआः बा “नीङ् लयःमयःकायः राप्‌काय्‌नीङ्‌सी” त तोओपाय् ओउःत ङ्‌हाहाङःलेः बयःतेःआकाय्।

१ युहना 3:23

ओउःइ दोह्‌त तोनाःतय्‍ही दाय्‍ह्‌सा ङीइ ओउःकोः चोः येसु ख्रीस्‌कायः ङ्‌हाम्‌ती लयःमयः राप्‌काय्‌सा खेःनाःतय्‍ही ओउःतलेः परमेस्‍वर्‌इ तोआतय्‍ही।

१ युहना 4:21

इतलेः परमेस्‍वर्‌इ तोआतय्‍ही “सुसुइ परमेस्‍वर्‌कायः राप्‌सा बोङःचनौ ओउःइलेः लयःकोः पुःचोङ् हौचोङ्‌कायः राप्‌पाःथास” त दाय्‍ह्‌ती तोओआः।

२ युहना 1:5

लौ मेम्‌साहेप्‌य ङी सबै राप्‌काय्‌ती मुइ त दाय्‍ह्‌ती तेती लेखनेःनाङ्। ओउःपाय् रौ तोओलेः खेःल ङ्‌हासैकोः लेःआः बा।