युहना 13:3 - चेपाङ

³ येसुखेइ “लौ ङाकायःपाय् ङाकोः आपाइ सबै ग्‍वम् बयःओआः बा। ङा ओउःकःसै वाङ्ओ लेःआः ङ ओउःकःताङ् पाय्‍ह्‌सा” त चीःआकास।

युहना 13:3 ပူးပေါင်းရင်းမြစ်များ

मत्ती 11:27

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायःपाय् आपाइ ह तय्‍ह्‌नाःथै चोःइमा ह आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली सुसुखेकायः चोःइ छ्यानःआथै ओउः मान्‍ताइ ह परमेस्‍वर्‌ आपाकायः तय्‍ह्‌नानी।

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

लुका 10:22

ङाकोः परमेस्‍वर्‌ आपाइ सबै कुरालेः स्‍यान्‌साकायःमा जाङ्‌ह्‌साकायःमा बयःआताङः। चोःकायः आपाइ ह तय्‍ह्‌नाःथै ओउः चोःइ ह परमेस्‍वर्‌ आपाकायः तय्‍ह्‌नौ। अरुइ आपाकायःमा चोःकायःमा तय्‍ह्‌नीली। सुसुखेकायः ओउः चोःइ लयः झाक्‌ती छ्यानःनाःथास ओउः मान्‍तालम्इ ह परमेस्‍वर्‌ आपाकायः तय्‍ह्‌नानी” त दाय्‍ह्‌ती येसु दाय्‍ह्आ।

युहना 1:18

परमेस्‍वर्‌कायः सुइमा च्‍यवःनीली ओउःकोः यातैज्‍योः गोय्‌चोःइलेः ह लयः आपाकुस् द्याङ्‌तो मुती ओउः आपाकायः मान्‍ताकःताङ् छ्यानःआथै।

युहना 13:1

ओहाङःसैको ओउः च्‍योल्ओ दीन्‌कोः योह्‌नम् दाह्आ। “लौ ङा ल्‍हाव्‍ह्‌दैबाङ्‌सै आल्‌ती आपाकःताङ् वाङ्‌सा खेःनाङः। द्याह् ओउः आल्‌सा दीन् दाह्‌खेःआ” त येसुइ चीःउतो ओउःइ ल्‍हाव्‍ह्‌दैबाङ्‌हाङः मुतोक्‌हाङः लयःकुस् वाह्ओमयःकायः गलकायःमा राप्‌ती मुआ।

युहना 17:2

नाङ्‌कोः चोःकायःपाय् सबै मान्‍तालम् रौ जीङः दोःताक्‌सा ग्‍वम् बयःतेःआकान्। ओहाङःसै सुसु चोःकायः बयःतेःआकान् ओउःकायःलेः ओउःइ रौ जीङः दोःताक्‌नाःथास।

युहना 3:13

ङा ओउः मान्‍ताकोः चोः त तोओ झुङ्आले लाङ्‌कासै ग्‍ल्‍युङ्‌ह्आक्‌तीको फेरी लाङ्‌काताङ् लन्‍ह्‌ती पाय्‍ह्‌ती मुनाङः। अरुपाय् लाङ्‌काताङ् सुमा लन्‍ह्इली।

युहना 3:35

परमेस्‍वर्‌ आपाइ लयःकोः चोः राप्‌ती झ्‍यान्‍ते ओउःकायः जाङ्‌ह्‌सा ग्‍वम्‌मा दोह्‌मा सबै बयःआकान्।

युहना 7:29

ङाखेपाय् ओउःकःसै वाङ्‌ती झ्‍यान्‍ते ओउःकायः तय्‍ह्‌ती चीःलेःनाङः” त दाय्‍ह्‌ती येसु मन्‍दीर्‌हाङः सबैकायः थोल्‍ह्‌ती तोआथास।

युहना 7:33

ओउः सीपाहीलम् ल्‍होक्‌तोक्‌हाङः “लौ देङी ङा नीङ्‌कुस् मुधाङ्‌नाङः ओहाङःसै ङा आल्‌ती ङाकायः ल्‍होक्ओकःताङ् पाय्‍ह्‌नाङः।

युहना 8:14

“लयःकायः तोसापाय् तोङसतो ङाइ तोओपाय् दोङ्‌सी लेःआः बा दोह् हायःती दाय्‍ह्‌सा ‘ङापाय् गाःहाङःसै वाङ्ओआः ङ गाःताङ् आल्‌साआः ङ’ त ङाखेइ लयः चीःनाङःस नीङ्‌खेइ ङाकायः ‘गाःहाङःसै वाङ्ओआः गाःताङ् आल्‌साआः’ त चीःतेःनीली।

युहना 8:42

“लौ नीङ्‌कोः आपा दोङ्‌सी परमेस्‍वर्‌ लेःआः त खेःया नीङ्इ ङाकायःतेः राप्‌तेःचानानाङ्‌स खेःतेःइतो दोह् हायःती दाय्‍ह्‌सा ङाखे परमेस्‍वर्‌कःसै दाह्‌ती वाङ्ओआः ङ। ङा लयः झाक्‌राय्‌कोः वाङ्ओ खेःङल ङाकायः परमेस्‍वर्‌इलेः ल्‍होक्आताङः बा।

खबरदुत 2:36

ओउःत झ्‍यान्‍ते नीङ्इ क्‍ल्‍याय्ओ सीङःहाङः सात्‌ताक्ओ येसुकायः द्याह् परमेस्‍वर्‌इ प्रभु ख्रीस् त तोती जाङ्‌ह्‌ती गम्आकान्। लौ इ कुरा नीङ् इस्राएल्‌कोः मान्‍तालम्इ पेतोलेः चीःतेःपानी” त दाय्‍ह्‌ती ओउः हुम्‌ती सायःलाङ् वाङ्ओ मान्‍तालम्‌कायः पत्रुस्इ छ्यानःती तोआथास।

१ कोरीन्‍थी 15:27

दोह् हायःती दाय्‍ह्‌सा “सबै थोक्‌लम् परमेस्‍वर्‌इ ओउःकायः क्‍लीमःताक्‌नाःथै” त दाय्‍ह्‌ती दाय्‍ह्ओ परमेस्‍वर्‌कोः आखरःहाङः लेखती मुनाः। परमेस्‍वर्‌इ ख्रीस्‌कायः सबै क्‍लीमःताक्‌थातो लयः परमेस्‍वर्‌ झुङ्आले क्‍लीमःमाःत मुलेःनाः।

हेब्रैनी 1:2

द्याह् इ लोनेकोः दीन्‌खेहाङः ओउःइ लयःकोः चोःकायःलेः ङीकायः तोसा थेङा ल्‍होक्आथै। ओउः चोःकुस्‌लेः परमेस्‍वर्‌इ सबै थोक् जापीनःती न्‍यास्आकान् लोनेः सबै थोक् ओउः चोःकोःलेः स्‍याव्‌नाः एत हायःसाकायः परमेस्‍वर्‌इ चोःकायः छ्युङ्‌ह्आथै।