युहना 13:19 - चेपाङ

¹⁹ लौ इ लोने स्‍याव्‌सा कुरापाय् ताप्‌तो स्‍याव्‌धाङ्‌माखाहाङः ङाइ छ्यान्‍ह्‌नेःनाङ्‌स ओहाङःसैको ओउः कुरा ताप्‌तो स्‍याव्आक्‌तीको ‘लौ ओउःपाय् दोङ्‌सीःओ चाक् लेःआः बा’ त चीःती ङाकायः ङ्‌हाम्‌तेःनानाङ्‌स।

युहना 13:19 ပူးပေါင်းရင်းမြစ်များ

मत्ती 11:3

ओउः नीस्‌चाक् येसुकःताङ् वाङ्‌ती “लौ ओउः परमेस्‍वर्‌इ तोती गम्ओ वाङ्‌सा खेःचाक्ओ नाङ्‌लेःतेः खेःतेःनाःया खेःतेःलया। खेःतेःल त खेःयाकायः ङी अरुकायः ल्‍युङ्‌ह्‌ती योसा खेःनाङी” त दाय्‍ह्‌ती व्‍हत्‌थातो

मत्ती 24:25

लौ इ कुरा स्‍याव्ओकोः ङ्‌हासैलेः ङाइ तोनेःनानाङ्‌स

लुका 21:13

ओउः बेलाहाङः ङाकोः पेओ कुरा नीङ्इ छ्यानःती तोसा दोःतेःनै।

युहना 1:15

ओउःकोः कुरा युहनाइ छ्यानःती तोलाङ् वाङ्आ “लौ लोने यात्‌चाक् ङासै गुल्‍ह्‌ती वाङ्‌नाः। ‘ओउःपाय् ङासै ताङ्‌ह्‌लेःनाः बा दोह् हायःती दाय्‍ह्‌सा ङा ओत्‌धाङ्‌माःखाहाङःसै ङ्‌हा ओउःपाय् मुओ खेःतो’ त दाय्‍ह्ओ अनम्‍ह् तोती मुङोतो ओउः ताङ्‌ह्ओचाक्‌पाय् द्याह् इलेः खेःजेःनाः बा” त दाय्‍ह्‌तो युहनाइ तोआकान्।

युहना 14:29

लौ इ कुरा स्‍याव्‌धाङ्‌माःखाहाङः तोनेःनाङ्‌स ओहाङःसैको लोने स्‍याव्आक्‌तीको नीङ्इ ङाकायः ङ्‌हाम्‌तेःनानाङ्‌स।

युहना 16:4

ओहाङःसैको ओउः पेमालो हायःतोक्‌हाङः ‘लौ एतलेः तोआतय्‍ही बा’ त नीङ्इ गीलसा थेङा ङाइ द्याह् तोनेःनाङ्‌स। ङ्‌हासै ङा नीङ्‌कुस् मुधाङ्ओ बेलाहाङः ओउः कुरा तोआक्‌नाङ्‌सल।

युहना 4:26

“लौ ङा नाङ्‌कुस् नोःओ चाक्‌पाय् ओउःलेः खेःनाङः बा” त दाय्‍ह्‌ती येसु त्‍याङ्‌लेःआ।

युहना 8:28

ओहाङःसैको “लौ ङा मान्‍ताकोः चोःकायःपाय् नीङ्इ त्‍यावःअ च्‍युन्आक्‌तीको ङाकायःपाय् ‘ओउः लेःआः बा’ त तय्‍ह्‌तेःनाङ्‌स। ङाइ लयःझुङ्आले दोह्‌मा हायःङल। दोह्‌लो ङाकोः आपाइ स्‍यान्‌चाःताङः ओउःलेः ह ङाइ थोल्‍ह्‌ती तोनाङः।

युहना 8:58

“दोङ्‌सी दाय्‍ह्‌भनाङ् आब्राहाम् ओत्‌धाङ्‌माःखाहाङः ङालेः ङ्‌हाकोः खेःनाङः बा” त दाय्‍ह्‌ती येसु दाय्‍ह्आ।