6 ह्र्यात्कायः योनःती तोउलु लयःकोः ल्हुङ् कुःरेव् खेःतो त झ्यान्ते तोआकान्। ओउःइ सबैकोः पैसाकोः थैलो लात्ओ खेःतो ओउः थैलोसै पैसा कुःझुङ्उतो ओउःत खेःओ मरीयम्कायः जान्आथै।
“लौ ‘ङाकोः मन्दीर्पाय् ङाकायः झाह्ती तोसा कीम्लेः स्याव्नाः’ त दाय्ह्ती परमेस्वर्इ तोओ कुरापाय् ओउःकोः आखरःहाङः लेखओआः बा। नीङ्खेइ इ मन्दीर्कायः कुःरेव् मान्ताकोः कीम्लो जाङ्ह्तेःआकानी बा” त दाय्ह्ती येसुइ जान्ती ल्होक्आथास।
अरु मोमःचोःपाय् योआना त तोओ ओउःकोः बुधा चुजा त तोओ हेरोद् राजाकोः दर्बाल्हाङः काम् जाङ्ह्ओ खेःतो। फेरी सुसानामा खेःतो। ओउःमयःइमा नाःतो अरु मोमःचोःलम्इमा येसु वाह्ती आल्ओ बेलाहाङः ओउःकायःमा ओउःकुस् वाह्ओमयःकायःमा जेःगा बयःती खाङ्ती दोह्ती स्यास्आथास।
ओउः भेदालम्पाय् लयःकोःलेः खेःल त झ्यान्ते ओउः ह्रामःओ नोकरी भेदालम्कायः दोह्मा म्हर्माःत लयः दल्साकायः ह क्रव्लेःनाः।
“लौ इ साती यात् हजार् रुपीया वीनःती ओउः पैसा ह्र्यात्लम्कायः बयःचाः खेःतो” त दाय्ह्ती यहुदस्इ जान्थातो
यहुदस्पाय् सबैकोः पैसा गम्ओ मान्ता खेःतो ओउःत झ्यान्ते “ ‘लौ ङीकायः जेःगा लेःलाङ् आल्अ’ त येसुइ तोओ यादो” त यात्नीस्चाक्इ म्हर्इतो अरुलम् “ ‘लौ ह्र्यात्लम्कायः पैसा बयःउ’ त ओउःइ तोओ” त म्हर्आकाय्।
कुःरेव् जेःरेव् ङोरेव् मान्तामा पेमालो जवती नोःओ मान्ता आन पैसा क्युती जेःओ मान्तामा ओउःमयः सबैलेः परमेस्वर्कोः राजीहाङः मुसा दोःइली।
एत ल्होक्ताङःचतो “ङीकःहाङः मुओ नाःतो नाःमालो ह्र्यात् मान्तालम् बयःसाकायः म्हेःमाःत बयःनु” त दाय्ह्ती तोआताङःच ओउःत हायःसा ङा आन ग्याओ खेःङोतो।
सबै पेमालोखे चल्ती वाय्नु।
नीङ् हुम्ती मुतोक्हाङः यात्चाक् पेओ नाय् लावओ सुन्कोः औथी दुप्ओ साहु मान्तामा अरु यात्चाक् नाय् नाःमालो ह्र्यात् मान्तामा वाङ्नाःच त खेःया
ओउः खाल्कोः मान्तालम्कायः परमेस्वर्खेइ पेतोलेः हायःउतो नीङ्खेइ ओउःमयःकायः मीतो योती झ्यान्ते पेमालोतेः हायःतेःनानी बा। फेरी साहुलम्इ नीङ्कोः पैसा जेःबत्तेःनै माःर। नीङ्कायः मुत्ध जाङ्ह्ती न्यादेस्कःताङ् लात्ती आलःतेःनै।