युहना 12:50 - चेपाङ

⁵⁰ फेरी ओउःइ बयःओ कुरा ङ्‌हाम्ओलम्इ रौ जीङः दोःनै बा एत ङाइ चीःनाङः ओउःत झ्‍यान्‍ते दोह् दोह् तोसा कुरा ङाकोः आपाइ बयःचाःताङः ओउःलेः ङाइ तोनाङः बा” त दाय्‍ह्‌ती येसु स्‍यान्‌ती तोआथास।

युहना 12:50 ပူးပေါင်းရင်းမြစ်များ

युहना 17:3

दोःआक्‌तीको ओउः जीङः दोःओलम्इ नाङ् दोङ् परमेस्‍वर्‌कायःमा नाङ्इ ल्‍होक्ओ येसु ख्रीस्‌कायःमा पेतो तय्‍ह्‌नानी।

युहना 20:31

दोह् दोह् इहाङः लेखती मुनाः “येसुपाय् ओउः वाङ्‌सा खेःओ ख्रीस् लेःआः परमेस्‍वर्‌कोः चोः” त छ्यानःती नीङ्‌कायः ङ्‌हाम्‌ताक्‌साकायः लेखओ मुनाः। ओहाङःसैको ङ्‌हाम्आक्‌तीको रौ जीङःतेः दोःतेःनै।

युहना 5:19

ओहाङःसैको “लौ दोङ्‌सीलेः तोनेःनाङ्‌स बा ओउः चोःपाय् लयःइलेः दोह्‌मा हायःसा खाय्उलु ओउःकोः परमेस्‍वर्‌ आपाइ जाङ्‌ह्ओ काम्‌पाय् ओउः ह च्‍यवःआक्‌तीको चोःइमा जाङ्‌ह्‌लेःनौ। गतलो ओउः आपाइ हायःचौ ओउःतलेः ओउःकोः चोःइमा हायःनौ।

युहना 6:63

“लौ रौ जीङः दोःताक्‌साकायः परमेस्‍वर्‌कोः ग्‍वालामःइ ह खाय्‌नौ। मान्‍ताखेइ लयःकःसै जीङः दोःताक्‌सा खाय्‌नीली। ङाइ स्‍यान्‌ती तोओ कुरापाय् मान्‍ताकोः कुरा खेःल परमेस्‍वर्‌कोः ग्‍वालामःकोः जीङः बयःसा कुरा लेःआः बा। ओउः कुरा तोनेःनाङ्‌सतो

युहना 6:68

“खेःल है अरु सुकःताङ् आल्‌चाङी र। नाङ्इ ह जीङः दोःताक्‌सा कुरा नोःतेःनाः।

युहना 8:28

ओहाङःसैको “लौ ङा मान्‍ताकोः चोःकायःपाय् नीङ्इ त्‍यावःअ च्‍युन्आक्‌तीको ङाकायःपाय् ‘ओउः लेःआः बा’ त तय्‍ह्‌तेःनाङ्‌स। ङाइ लयःझुङ्आले दोह्‌मा हायःङल। दोह्‌लो ङाकोः आपाइ स्‍यान्‌चाःताङः ओउःलेः ह ङाइ थोल्‍ह्‌ती तोनाङः।

१ तीमोथी 1:16

ओउःत झ्‍यान्‍ते प्रभुइ योनःती योती ङाच्‍युक् रेव्ओ मान्‍ताकायः येसु ख्रीस्इ आन काङ्‌तो हायःआताङः। ङाकायःपाय् ङ्‌हालेः ओउःकोः योनःती योओ काम् जाङ्‌ह्‌ती “लौ नीङ्‌मा ओउःलो लेखालेः दोःतेःनै” त अरु लोने ङ्‌हाम्‌ती रौ जीङः दोःओलम्‌कायः छ्यानःनाःथास।

१ युहना 2:25

ओहाङःसै ख्रीस्इलेः इत तोती गम्ओआः बा ङी गलमा द्युम्‌मालो रौ जीङः दोःनाःतय्‍ही।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।