युहना 12:47 - चेपाङ

⁴⁷ सुखेइ ङाइ तोओ कुरा सायःआक्‌तीको ङाकायः ङ्‌हाम्‌ताङःल ओउःकायः ङाखेइ न्‍युम्‍ह्‌ताक्‌ङल। ङापाय् सबै दल्‌ताक्‌साकायः ल्‍हाव्‍ह्‌दैबाङ्‌ताङ् वाङ्आलाङः तय्‌छनःती न्‍युम्‍ह्‌ताक्‌साकायः वाङ्‌ङल।

युहना 12:47 ပူးပေါင်းရင်းမြစ်များ

मत्ती 18:10

लौ इलो खेःओ हौलम्‌कः ब्‍लाय्‍क्‌लाम् दोङ्‌सीलेः ओउःमयःकायः स्‍यास्ओ लाङ्‌कासै ल्‍होक्ओमयः गलमा ङाकोः परमेस्‍वर्‌ आपाकुस् लाङ्‌काहाङः मुनै।

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

लुका 19:10

इतलेः परमेस्‍वर्‌कायः फेओ मान्‍तालम्‌कायः परमेस्‍वर्‌कःताङ् द्यान्‍ह्‌ताक्‌साकायः ङा मान्‍ताकोः चोः त तोओपाय् वाङ्ओ लेःआः बा” त दाय्‍ह्‌ती येसुइ तोआकान्।

लुका 9:56

इत तोआक्‌तीको अरु गाव्‌ताङ् आल्आकाय्।

युहना 12:48

ङाकायः ङ्‌हामालो मान्‍ताकायःमा ङाकोः कुरा सायःसा ग्‍यामालो मान्‍ताकायःमा ओउः लोनेः वाङ्‌सा दीन्‌हाङः ङाइ तोओ कुराखेइ ओउःमयःकायः गाल्‌तुम्‌ती तोनौ बा।

युहना 3:17

ल्‍हाव्‍ह्‌दैबाङ्‌कोः मान्‍तालम्‌कायः गाल्‌तुम्‌ती नोःसाखेकायः परमेस्‍वर्‌इ लयःकोः चोः ल्‍होक्ओ खेःबाय्‌ल मान्‍ता दल्‌ताक्‌साखेकायः परमेस्‍वर्‌इ चोः ल्‍होक्आथै।

युहना 5:45

नीङ्‌कायःपाय् ङाखेइ परमेस्‍वर्‌कःताङ् गाल्‌तुम्‌ती तोसा परङल नीङ्इ ङ्‌हाम्‌सा ग्‍याओ मोसा त तोओखे ओउःइलेः गाल्‌तुम्‌तीलेः तोतेःनै बा

युहना 8:26

नीङ्‌कायः ङाइ नाःतोलेः तोसामा खेःनाङः नाःतोलेः तय्‌छनःती योसामा खेःनाङः। ङाकायः ल्‍होक्ओइपाय् दोङ् कुरा ह तोती बयःलेःनौ। दोह् दोह् कुरा ङाइ ओउःकःसै सायःनाङः ओउः कुरालेः ङाइ सबै ल्‍हाव्‍ह्‌दैबाङ्‌हाङः मुओलम्‌कायः थोल्‍ह्‌ती तोनाङः” त येसुइ दाय्‍ह्‌ती ओउःकायः ल्‍होक्ओ परमेस्‍वर्‌ आपाकोः कुरा तोथासतो

२ पत्रुस् 3:15

नीङ्‌कायःपाय् “लौ इमयः सबै पेतो दल्‌तो स्‍याव्‌पै” त दाय्‍ह्‌ती ङीकोः प्रभु ल्‍युङ्‌ह्‌ती मुनाः रेन्‍ह्‌तोलेः वाङ्‌धाङ्‌ल। एतलेः ङीइ राप्ओ हौ पावुल्इ परमेस्‍वर्‌इ चीःताक्ओ कुरालेः लेखतेःआकाय्।

१ युहना 4:14

परमेस्‍वर्‌ आपाइ लयःकोः चोः सबैकायः दल्‌ताक्‌सा थेङा ल्‍हाव्‍ह्‌दैबाङ्‌ताङ् ल्‍होक्आकान्। ओउःत ङीइ च्‍यवःती झ्‍यान्‍ते थोल्‍ह्‌ती तोनाङःसु।