युहना 12:44 - चेपाङ

⁴⁴ ओहाङःसैको “लौ सुसुइ ङाकायः ङ्‌हाम्‌चानानी ओउःइ ङाकायः ल्‍होक्ओ आपाकायःमा ङ्‌हाम्‌नानी।

युहना 12:44 ပူးပေါင်းရင်းမြစ်များ

मत्ती 10:40

सुसुइ नीङ्‌कायः रोम्‌तेःनै ओउःइलेः ङाकायःमा रोम्‌नाःताङः। फेरी सुखेइ ङाकायः रोम्‌नाःताङः ओउःइलेः ङाकायः ल्‍होक्ओ आपाकायःमा रोम्‌नानी।

मर्‌कस् 9:23

“दोह् हायःतीतेः ‘नाङ्इ खाय्‌तेःनौ त खेःया’ ततेः तोतेःआची। सुसुइ ङाकायः ङ्‌हाम्‌नाःताङः ओउःकायः दोह् खेःयामा दोःनाः बा” त दाय्‍ह्‌ती येसु त्‍याङ्आ

मर्‌कस् 9:37

“लौ सुसुइ ङाकोः काम् जाङ्‌ह्‌साकायः इलो खेःओ मीओ हौलम्‌कायः रोम्‌ती त्‍याक्‌बत्‌नाःताङः ओउःइलेः ङाकायःमा रोम्‌नाःताङः। फेरी सुसुइ ङाकायः रोम्‌नाःताङः ङाकायः ह खेःल ङाकायः ल्‍होक्ओ परमेस्‍वर्‌ आपाकायःमा रोम्‌नानी” त दाय्‍ह्‌ती येसुइ स्‍यान्‌ती तोआथास।

युहना 11:43

“अ लाजरुस्‌य ग्‍ल्‍युङ्‌ह्अ दा” त सोतो दाय्‍ह्‌ती येसुइ गोत्उतो

युहना 13:20

दोङ्‌सीलेः सुखेइ ङाइ ल्‍होक्ओ चाक्‌कायः रोम्‌नाःथै ओउःइ ङाकायःमा रोम्‌नाःताङः। सुखेइ ङाकायः रोम्‌नाःताङः ओउःइ ङाकायः ल्‍होक्ओ आपाकायःमा रोम्‌नाःथै” त दाय्‍ह्‌ती येसुइ तोआथास।

युहना 5:24

दोङ्‌सी दाय्‍ह्‌भनाङ् सुसुइ ङाइ तोओ कुरा सायःती ङाकायः ल्‍होक्ओ आपाकायः पेतो ङ्‌हाम्‌नाःथै ओउःलेः गलमा द्योक्‌मालो जीङः दोःआनै बा। ओउःपाय् लयःकोः ङ्‌हा जाङ्‌ह्ओ रेव्ओ काम् जाङ्‌ह्‌झ्‍याङ्‌कायः न्‍युम्‍ह्‌माःत सीओहाङःसै उह्‌ती च्‍योक्आलेः स्‍याव्‌नै।

युहना 7:28

“दोङ्‌सीलेः ङाकायः नीङ्इ तय्‍ह्‌तीमा चीःतेःनेःनेःनाङ्‌स ङा गाःहाङःसै वाङ्ओमा चीःतेःनानी बा। ङापाय् लयः वाङ्ओलेः खेःल ङाकायः ल्‍होक्ओपाय् दोङ् परमेस्‍वर्‌ लेःआः बा। ओउःकायः नीङ्‌खेइ तय्‍ह्‌ती चीःतेःनीली

१ पत्रुस् 1:21

येसु ख्रीस् वाङ्‌ती झ्‍यान्‍ते ओउःकायः सीओसै उह्‌ती च्‍योक्‌ताक्ओमा ताङ्‌ह्‌ताक्ओ परमेस्‍वर्‌कायःलेः ङ्‌हाम्‌तेःनानी। ओउःत खेःओ नीङ् परमेस्‍वर्‌कायः ङ्‌हाम्‌ती चोङाय्‌तीलेः ल्‍युङ्‌ह्‌ती मुतेःनै।