युहना 12:37 - चेपाङ

³⁷ ओहाङःसै येसु ओउः हुम्ओ मान्‍ताकुस् मुतोक्‌हाङःपाय् नाःतो ग्‍याङ्‌ह्‌राय् जाङ्‌ह्‌थासतो ओउःमयःइ ओउःकायः ङ्‌हाम्‌थाल।

युहना 12:37 ပူးပေါင်းရင်းမြစ်များ

मत्ती 11:20

एत तोआक्‌तीको येसुइ खोराजीन् बेथ्‌सैदा र कफर्‌नाहुम् त तोओ सुम् सहर्‌हाङः मुओ मान्‍तालम्‌कायः जान्आकान् दोह् हायःती दाय्‍ह्‌सा ओउः सुम् सहर्‌हाङः येसुइ आन ताङ्‌ह्ओ ग्‍याङ्‌ह्‌राय्‌लम् जाङ्‌ह्ओ खेःतो ओहाङःकोः मान्‍तालम्इ लःलयःकोः रेव्ओ काम् फेमामाःत येसुकायः ङ्‌हाम्‌नीली।

लुका 16:31

‘खेःल ओउःमयः मोसाइ तोओ कुरामा परमेस्‍वर्‌कोः कुरा छ्यानःओमयःइ तोओमा सायःसा ग्‍याइली त खेःया सीओसै उह्‌ती च्‍योक्ओ मान्‍ताकोः कुरामा सायःसा ग्‍याइली’ त दाय्‍ह्‌ती आब्राहाम् त्‍याङ्आ”

युहना 1:11

फेरी लयःकोः मान्‍ताकःताङ् वाङ्‌तो ओउःमयःइ रोम्‌थाल।

युहना 11:42

नाङ्इ गलकायःमातेः सायःतेःआची। इ ङाकुस् मुओलम्‌कायः नाङ् परमेस्‍वर्‌ आपाकःसै ‘वाङ्ओआः’ त ङ्‌हाम्‌ताक्‌साकायः तोनेःनाङ् द्याह्” त येसुइ परमेस्‍वर्‌कायः दाय्‍ह्‌ती नोःती

युहना 12:36

ङाइ थोङ्‌ताक्ओ कुरा स्‍यान्‌तोक्‌हाङः ङाकायः ङ्‌हाम्‌नाङ्‌स ओहाङःसैको नीङ्‌मा थोङ्ओहाङः वाह्ओ मान्‍तालम् स्‍याव्‌तेःनै” त दाय्‍ह्‌ती येसुइ तोआथास। एत तोआक्‌तीको येसु आल्‌ती ओउःमयःइ चीःमालो थाव्‌हाङः वाङ्आकाय्।

युहना 12:38

ओउःतलेः परमेस्‍वर्‌कोः आखरःहाङःलेः लेखती मुनाः “लौ प्रभुय ङीइ तोओ कुरा सुइ ङ्‌हाम्‌ती सायःचानी र। नाङ्‌कोः ग्‍वम् सुइ च्‍यवःचानी” त दाय्‍ह्‌ती परमेस्‍वर्‌कोः कुरा छ्यानःओ एसायाइ लेखआकान् ओउःइ लेखओ द्याह् ताप्‌तोलेः स्‍याव्आ।

युहना 15:24

ओउःमयःकायः ङाइ अरुइ जाङ्‌ह्‌सा खाय्‌मालो ग्‍याङ्‌ह्‌राय्‌लम् छ्यानःआलाङःसु ओउः च्‍यवःआक्‌तीको ङाकःमा ङाकोः आपाकःमा अह्र्धै मुधाङ्‌नै ओउःत झ्‍यान्‍ते ओउःमयःकायः गाल्‌तुम्‌ती तोसा स्‍याव्‌नाः। ओउः ग्‍याङ्‌ह्‌राय्‌लम् छ्यानःआक्‌ङुसुलु त खेःया ओउःमयःकायः गाल्‌तुम्‌ती तोसा स्‍याव्‌ल।

युहना 2:11

एत हायःतोक्‌हाङः येसुइ ङ्‌हाकोः ग्‍याङ्‌ह्‌राय् जाङ्‌ह्आकान् गालील अन्‍चल्‌कोः काना त तोओ गाव्‌हाङः। ओहाङः ओउःकोः आन ताङ्‌ह्ओ ग्‍वम् छ्यानःआथास। छ्यानःआक्‌तीको येसुकुस् वाह्ओमयःइ ओउःकायः पेतो ङ्‌हाम्आथै।

युहना 6:2

ओउः तीः त्‍यात्‌ती आल्‌तोक्‌हाङः नाःतो मान्‍तालम्इ ओउःकायः गुल्‍ह्आथै। ओउःमयःइ येसुकोः स्‍याक्‌ताक्ओ ग्‍याङ्‌ह्‌राय् च्‍यवःती झ्‍यान्‍ते येसुकायः गुल्‍ह्‌ती वाङ्आकाय्।