युहना 12:36 - चेपाङ

³⁶ ङाइ थोङ्‌ताक्ओ कुरा स्‍यान्‌तोक्‌हाङः ङाकायः ङ्‌हाम्‌नाङ्‌स ओहाङःसैको नीङ्‌मा थोङ्ओहाङः वाह्ओ मान्‍तालम् स्‍याव्‌तेःनै” त दाय्‍ह्‌ती येसुइ तोआथास। एत तोआक्‌तीको येसु आल्‌ती ओउःमयःइ चीःमालो थाव्‌हाङः वाङ्आकाय्।

युहना 12:36 ပူးပေါင်းရင်းမြစ်များ

मत्ती 21:17

ओहाङःसैको एत तोआक्‌तीको येसु ग्‍ल्‍युङ्‌ह्‌ती सहर्‌सै आल्‌ती बेथानी गाव्‌ताङ् एनःलाङ् पाय्‍ह्आकाय्।

मत्ती 5:14

नीङ्‌पाय् इ ल्‍हाव्‍ह्‌दैबाङ्‌कायः थोङ्‌ताक्‌सा खेःतेःइतो। स्‍यालुङ्‌कोः च्‍योःहाङः मुओ सहर्‌कायः नुस्‌ती च्‍यवःताक्‌माःत गम्‌सा सुइमा खाय्‌नीली याह्‌दीङ्‌हाङः गलमा थोङ्‌लेःनाः। ओउःलो लेखा नीङ्‌पाय् सबैकायः थोङ्‌ताक्‌ती मुन।

लुका 16:8

इत चीःआक्‌तीको ओउः नोकरीकोः मालीक्‌पाय् ‘ए नाङ् लयःकायः काम् जाङ्‌ह्‌सा आनतेः चीःतेःनौ रैस’ त दाय्‍ह्‌ती नोकरीकायः तोनाःथै। दोङ्‌सीलेः तेन्‌छ्याङ्‌कोः ल्‍हाव्‍ह्‌दैबाङ्‌कोः मान्‍तालम्‌पाय् ङाकोः मान्‍तालम्‌सै लयःकायः काम् जाङ्‌ह्‌सा आनलेः चीःनानी बा।

युहना 1:7

युहना त तोओपाय् मान्‍ताकोः ल्‍हुङ् थोङ्‌ताक्ओ कुरा छ्यानःती तोलाङ् वाङ्आ। “इ कुरा सबैइ सायःआक्‌तीको ङ्‌हाम्‌पानी” त दाय्‍ह्‌ती तोसाकायः परमेस्‍वर्‌इ युहनाकायः ल्‍होक्आथै।

युहना 11:54

“ङाकायः सात्‌सा बोङःनाःताङः” त येसुइ चीःती यहुदीकोः देस्‌हाङः फुती वाह्‌सा ग्‍याल अरु मान्‍ता याक्‌गार्‌सीःमालो थाव् द्याङ्‌तो वाङ्‌ती इफ्राइम् त तोओ सहर्‌हाङः लयः वाह्ओमयःकुस् मुआकाय्।

युहना 12:37

ओहाङःसै येसु ओउः हुम्ओ मान्‍ताकुस् मुतोक्‌हाङःपाय् नाःतो ग्‍याङ्‌ह्‌राय् जाङ्‌ह्‌थासतो ओउःमयःइ ओउःकायः ङ्‌हाम्‌थाल।

युहना 12:46

ङापाय् सबै थोङ्‌ताक्‌साकायः इ ल्‍हाव्‍ह्‌दैबाङ्‌ताङ् वाङ्ओआः ङ। ओहाङःसैको सुसुइ ङाकायः ङ्‌हाम्‌चानानी ओउःलेः च्‍याक्ओहाङः मुइली।

युहना 3:21

दोङ् पेतो जाङ्‌ह्ओमयःखे थोङ्ओकःताङ् वाङ्‌नै। परमेस्‍वर्‌कोः पेओ काम् जाङ्‌ह्‌ती झ्‍यान्‍ते ओउः काम् फुतीलेः छ्यानःसा ग्‍यानै।

युहना 8:12

ओहाङःसैको येसुइ फेरी मन्‍दीर्‌हाङः हुम्ओ मान्‍तालम्‌कायः स्‍यान्‌ती तोआथास “लौ इ ल्‍हाव्‍ह्‌दैबाङ् थोङ्‌ताक्ओपाय् ङा लेःआः बा। सुसु ङाकुस् वाह्‌नै ओउःलेः च्‍याक्ओहाङः गलमा वाह्इली थोङ्ओहाङः रौ जीङः दोःती वाह्‌नै” त दाय्‍ह्‌ती येसु दाय्‍ह्आ।

युहना 8:59

ओहाङःसै एत सायःआक्‌तीको ओउः यहुदीलम्इ बाङ् रोत्‌ती येसुकायः आप्‌सा बोङःनीतो ओउःमयःकायः ल्‍हेत्‌ती येसु मन्‍दीर्‌सै ग्‍ल्‍युङ्‌ह्‌ती ज्‍याल्आ।

एफेसस् 5:8

नीङ्‌पाय् ङ्‌हाखे च्‍याक्ओ ल्‍हुङ्‌लेः नाःती वाह्ओ खेःतेःइतो द्याह्‌खे प्रभुइ बयःओ थोङ्ओ ल्‍हुङ्‌लेः दोःती वाह्‌तेःनै।

१ थेसलोनिकि 5:5

ङीपाय् थोङ्ओ न्‍हीदीङ्‌हाङः वाह्ओ मान्‍तालम्‌खे खेःनाःतय्‍ही च्‍याक्ओ याह्‌दीङ्‌हाङः वाह्ओलम्‌खे खेःतय्‍हीली।

१ थेसलोनिकि 5:8

ङी न्‍हीदीङ्‌कोः मान्‍तालम्‌खे ल्‍हुङ् म्र्यातो स्‍याव्‌ती राप्ओ ङ्‌हाम्ओ ल्‍हुङ् दोःती “लौ ङी पेतो दल्‌नाःतय्‍ही” त म्‍हर्‌ती चोङाय्‌तीलेः ल्‍युङ्‌ह्‌ती मुन।