युहना 12:29 - चेपाङ

²⁹ ओउः लाङ्‌कासै वाङ्ओ हाव्‌नयः सायःती “लौ न्‍याम् मुक्‌नाः बा” त यात्‌नीस्‌चाक् दाय्‍ह्‌ती नोःइतो “खेःल परमेस्‍वर्‌कोः ल्‍होक्ओमयःइ ओउःकायः तोआथै” त दाय्‍ह्‌ती अरु नोःआकाय्।

युहना 12:29 ပူးပေါင်းရင်းမြစ်များ

खबरदुत 9:7

एत तोतोक्‌हाङः सावुल्‌कुस् वाह्ओ साथीलम्‌खेइ ओउः हाव्‌नयः सायःनीतो नोःओ मान्‍ता सुकायःमा च्‍यवःमाःत झ्‍यान्‍ते आन ग्‍याङ्‌ह्आकाय्।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 14:2

ओहाङःसैको लाङ्‌कासै वाङ्ओ हाव्‌नयः सायःआलाङः। ओउः हाव्‌नयःपाय् क्‍लोनःती ल्‍हक्अर्‌ओ तीःलो लेखालेः खेःमाःतो सोतो न्‍याम् मुक्ओलो लेखामा खेःतो। वरनी प्रय्‍ह्ओ मान्‍तालम्‌कोः हाव्‌नयःलो लेखामा खेःतो।

प्रकाश 6:1

ओहाङःसैको ङा योतोक्‌हाङः ओउः भेदाकोः चोः त तोओइ ओउः सात्‌गोता छाप्‌कोःपाय् यातैज्‍योः ङ्‌हाकोः छाप् तेत्आकान्। छाप् तेत्आक्‌तीको यात्‌ज्‍योः जीङः नाःओमयःइपाय् सोतो मुक्ओ हाव्‌नयःइलेः “वाङ्अ” त दाय्‍ह्‌ती तोआकान्।

प्रकाश 8:5

धुप् ल्‍हाआक्‌तीको ओउः ल्‍होक्ओमयःइ ओउः धुप् लात्‌सा तेव्‌केरा रोत्‌ती ओउः तेव्‌केराहाङः बेदीकोः म्‍हेः ब्‍लीङ्‌तोलेः काआकान्। म्‍हेः काआक्‌तीको ओउःइ ल्‍हाव्‍ह्‌दैबाङ्‌ताङ् तेव्‌केरा क्‍लाःआकान्। क्‍लाःआक्‌तीको न्‍याम् मुक्ओमा प्‍लीङ्‌ह्ओमा ल्‍याङ् वाङ्‌माआ।