युहना 12:26 - चेपाङ

²⁶ सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

युहना 12:26 ပူးပေါင်းရင်းမြစ်များ

मत्ती 16:24

ओउःत जान्‌ती तोआक्‌तीको “सुसु ङाकुस् वाह्‌सा म्‍हर्‌नै ओउःलेः लयः झाक्ओ कुरा म्‍हयःसती ङाकुस् वाह्‌सा थेङा लीह्‌सीःओ गोरःसामा सीसामा ग्‍याती मुसा खेःतो।

मत्ती 25:21

पाय्‍क्आक्‌तीको ‘लौ आन पेतोतेः हायःजेःतेःआकान् रैस। इ मीओ काम्‌पाय् नाङ्इ पेतोलेः हायःतेःआकान् त झ्‍यान्‍ते ङाइ अरु ताङ्‌ह्ओ काम् बयःनेःनाङ् लौ ङाकुस् चोङाय्‌ती मुअ’ त दाय्‍ह्‌ती ओउःकोः मालीक् दाय्‍ह्आ।

मर्‌कस् 8:34

ओउःत जान्‌ती तोआक्‌तीको येसुइ लयःकुस् वाह्ओमयःकायःमा अरु हुम्‌ती मुओ मान्‍तालम्‌कायःमा ओउःकःताङ् स्‍यान्‌लाङ् गोत्आकान् “लौ सुसु ङाकुस् वाह्‌सा म्‍हर्‌नै ओउःलेः लयः झाक्ओ कुरा म्‍हयःसती ङाकुस् वाह्‌सा थेङा लीह्‌सीःओ गोरःसामा सीसापाय् सीच्‍युक्‌लेः ग्‍याती मुसा खेःतो।

लुका 12:37

सुसु मान्‍तालम् प्रभु वाङ्‌तोक्‌हाङःपाय् चीङ्‌ती र्‍ययःती मुलेःनै ओउःमयःलेः चोङाय्‌तो स्‍याव्‌लेःनै। दोङ्‌सी दाय्‍ह्‌भनाङ् ओउः मान्‍तालम्‌कायः ओउः प्रभुइ लयःलेः चीङ्‌ती जेःगा जेःसाकायः दोल्‌कावःआथास।

लुका 6:46

दोह् हायःतीतेः ङाकायः ‘प्रभुय’ ततेः तोतेःनेःनानाङ्‌सतो ङाइ तोओ कुरातेः जाङ्‌ह्‌तेःनीली।

लुका 9:23

“लौ सुसुपाय् ङाकुस् वाह्‌सा झाक्‌नै ओउःलेः दीन्‌का दीन् लयःकोः कुरा म्‍हयःसती ङाकुस् वाह्‌सा थेङा लीह्‌सीःओ गोरःसामा सीसा सीमाच्‍युक्‌लेः ग्‍याती मुसा खेःतो।

युहना 10:27

ङाकोःमयःइ भेदालो लेखालेः ङाकोः हाव्‌नयः सायःती ङाकायः गुल्‍ह्‌नाःताङः।

युहना 13:16

दोङ्‌सी दाय्‍ह्‌भनाङ् ओउःकोः मालीक्‌सै नोकरी ताङ्‌ह्ओ खेःबाय्‌ल फेरी ओउःकायः ल्‍होक्ओचाक्‌सै समचार्‌ वानःओ मान्‍ताखे ताङ्‌ह्ओमा खेःलेःल।

युहना 14:15

नीङ्इ ङाकायः राप्‌तेःनानाङ्‌स त खेःया ङाइ तोओ कुरा ग्‍याती जाङ्‌ह्‌नु दा।

युहना 14:3

लौ नीङ्‌कायः थेङा ङाइ थाव् जाङ्‌ह्‌ती गम्‌लाङ् आल्‌नाङः। आल्आक्‌तीको ङा नीङ्‌कायः रोम्‌लाङ् फेरी द्यान्‍ह्‌ती वाङ्‌नाङः। रोम्आक्‌तीको ङा गाःताङ् मुचाङः नीङ्‌मा ओहाङः मुसा दोःतेःनै।

युहना 15:20

ङाइ ङ्‌हा तोओलेः गीलतेःनानी। मालीक्‌सै नोकरी ताङ्‌ह्ओ खेःल ओउःत झ्‍यान्‍ते ङाकायःपाय् मान्‍तालम्इ लीह्‌सीःओ बयःनाःताङः त खेःया नीङ्‌कायःमा ओउःतलेः लीह्‌सीःओ बयःतेःनै। फेरी ङाकोः तोओ कुरा ओउःमयः ग्‍यानै त खेःया नीङ्‌कोः कुराकः ग्‍यानै।

युहना 17:24

लौ आपाय ङाकायः बयःओ मान्‍तालम्‌पाय् ‘ङाकुस् मुपै’ त ङा झाक्‌ती तेनाङः ओहाङःसै नाङ्इ ङाकायः ताङ्‌ह्‌ताक्ओहाङः ओउःमयःइ च्‍यवःसा खाय्‌नानी। ल्‍हाव्‍ह्‌दैबाङ्‌कोः जाङ्‌ह्‌धाङ्‌माःखाहाङःसै नाङ्इ राप्‌तेःआची ओउःत हायःतीतेः ङाकायः ताङ्‌ह्‌तेःताक्‌नाःची।

युहना 21:22

“लौ ङा वाङ्‌धाङ्‌माःखा च्‍युक्‌कायःलेः ‘ओउः तुतो स्‍याक्‌पाः’ त ङा झाक्‌चाङः त खेःया ओउःपाय् नाङ्‌कायः दोह्‌मा दयःतेःल। नाङ् ङाकुस् वाह्अ दा” त दाय्‍ह्‌ती येसु त्‍याङ्आ।

रोमी 1:1

इ चेती ङा पावुल् त तोओ येसु ख्रीस्‌कोः काम् जाङ्‌ह्ओ मान्‍ताइ लेखती ल्‍होक्‌नेःनाङ्‌स। ङाकायःपाय् परमेस्‍वर्‌इ गोत्‌ती ओउःकोः पेओ समचार्‌ थोल्‍ह्‌ती तोसाकायः छ्युङ्‌ह्‌ती ल्‍होक्आताङः।

रोमी 14:18

सुसुइ एत चीःती ख्रीस्‌कोः काम् जाङ्‌ह्‌नानी ओउःइलेः परमेस्‍वर्‌कायः म्रोताक्‌नानी आने ओउः मान्‍ताकायःपाय् अरु मान्‍ताइमा पेतोलेः लुङ्‌ती नोःनाःथास।

२ कोरीन्‍थी 4:5

ङीइ थोल्‍ह्‌ती तोओपाय् लयःकायः ताङ्‌ह्‌ताक्‌ती तोओलेः खेःङीसीली ओउःपाय् खेःल “येसु ख्रीस्‌पाय् ङीकोः प्रभु लेःआः” तमा थोल्‍ह्‌ती तोमानाङःसु। फेरी “येसुकोः काम् जाङ्‌ह्‌साकायः नीङ्‌कोः नोकरीपाय् ङी लेःआः” तमा तोमानाङःसु।

२ कोरीन्‍थी 5:8

माः रैस ङी ल्‍हुङ् घ्‍युम्‌माःत धोमाय्‌तो मुनाङी। इहाङःकोः आङ् फेसा झाक्‌ती ङी प्रभुकुस् न्‍हाङ्‌तोलेः मुसा छ्युप्‌नाङःसु

गालाती 1:10

ङाइ एत तोती मान्‍ताकायः म्रोताक्‌सा बोङःङल परमेस्‍वर्‌कायः ह म्रोताक्‌सा बोङःनाङः दोह् हायःती दाय्‍ह्‌सा मान्‍ताकायः म्रोताक्‌सा बोङःधाङ्‌चानाङः त खेःया ख्रीस्‌कोः काम् पेतो जाङ्‌ह्‌सा खाय्‌ङल।

फीलीपी 1:23

सीसाया स्‍याक्‌साया गाव् पेनाः त चीःङल। इ ल्‍हाव्‍ह्‌दैबाङ् फेती ख्रीस्‌कुस् मुसा आन झाक्‌नाङः ओउःत हायःओपाय् न्‍हाङ्‌तोलेः पेनाः।

कोलसी 3:24

प्रभु ख्रीस्‌कायः जाङ्‌ह्‌ती झ्‍यान्‍ते ओउःइपाय् ङ्‌हाम्ओलम्‌कायः सेती गम्ओ जाङ्‌ह्‌झ्‍याङ्‌कोः लोनेः पेतो बयःतेःनै एत नीङ्इ चीःसा खेःतो।

कोलसी 4:12

नीङ्‌कःसै वाङ्ओ एपाफ्रास्इमा नमस्‍ते ल्‍होक्‌तेःनै। ओउःइ ख्रीस्‌कोः काम् आन जाङ्‌ह्‌नौ नीङ्‌कायः परमेस्‍वर्‌कः आन ग्‍याती तेती तोभनाङ् मुलेःनाः। “ओउःमयःइ नाङ् झाक्ओ काम् जाङ्‌ह्‌ती जुगाङ् पेतो ङ्‌हाम्‌ती ल्‍हुङ् चोक्‌तो ग्रमःत मुपनै” त नीङ्‌कायः दाय्‍ह्‌ती परमेस्‍वर्‌कः तेती तोझुङ्‌नौ।

२ पत्रुस् 1:1

ङा सीमोन् पत्रुस् त तोओ येसु ख्रीस्इ छ्युङ्‌ह्‌ती ल्‍होक्ओ नोकरीइपाय् इ चेती सबै ङीलो लेखा पेतो ङ्‌हाम्ओलम्‌कायः लेखती ल्‍होक्‌नेःनाङ्‌स। एत अरुसै जुगाङ् दोःमालो ङ्‌हाम्ओ ल्‍हुङ्‌पाय् ङीकोः ओजायः जय्‌कुमःओ परमेस्‍वर्‌इमा ङीकायः दल्‌ताक्ओ येसु ख्रीस्इमा आन पेतो हायःती दोःताक्आतय्‍ही

१ युहना 5:3

ङीइ परमेस्‍वर्‌इ तोओ कुरा सायःती जाङ्‌ह्‌धार्‌नालेः ओउःकायः राप्‌नाःतय्‍ह्‌नी। फेरी ओउःइ तोओ कुरा जाङ्‌ह्‌सापाय् चाक्‌तो खेःल

यहुदा 1:1

ङा याकुब्‌कोः हौमा येसु ख्रीस्‌कोः काम् जाङ्‌ह्ओ नोकरी यहुदाइ इ चेतीलेः परमेस्‍वर्‌इ राप्‌ती छीङ्‌ह्ओ येसु ख्रीस्इ स्‍यास्‌ती गम्ओ मान्‍तालम्‌कायः लेखती ल्‍होक्‌नेःनाङ्‌स।

प्रकाश 14:4

ओउःमयःपाय् मोमःचोःकुस् गलमा एनःइली छय्‍ङ्‌तोलेः खेःइतो। गाःहाङःलो ओउः भेदाकोः चोःपाय् आल्‌चाः ओहाङःलेः ओउःमयःमा ओउःकायः गुल्‍ह्‌लाङ् आल्‌नै। मान्‍तालम्‌कःसै ल्‍हाङ्‌ती ओउःमयःपाय् सायःकोः आव्‌काल् नीव्‌काल्‌लो लेखालेः परमेस्‍वर्‌कायःमा ओउः भेदाकोः चोःकायःमा ल्‍हाओ खेःतो।