युहना 11:41 - चेपाङ41 ओउः बोमःती गम्ओ बाङ् ल्होक्आकानी। बाङ् ल्होक्आक्तीको येसु लाङ्काताङ् त्याव्ती “लौ आपाय ङाइ तेती तोओ कुरा नाङ्इ ग्याती सायःतेःनाःची ओउःत खेःओ ङाइ ‘च्युता’ त तोनेःनाङ्। အခန်းကိုကြည့်ပါ။ |
युहना 11:41
14 ပူးပေါင်းရင်းမြစ်များ
ओहाङःसैको येसुकोः म्हाङ् दोःआक्तीको युसेफ्इ पेओ पाम्ह्सा नाय् लेःती ओउःकोः म्हाङ् सीङःसै क्लाःती नाय्इ खुप्आकान्। खुप्आक्तीको येसुकोः म्हाङ्कायः युसेफ्इ लात्ती आलःती चेनःबाङ्हाङः व्हह्र्ती द्यावःओ ल्युमःपुक् घाङ्हाङः काती गम्आकान्। काती गम्आक्तीको ल्होप्ओ बाङ् तुलुती ओउः घाङ् बोमःआकान्।
ओउःत तोतोक् बेलाहाङःपाय् येसुकायः परमेस्वर्कोः ग्वालामःइ दोःती आन चोङाय्ताक्आथै। येसुपाय् एत चोङाय्तो स्याव्ती “लौ परमेस्वर् आपाय नाङ्पाय् ल्हाव्ह्दैबाङ् फेल्बाङ्कोः राजा लेःतेःआः ङाकोः कुरापाय् नाङ्इ व्हाय्ती चीःओ मान्तालम्खेकायः छ्यान्ह्माःत इ मीओ व्हाय्आक्मालो मान्तालम्खेकायः ह छ्यान्ह्तेःआकान् ओउःत हायःओपाय् नाङ्कोः लयः झाक्ओ कुरा लेःआः बा। ओउःत झ्यान्ते नाङ्कायः ङाइ आन ‘च्युता’ त लुङ्तीलेः तोनेःनाङ्।
ओउः जीमदार्खेपाय् लोक्तो मुओ थाव्हाङः चीङ्ती लाङ्काताङ् त्याव्ती योसा रास्ती झ्यान्ते कय्क् क्लय्ह्ती मुआ। ‘अ परमेस्वर्य ङापाय् आन रेव्तो हायःओ मान्ता लेःआः ङ। ङाकायः योनःती योती ङाकोः रेव्झ्याङ्कोः क्युम्ह्ती वाय्बत्चाक्ची दै’ त दाय्ह्ती परमेस्वर्कायः तेतीलेः तोआकान्।
ကြော်ငြာတွေ