युहना 11:3 - चेपाङ

³ ओउःनीस्‌कोः पुःपाय् क्‍लोःतोलेः जीक्‌नाः त खेःया येसुकः काःहाल्‌लाङ् ल्‍होक्आथै “लौ प्रभुय नाङ्इ राप्ओ मान्‍तापाय् आन क्‍लोःतो जीक्आ” त दाय्‍ह्‌ती कुरा ल्‍होक्आथै।

युहना 11:3 ပူးပေါင်းရင်းမြစ်များ

लुका 7:13

ओहाङःसैको ओउः सीओ चोःकोः आमाकायः येसुइ च्‍यवःती योनःआथै। “ताः र्‍याःल” त दाय्‍ह्‌ती येसुपाय् ओउः सीओ मान्‍ताकोः म्‍हाङ्‌कःताङ् वाङ्आ।

युहना 11:1

ओहाङःसैको बेथानी त तोओ गाव्‌हाङः यात्‌चाक् लाजरुस् त तोओ जीक्‌ती मुओलेः खेःतो। ओउःकोः हौद्याङ्‌नीस् मरीयम् त तोओमा मार्‌था त तोओमा बेथानी गाव्‌हाङः याक्ओ खेःचतो।

युहना 11:11

“लौ ङीकोः साथी लाजरुस् त तोओपाय् एनःतीलेः मुनाः ङा ओउःकायः म्र्याताक्‌लाङ् आल्‌नाङः” तमा येसु दाय्‍ह्‌ती तोथासतो

युहना 11:2

ओउः मरीयम्‌खेइ यात् बेलाहाङः येसुकायः पेओ सातीइ ल्‍यानःती ओउःकोः लयःकोः म्‍याङ्इ येसुकोः दोम् थ्‍युर्‌आकान्।

युहना 11:21

ओहाङःसै येसुकायः क्रुस्‌ती “लौ प्रभुय नाङ् ङ्‌हा दाह्आ त खेःया ङाकोः पुःपाय् सीजेःआक्‌ल खेःतो

युहना 11:36

येसु र्‍याःओ च्‍यवःती “लौ योउ दा। ओउःकायः गुच्‍युक् राप्उतो” त दाय्‍ह्‌ती नोःकाय्इतो “ओउःइपाय् मीक् लोक्ओखेकायः स्‍याक्‌ताक्ओआः ओउःत झ्‍यान्‍ते लाजरुस्‌कायःमा सेलः स्‍याव्‌ताक्‌सा खाय्ओ खेःतो यादो” त यात्‌नीस् दाय्‍ह्‌ती दाय्‍ह्आकाय्।

युहना 11:5

येसुइ मार्‌थामा ओउःकोः हौद्याङ् मरीयम्‌मा ओउःनीस्‌कोः पुः लाजरुस्‌कायःमा आन राप्‌थासतो

युहना 13:13

ङाकायःपाय् गुरु तमा तोतेःनानाङ्‌स प्रभु तमा तोतेःनानाङ्‌स ओउःत तोसापाय् स्‍याव्‌लेःनाः नीङ्‌कोः गुरुमा प्रभुमा खेःलेःआनाङः।

युहना 13:23

ओहाङःसैको यात्‌चाक् येसुइ आन राप्ओ मान्‍ता येसुकुस् द्याङ्‌काय्‌तो मुओ

२ तीमोथी 4:20

एरास्‍तस् कोरीन्‍थ सहर्‌हाङः मुआ। त्रोफीमस् जीक्‌ती मुती झ्‍यान्‍ते ओउःकायः ङाइ मीलेतस् सहर्‌हाङः एङ्‌ती मुसाकायः फेआलाङः।

प्रकाश 3:19

ङाइ राप्ओलम्‌कायः स्‍यान्‌सा थेङा जान्‌मालेःनाङः न्‍युम्‍ह्‌ताक्‌मालेःनाङः ओउःत झ्‍यान्‍ते ल्‍हुङ् द्यान्‍ह्‌ती ङाकोः काम् जुगाङ् म्‍ह्याङ्‌तोलेः जाङ्‌ह्उ।