युहना 11:25 - चेपाङ

²⁵ “लौ सीओकायः च्‍योक्‌ताक्‌सामा रौ जीङः बयःसामा ङालेः खेःनाङः बा।

युहना 11:25 ပူးပေါင်းရင်းမြစ်များ

लुका 23:43

इत तोआक्‌तीको “लौ दोङ्‌सीलेः तोनेःनाङ् बा। नाङ्‌पाय् तेन्‌लेः ङाकुस् लाङ्‌काहाङः मुतेःनाः” त दाय्‍ह्‌ती येसुइ तोआथै।

युहना 1:4

फेरी ओउः नोःराय्‌पाय् जीङः दोःताक्ओचाक् खेःतो। जीङः दोःआक्‌तीको मान्‍तालम् ल्‍हुङ् थोङ्‌तो वाह्‌सा खाय्‌नानी।

युहना 14:19

अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

युहना 3:16

परमेस्‍वर्‌इ ल्‍हाव्‍ह्‌दैबाङ्‌कोः मान्‍ताकायः आन पेतो राप्‌नौ बा ओहाङःसैको ओउःमयःकायः इच्‍युक् राप्‌ती झ्‍यान्‍ते लयःकोः ल्‍हुङ्‌गोरे चोः ल्‍होक्‌ती ल्‍हाआकान्। लयःकोः चोः ल्‍हाआक्‌तीको सुसुइ ओउःकायः ङ्‌हाम्‌नानी ओउःखेलेः अरुलो लेखा ह्र्योक्‌ती वाय्‌तो स्‍याव्‌माःत गलमा द्योक्‌मालो रौ जीङः दोःनै।

युहना 3:36

ओहाङःसैको परमेस्‍वर्‌कोः चोःकायः ङ्‌हाम्ओलम्‌खे गलमा वाय्‌मालो गलमा द्योक्‌मालो रौ जीङः दोःनै। सुसुइ ओउः चोःकायः ङ्‌हाम्‌नीली ओउःखे जीङः दोःबाय्इली ओउःकायः परमेस्‍वर्‌इ म्‍हर्‌ताक्‌माःत गलकायःमा न्‍युम्‍ह्‌ताक्‌नाःथास” त दाय्‍ह्‌ती तोआकान्।

युहना 5:21

आपाइ सीओलम्‌कायः उह्‌ती च्‍योक्‌ताक्‌सा खाय्‌नौ ओउःतलेः ओउःकोः चोःइमा लयः झाक्ओ जाङ्‌ह्‌ती सीओलम्‌कायः च्‍योक्‌ताक्‌लेःनौ।

युहना 5:26

आपापाय् जीङःकोः सीलाङ् लेःआः बा ओउःत झ्‍यान्‍ते चोःकायःमा ओउःतलेः जीङः दोःताक्‌सा ग्‍वम्‌लेः बयःआकान्।

युहना 6:35

“लौ ओउः जीङः दोःताक्‌सा जेःगापाय् ङा लेःआः बा। सुसु ङाकःताङ् वाङ्‌चै ओउःलेः लोनेः गलमा योङ्‌क्राय्‌ल। सुसुइ ङाकायः ङ्‌हाम्‌नानी ओउःलेः लोनेः गलमा अप्‌ल” त दाय्‍ह्‌ती येसुइ स्‍यान्आथास।

युहना 6:44

ङाकोः आपाइ ल्‍हुङ् द्यान्‍ह्‌ताक्‌माःत सुमा ङाकःताङ् वाङ्इली। ओहाङःसैको वाङ्ओलम्‌कायः ओउः ल्‍हाव्‍ह्‌दैबाङ् पुत्ओ दीन्‌हाङः ङाइ उह्‌ती च्‍योक्‌ताक्‌नाङःसु।

खबरदुत 3:15

नीङ्‌खेइ ओउः स्‍याक्‌ताक्‌सा चीःओ मान्‍ताकायः सात्‌तेःनीतो सात्आक्‌तीको परमेस्‍वर्‌खेइ ओउः येसुकायः उह्‌ती च्‍याक्‌ताक्आथै। ओहाङःसैको येसु सात्ओमा उह्‌ती च्‍योक्‌ताक्ओमा च्‍यवःओ मान्‍तालम्‌पाय् ङीलेः मुनाङी।

रोमी 4:17

“लौ नाःतो जात्‌कोः तोकानः ङाइ स्‍याव्‌ताक्‌नेःनाङ्” त दाय्‍ह्‌ती परमेस्‍वर्‌इ दाय्‍ह्ओ ओउःकोः आखरःहाङः लेखती मुनाः। ओउःइ ङ्‌हाम्ओ परमेस्‍वर्‌कोः मीक्‌हाङः आब्राहाम्‌पाय् ङीकोः तोकानःलो लेखा स्‍याव्‌नाः। इ परमेस्‍वर्‌इपाय् सीओलम्‌कायः उह्‌ती च्‍योक्‌ताक्‌मानौ नाःसा नाःमालो थोक्‌लम्‌पाय् ओउःकोः तोधार्‌नालेः जाङ्‌ह्‌ताक्‌मानौ।

रोमी 8:2

दोह् हायःती दाय्‍ह्‌सा परमेस्‍वर्‌कोः ग्‍वालामःसै वाङ्ओ जीङः बयःसा ऐन्इलेः ङाकायः ख्रीस्‌कुस् वाह्‌ताक्‌ती ओउः रेव्ओ काम् छ्यानःओ सीताक्‌सा खेःओ आय् ऐन्‌सै बेन्‌ताक्आताङः।

१ कोरीन्‍थी 15:18

फेरी ओउः सीती मुओ ख्रीस्‌कायः ङ्‌हाम्ओलम् जुगाङ् वाय्‌तोलेः मुनै।

१ कोरीन्‍थी 15:29

फेरी मान्‍तालम्इ अरु सीओ मान्‍ताकायः बाप्‍तीस्‍मा त्‍याक्‌नानी। सीओलम् उह्‌ती च्‍योक्इली त खेःया ओउःमयः दोह् हायःती एतलेः बाप्‍तीस्‍मा त्‍याक्‌नानी।

२ कोरीन्‍थी 4:14

येसु सीआक्‌तीको परमेस्‍वर्‌इ ओउःकायः उह्‌ती च्‍योक्‌ताक्आथै ओउःतलेः परमेस्‍वर्‌इ ङीकायःमा येसुकुस्इ च्‍योक्‌ताक्‌ती नीङ्‌कुस्‌मा परमेस्‍वर्‌कःताङ् आलःनाःतय्‍ही।

फीलीपी 1:23

सीसाया स्‍याक्‌साया गाव् पेनाः त चीःङल। इ ल्‍हाव्‍ह्‌दैबाङ् फेती ख्रीस्‌कुस् मुसा आन झाक्‌नाङः ओउःत हायःओपाय् न्‍हाङ्‌तोलेः पेनाः।

फीलीपी 3:10

ओहाङःसैको द्याह् ङाइ ख्रीस्‌कोः ल्‍हुङ्‌तुक् चीःसामा झाक्‌नाङः ओउःकोः उह्‌ताक्‌सा ग्‍वम् लयःकायः धेःती ओउःकुस् लीह्‌सीःओ गोरःती ओउःलो लेखा सीसामा झाक्‌नाङः अरु दोह्‌मा झाक्‌ङल।

१ थेसलोनिकि 4:14

ङीखेइ “येसु ख्रीस् सीआक्‌तीको लोने उह्‌ती च्‍योक्ओ” त दाय्‍ह्ओ ङ्‌हाम्‌नाःतय्‍ह्‌नी ओउःत खेःओ सीतो मुओ येसुकायः ङ्‌हाम्ओलम्इमा लोने येसुकुस् वाङ्‌सा परमेस्‍वर्‌इ दोःताक्‌नाःथास।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 20:5

ओउः बेलाहाङःपाय् ओउः ङ्‌हाकोः उह्‌ती च्‍योक्ओ बेलाहाङः लेःआः। अरु सीती मुओलम्‌खे ओउः हजार्‌ बर्‌स पुत्आक्‌तीको सेलः स्‍याव्आकाय्।

प्रकाश 21:4

सबै क्रेस्‌ती र्‍याःओलम्‌कोः मीक्‌क्‍लीः परमेस्‍वर्‌इ जुगाङ् थ्‍युर्‌ती वाय्‌नाःथास। सीओमा क्रेस्‌ती र्‍याःओमा जीक्ओमा द्याह्‌पाय् नाःल दोह् हायःती दाय्‍ह्‌सा ङ्‌हाकोः कुरापाय् सबै म्‍हीत्‌लेःआ” त दाय्‍ह्‌ती दाय्‍ह्ओ खेःतो।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:17

ओहाङःसैको परमेस्‍वर्‌कोः ग्‍वालामःमा ओउः भेदाकोः चोःकोः कमामा “लौ वाङ्अ दा” त दाय्‍ह्‌ती तोनाःचु। ओउः कुरा सायःओलम्‌मा “माः है वाङ्‌चाक्अ दै” तमा सबैइ तोपानी। ओहाङःसै सुसुमा अप्‌लेःनै ओउःपाय् ग्‍यातीलेः वाङ्‌ती ओउः पैसा आःताः त्‍याक्‌माःत सोह् बयःओ जीङः बयःसा तीः त्‍याक्‌पानी।