युहना 11:16 - चेपाङ

¹⁶ “लौ उया ङीमा येसुकुस् आल्इ ओहाङःसै ङीमा ओउःकुस् सीपाःतय्‍ही” त दाय्‍ह्‌ती दीदीमुस् त हाल् मय्‍ङ्ओ थोमाइ अरुकायः तोआथास।

युहना 11:16 ပူးပေါင်းရင်းမြစ်များ

मत्ती 10:3

फेरी अरु फीलीप् बर्‌थोलोमा थोमा ओउः पैसा उथावओ मत्ती आल्‍फीयस्‌कोः चोः याकुब् त तोओ थादीयस्

मत्ती 26:35

“खेःल बा ङा नाङ्‌कुस्इ सीसालेः खेःयामा ङाइ ओउःत माःओ कुरा तोबाय्‌ङल” त दाय्‍ह्‌ती पत्रुस्इमा तोआथै ओउःकोः साथीलम्इमा ओउःतलेः तोआकानी।

लुका 22:33

“अ प्रभुया ङा नाङ्‌कुस् झ्‍याल्‍खानहाङः थुनती मुसामा ग्‍यालेःनाङः माःहै ङा नाङ्‌कुस् सीसामा ग्‍यालेःनाङः बा” त दाय्‍ह्‌ती सीमोन् पत्रुस्इ येसुकायः तोथातो

लुका 6:15

मत्ती थोमा खेःइतो। आल्‍फीयस्‌कोः चोः याकुब् फेरी जेलोत् त हाल् मय्‍ङ्ओ सीमोन्

युहना 11:15

“ङा लाजरुस्‌कुस् मुमाःत झ्‍यान्‍ते ओउःपाय् सीआ। सीसापाय् सीओ लेःआः नीङ्इ लोन्‍ते स्‍याव्‌सा ग्‍याङ्‌ह्‌राय् च्‍यवःआक्‌तीको नीङ्इ पेतोलेः ङ्‌हाम्‌तेःनानी ओउःत झ्‍यान्‍ते ङा चोङाय्‌लेःती मुनाङः। लौ द्याह् आल्इ उया” त दाय्‍ह्‌ती येसुइ ओउःमयःकायः तोआथास।

युहना 11:8

“अ गुरुय ओउः यहुदीलम्इ योह् चीत्‌नम् नाङ्‌कायः बाङ् आप्‌ती सात्‌सा बोङःनीतो द्याह् द्यान्‍ह्‌तीतेः आल्‌नाःया” त दाय्‍ह्‌ती व्‍हत्इतो

युहना 13:37

“दोह् हायःती ङा गुल्‍ह्‌सा दोःधाङ्‌ताङःङल नाङ्‌कायः ङा सीसामा ग्‍यानाङः” त दाय्‍ह्‌ती पत्रुस्इ तोउतो

युहना 14:5

“अ प्रभुय नाङ् आल्‌सा खेःओहाङः ङीइ तय्‍ह्‌ङुसुलु गत हायःती ओहाङःकोः ल्‍याम् तय्‍ह्‌सा खाय्‌चाङःसु र” त दाय्‍ह्‌ती थोमा दाय्‍ह्आ।

युहना 21:2

यात् दीन्‌हाङः सीमोन् पत्रुस्‌मा ओउः ग्रेङ्‌ह्ओ चोः त मय्‍ङ्ओ थोमामा कानाकोः नथानएल् जबदीकोः चोःनीस्‌मा अरु नीस्‌चाक् येसुकुस् वाह्ओमयःमा हुम्‌तो मुओ खेःतो।

खबरदुत 1:13

ओहाङःसैको यरुसालेम्‌ताङ् दाह्‌ती वाङ्आक्‌तीको लयः याक्ओ कीम्‌कोः त्‍यावःअ कोथाहाङः पाय्‍ह्‌ती पोक्आकाय्। ओहाङः पत्रुस् युहना याकुब् अन्‍द्रीयस् त तोओलम्‌मा याक्‌ती मुओ खेःतो। ओहाङःमा फीलीप् थोमा बर्‌थोलोमा मत्ती आल्‍फीयस्‌कोः गोय्‌चोः याकुब् “जेलोत्” त हाल् मय्‍ङ्ओ सीमोन्‌मा याकुब्‌कोः गोय्‌चोः यहुदा त तोओलम्‌मा सबै ओहाङः याक्ओ खेःतो।