युहना 11:1 - चेपाङ

¹ ओहाङःसैको बेथानी त तोओ गाव्‌हाङः यात्‌चाक् लाजरुस् त तोओ जीक्‌ती मुओलेः खेःतो। ओउःकोः हौद्याङ्‌नीस् मरीयम् त तोओमा मार्‌था त तोओमा बेथानी गाव्‌हाङः याक्ओ खेःचतो।

युहना 11:1 ပူးပေါင်းရင်းမြစ်များ

मत्ती 21:17

ओहाङःसैको एत तोआक्‌तीको येसु ग्‍ल्‍युङ्‌ह्‌ती सहर्‌सै आल्‌ती बेथानी गाव्‌ताङ् एनःलाङ् पाय्‍ह्आकाय्।

मर्‌कस् 11:1

ओउः मान्‍ता येसुकायः गुल्‍ह्आकान् ओहाङःसैको येसुमा ओउःकुस् वाह्ओलम्‌मा आल्‌दा आल्‌दा यरुसालेम् द्याङ्‌तो दाह्‌ती जैथुन्‌सायः त तोओ बुम्‌हाङः मुओ बेथानी बेथ्‌फागे त तोओ गाव्‌नीस्‌ताङ् वाङ्आकाय्। ओहाङः दाह्‌ती वाङ्आक्‌तीको येसुइ नीस्‌चाक् लयःकुस् वाह्ओमयःकायः गोत्‌ती

युहना 11:11

“लौ ङीकोः साथी लाजरुस् त तोओपाय् एनःतीलेः मुनाः ङा ओउःकायः म्र्याताक्‌लाङ् आल्‌नाङः” तमा येसु दाय्‍ह्‌ती तोथासतो

युहना 11:18

ओउः बेथानी गाव्‌पाय् यरुसालेम्‌सै सुम् कीलोमीतर्‌ मुओ खेःतो द्याङ्‌तो लेःआः।

युहना 11:19

फेरी यरुसालेम्‌सै नाःतो यहुदीलम् मार्‌था मरीयम् नीस् नाःचाःकायः ल्‍हुङ् द्युमःताक्‌सा तोलाङ् वाङ्आकाय्।

युहना 11:3

ओउःनीस्‌कोः पुःपाय् क्‍लोःतोलेः जीक्‌नाः त खेःया येसुकः काःहाल्‌लाङ् ल्‍होक्आथै “लौ प्रभुय नाङ्इ राप्ओ मान्‍तापाय् आन क्‍लोःतो जीक्आ” त दाय्‍ह्‌ती कुरा ल्‍होक्आथै।

युहना 12:17

ओहाङःसैको ओउः ङ्‌हा सीओ लाजरुस्‌कायः येसुइ तेस्‌सै गोत्‌ती च्‍योक्‌ताक्ओ च्‍यवःओलम्इ इ कुरा सबैकायः ल्‍हाक्‌ती छ्यान्‍ह्आकानी

युहना 12:9

ओहाङःसैको येसुपाय् यरुसालेम्‌ताङ् दाह्‌ती वाङ्‌नाः त नाःतो यहुदीलम्इ चीःती बेथानी गाव्‌ताङ् वाङ्आकाय्। येसुकायःमा ओउः ङ्‌हा सीओ लाजरुस्‌कायःमा योलाङ् वाङ्आकाय्।

खबरदुत 9:37

ओहाङःसैको पत्रुस् त तोओ लीदा सहर्‌हाङः मुतोक् बेलाहाङः तबीथा त तोओपाय् जीक्‌ती सीआ। सीआक्‌तीको ओउःकोः म्‍हाङ् जेस्‌ती कीम्‌कोः त्‍यावःअ कोथाहाङः गम्आकानी।